Números 22:1 - Bible in Tzeltal Bachajón

¹ Loq'uic bahel te snich'nab Israel, c'oht spas scampamentohic ta spamlej yu'un Moab, ta ti' muc'ul-ha' Jordán, te snuhp'usitayej sba soc Jericó.

Bible in Tzeltal de Oxchuc y Tenejapa

¹ Te israeletic cha'beenic xan, c'o spas scampamentoic ta spamlejetic yu'un Moab, ta sloq'uib c'aal yu'un te muc'ja' Jordán, ta jejch' ja' yu'un te lum Jericó.

Números 22:1 ပူးပေါင်းရင်းမြစ်များ

Jeremías 40:11

Ha nix hich spisil te judiohetic te ayic ta Moab, Amón, Edom soc te yantic nacionetic, c'alal la ya'iyic te ay mach'atic ihquitayotic hilel ta Judá yu'un te ajwalil yu'un Babilonia soc te la yac' te ya xcuentahinotic yu'un te Gedalías,

Números 21:20

loq'uic bahel ta Bamot, c'ohtic ta spamlej ay ta sq'uinal Moab, nopol ta wits Pisga ta banti ya xchicnaj te jochol taquin q'uinal.

Números 26:3

Hich te Moisés soc te sacerdote Eleazar la sc'oponic te snich'nab Israel ta spamlejtic ta Moab, nopol ta muc'ul-ha' Jordán, te snuhp'usitayej sba soc Jericó, hich la yalbeyic:

Números 31:12

La yiq'uic tal te jchuqueletic soc te biluquetic te la spojic, la yaq'uic ta stojol Moisés, te sacerdote Eleazar soc te pueblo yu'un te snich'nab Israel ta scampamentohic ta spamlej yu'un Moab, ta nopol Jordán, te snuhp'usitayej sba soc Jericó.

Números 32:19

Te bin ut'il quich'ojcotic hilel jq'uinalcotic li' ta jehch ha' ta stojol banti ya xloc' tal c'ahc'al yu'un Jordán, ma ba pajal ya quich'cotic q'uinal soc te yantic tey ta jehch muc'ul-ha' Jordán, xchihic.

Números 34:15

Te cha'chahp soc j'ohlil la yich'iquix sq'uinalic li'i ta jehch Jordán, te snuhp'usitayej sba soc Jericó, ta stojol banti ya xloc' tal c'ahc'al, xchi.

Números 35:1

Te Jehová hich la yalbe te Moisés ta spamlej yu'un Moab ta nopol te muc'ul-ha' Jordán, te snuhp'usitayej sba soc Jericó:

Números 36:13

Ha'ic ini te mandariletic soc te bintic yaloj Jehová ta scuenta Moisés ta stojol te snich'nab Israel ta spamlej yu'un Moab ta nopol te muc'ul-ha' Jordán, te snuhp'usitayej sba soc Jericó.

Deuteronomio 1:5

Ta stojol banti ya xloc' tal c'ahc'al yu'un te Jordán, ta sq'uinal Moab, te Moisés hahch ta yalbeyel sc'oblal te mandariletic ini:

Deuteronomio 3:8

Ta hich ora spisil te q'uinal c'alal ta sjuclej Arnón ha to ta wits Hermón la jquich'betic ta sc'ab te cheb ajwalil amorreohetic te ayic ta stojol sloq'uib c'ahc'al yu'un te muc'ul-ha' Jordán.

Deuteronomio 34:1

Te Moisés loc' bahel ta spamlej yu'un Moab, mo bahel ta wits Nebo, ta sba wits Pisga, te snuhp'usitayej sba soc Jericó; tey a'bot yil yu'un Jehová spisil te sq'uinal Galaad c'alal ta Dan,

Deuteronomio 34:8

Te snich'nab Israel lajuneb scha'winic (30) c'ahc'al la yoq'uetayic te Moisés ta spamlej yu'un Moab. Hich ts'acay te jayeb c'ahc'al oq'uel soc mel-o'tan yu'un Moisés.

Josué 3:16

quehchaj te ha' te ya x'oquin tal ta ahc'ol, namal to la stsob hilel sba ta pueblo Adam nopol ta Saretán, yan te yoc te ya x'oquin bahel ta mar yu'un Arabá, ha te Mar Salado, taquij bahel. Hich sohlic bahel te pueblo ta stojol Jericó.