Números 20:2 - Bible in Tzeltal Bachajón

² Te bin ut'il mayuc ha' yu'un te pueblo, hich la stsob tal sbahic ta scontrahinel te Moisés soc Aarón,

Bible in Tzeltal de Oxchuc y Tenejapa

² Te israeletic ma la sta ja' yuch'ic. La stsob sbaic tel ta scontroinel Moisés soc Aarón,

Números 20:2 ပူးပေါင်းရင်းမြစ်များ

Salmos 106:32

Soc ha nix hich la yaq'uic ilinuc Dios ta ti' ha'etic yu'un Meriba; ha ta scajic te ma lecuc c'oht ta loq'uel te Moisés;

Éxodo 16:12

La jca'iybe te stijawic ta c'op te snich'nab Israel. Halbeya: Ta tibiltic ya me awe'ic ti'bal, soc ta sab ya me xnoj ach'uhtic ta pan; hich me yac ana'ic a te ho'on Jehovahon te Dioson awu'unic, xchi.

Éxodo 16:2

Tey ta jochol taquin q'uinal spisil te pueblo yu'un te snich'nab Israel hahch stijic ta c'op te Moisés soc Aarón,

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Números 14:2

Spisil te snich'nab Israel la scontrac'optayic te Moisés soc Aarón, hich la yalic: ¡Lec te chamucotic ta Egipto! ¡O lec te ya xchamotcotic li' ta jochol taquin q'uinal ini!

Números 14:9

Ha yu'un ma me xatoy abahic ta scontrahinel Jehová soc ma me xaxi'ic te yajwal te q'uinale, como te ho'otic ya me jwe'tic hichuc pan. Mayuquix canantayel yu'unic, yan te ho'otic sjoquinejotic te Jehová; ma me xaxi'ic, xchihic.

Números 16:19

Te Coré la stsob spisil te pueblo ta stojol te yochibal te Nahilpac' Templo yu'un tahojibal ta scontrahinel te Moisés soc te Aarón. Te yutsilal Jehová chicnaj ta stojol spisil te pueblo.

Números 16:3

La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

Números 16:42

Te c'alal la stsob sbahic ta scontrahinel te Moisés soc Aarón, la yilic bahel ta stojol te Nahilpac' Templo yu'un tahojibal te tal ta axintesel ta tocal, soc chicnaj tey a te yutsilal te Jehová.

Números 21:5

Hahch scontrac'optayic te Dios soc te Moisés, hich la yalic: ¿Bin yu'un la aloq'uesotcotic tal ta Egipto scuenta yu'un ya xchamotcotic li' ta jochol taquin q'uinal ini? Mayuc we'elil soc mayuc ha'; soc c'axix co'tancotic yu'un te we'elil ini, xchihic.