Números 2:2 - Bible in Tzeltal Bachajón

² Te snich'nab Israel ya me spasic snahilpaq'uic ta sjoyobal te Nahilpac' Templo yu'un tahojibal, jujutuhl ta banti te bandera yu'unic, ta banti te seña yu'un te sna te sme'statique.

Bible in Tzeltal de Oxchuc y Tenejapa

² —Te israeletic ya me yac' snailpaq'uic ta c'ubul jtebuc ta sjoyobal te Nailpac' te bay ya quich' c'oponele. Tey me ya spas scampamentoic chajbalchajp ta bay teq'uel te sbanderaic soc señailic te mach'atic ay yu'unique.

Números 2:2 ပူးပေါင်းရင်းမြစ်များ

Salmos 74:4

Te acontratac xjuyetic ta aw ta yohlil te tsoblej awu'une; la yaq'uic banderahetic yu'unic scuenta señahetic.

Salmos 76:11

Chapa ac'opic soc Jehová te Dios awu'unic soc c'ohtesahic ta pasel; spisilic te ayic ta sjoyobal ac'a yich'ic tal mahtaniletic ta stojol te Mach'a ay ta xi'el.

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Isaías 18:3

Ha'ex ta apisilic te ayex ta bahlumilal, ha'ex te nahinemex ta q'uinal, te c'alal ya yich' tohytesel mohel bandera ta wits, ila me awilic; soc te c'alal ya yich' tijel corneta, a'iya me awa'iyi.

Ezequiel 43:7

Hich la yal: Snich'anat winic, ha yawil te huctajibal cu'un ini, te banti ya cac' te coc, te banti ya xnahinon ta yohlil te israeletic sbahtel q'uinal. Te sna Israel o te ajwaliletic yu'un ma ba ya sbohlobtesboniquix sc'oblal te jch'ul bihil ta scuenta te antsinel yu'unic soc te schamen baq'uetetic yu'un te ajwaliletic yu'unic ta toyol awilaletic.

Zacarías 9:16

Ta hich ora, te Jehová te Dios yu'unic ya me scoltay hich te bin ut'il jtsohb tuminchijetic yu'un te pueblo yu'une, soc xlipet ya xc'ohtic ta sq'uinalic hich te bin ut'il t'ujbil tonetic ta corona.

Números 1:50

ya me awa'be scuentahinic te levitahetic te Nahilpac' yu'un te Testigo-c'op soc spisil sbiluc soc bintic ya xtuhun tey a. Ha ya sq'uechic bahel te Nahilpac' Templo soc spisil sbiluc, ya scuentahinic soc ya yac' snahilpaq'uic ta sjoyobal te Nahilpac' Templo.

Números 10:14

Ha nahil behen bahel te bandera yu'un te campamento yu'un te snich'nab Judá, ta scuenta jujutsohb yu'unic. Te Naasón snich'an Aminadab, ha jtsobaw yu'un te jtsohb soldadohetic yu'unique.

Números 10:18

Patil hahch ta behel te bandera yu'un te campamento yu'un te snich'nab Rubén ta scuenta jujutsohb yu'unic. Te Elisur snich'an Sedeur, ha jtsobaw yu'un te jtsohb soldadohetic yu'unique.

Números 10:22

Patil hahch ta behel te bandera yu'un te campamento yu'un te snich'nab Efraín, ta scuenta jujutsohb yu'unic. Te Elisama snich'an Amiud, ha jtsobaw yu'un te jtsohb soldadohetic yu'unique.

Números 10:25

Patil hahch ta behel te bandera yu'un te snich'nab Dan, ta scuenta te jujutsohb yu'unic, ha te ayic ta slajibal ta behel yu'un spisil te campamentohetique. Te Ahiezer snich'an Amisadai, ha jtsobaw yu'un te jtsohb soldadohetic yu'unique.

Números 2:1

Te Jehová hich la yalbe te Moisés soc Aarón:

Números 2:10

Te bandera yu'un te campamento yu'un Rubén ya xc'oht ta stojol sur, ta scuenta jujuchahp yu'unic. Te jtsobaw yu'un te sts'umbal Rubén, ha te Elisur snich'an Sedeur.

Números 2:3

Te mach'atic ya spasic snahilpaq'uic ta stojol banti ya xloc' tal c'ahc'al: ha te bandera yu'un te campamento yu'un Judá ta jujuchahp yu'unic. Te jtsobaw yu'un te sts'umbal Judá, ha te Naasón snich'an Aminadab.

Números 24:2

C'alal la stoy mohel sit, la yil te Israel te chahpambil scampamentohic ta scuenta jujuchahp sts'umbalic, tal ta stojol te Espíritu yu'un Dios.

1 Corintios 14:33

como te Dios ma ha'uc Dios yu'un te bin mayuc scuentahil bin ya yich' pasel, ha Dios yu'un lamal q'uinal. Hich te bin ut'il ay ta pasel ta spisil te iglesiahetic yu'un te mach'atic ch'uhltesbilic,

1 Corintios 14:40

Pero spisil te bintic yac apasic, yich'ojuc scuentahil soc buen chahpambiluc.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

Colosenses 2:19

ma ba jun ay soc te Jolal, te ha ta scuenta te spisil te sbaq'uetal, te mac'limbil soc te ts'acticlanej sba soc schihal, ya xmuc'ub hich te bin ut'il Dios ya yac' ya xmuc'ube.

Josué 3:4

scuenta yu'un yac ana'ic te banti behil ya xbahex, como te ha'ex mayuc c'axemex li' ta be ini. Pero ayuc me ho'bahc' (2,000) xuhc'ubil ma xatahic bahel te scaxahul te chapbil-c'op, ma me xalaq'uic bahel, xchihic.