Números 18:7 - Bible in Tzeltal Bachajón

⁷ Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Bible in Tzeltal de Oxchuc y Tenejapa

⁷ Ja'at nax me atuquel soc anich'nab te ya xju' ya apasic te at'el ta sacerdoteil ta bay scajtijib majt'anil, soc biluc ya xjajch' ta pasel ta yutil te paq'ue. Te at'el ja'ex ay ta awentaic, melel jo'on cac'ojbeyex ta awentaic te at'el ta sacerdoteile. Teme ay mach'a ya x'at'ej ta sacerdoteil te ma'yuc ta swenta, ya me yich' castigo ta milel —xi' te Cajwaltique.

Números 18:7 ပူးပေါင်းရင်းမြစ်များ

Salmos 115:10

Sna Aarón, ¡ac'a smuc'ulin awo'tanic te Jehová! Ha jcoltaywanej soc ha mahquilal awu'unic.

Éxodo 28:1

Ac'a taluc ta atojol te abanquil Aarón soc snich'nab scuenta yu'un ha sacerdotehetic ya xc'ohtic cu'un ta yohlil te snich'nab Israel; te Aarón soc snich'nab, ha te Nadab, Abiú, Eleazar soc Itamar.

Éxodo 29:9

Ya me achucbe sch'uhtic te Aarón soc snich'nab, soc ya me axojticlambe ta sjolic te spixjol pac'; hich ay ya'telic ta sacerdotehil te ma xlaj sc'oblal. Hich me yac awa'be yich' ya'telic te Aarón soc te snich'nabe.

Ezequiel 44:15

Pero te sacerdote-levitahetic, te sts'umbal Sadoc, te la sch'uhunic spasel te bintic la sc'an pasel ta ch'ul awilal cu'un te c'alal la yihquitayonic hilel te israeletic, ha'ic ya xnohpojic ta a'tel ta jtojol, soc ya stehc'an sbahic ta jtojol yu'un ya ya'bonic te sjuhp'el soc te ch'ich', xchi te Jehová, te Ajwalil.

Ezequiel 44:16

Ha'ic ya x'ochic ta ch'ul awilal cu'un, ya xnohpojic tal ta mesa cu'un yu'un ya yac' sbahic ta a'batinel cu'un soc ya spasic te a'tel cu'une.

Ezequiel 44:8

Ma ba ach'uhunejic spasel te bintic chahpambil sc'oblal te bintic ch'uhltesbilic cu'un, la awa'beyic scuentahin jyanlumetic te templo cu'une.

Levítico 16:2

Te Jehová la yalbe te Moisés: Halbeya te abanquil Aarón te ma biluc nax ora ya x'och bahel ta yutil te ch'ul awilal ta spat te tsalul pac', ta stojol te yawil stahel perdón te ay ta sba te scaxahul te chapbil-c'op, scuenta yu'un ma ba ya xcham a; como ya cac' chicnajucon ta tocal ta sba te yawil stahel perdón.

Levítico 7:35

Hich ay te bin ya yich' Aarón soc te snich'nab yu'un te mahtaniletic te ya yich'ic chiq'uel ta stojol Jehová, c'alal ta bin c'ahc'alil te parte ac'otic ta sacerdotehil yu'un Jehová.

Números 1:51

Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 16:40

scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

Números 18:20

Te Jehová la yalbe te Aarón: Mayuc q'uinal yac awich' ta banti sq'uinalic te yantique, soc mayuc binti yac awich' ta yohlilic. Ho'on me te bin yac awich' soc ho'on aq'uinalon ta yohlil te snich'nab Israel.

Números 18:3

Ya me spasic te bin yac awa'be spasic, soc ay ta scuentahic spasel spisil te a'tel ta Nahilpac' Templo, pero ma me xnohpojic bahel ta banti ay te ch'ul biluquetic yu'un te ch'ul awilal soc ta banti scajtajib ta chiq'uel mahtanil, scuenta yu'un ma ba ya xchamic soc ma ba ya xchamex a te ha'exe.

Números 3:10

Te Aarón soc te snich'nab ya me awac' te ya x'a'tejic ta sacerdotehil. Te mach'a yan ya xnohpoj tal, ya me xcham, xchi.

Números 3:38

Ta stojol banti ya xloc' tal c'ahc'al yu'un te Nahilpac' Templo, ta stojol te yochibal te Nahilpac' Templo yu'un tahojibal, ya spas scampamentohic te Moisés, Aarón soc snich'nab, te ay ta scuentahic spasel te bin pasel ya sc'an ta ch'ul awilal ta scuenta te snich'nab Israel. Te mach'a yan ya xnohpoj tal, ya me xcham.

San Mateo 10:8

Ya me alecubteslanic jchameletic soc jc'a'el-chameletic, ya me acha'cuxajtesic mach'a chamenic, soc ya me aloq'ueslanic pucujetic. Ta mahtanil la awich'ic, hich ni me ta mahtanil yac awaq'uic.

San Juan 3:27

La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Deuteronomio 18:2

Mayuc bin ya x'a'bot yu'untayic ta yohlil te yermanotac; ha sq'uinalic c'ohem te Jehová, hich te bin ut'il halbotic yu'un.

Hebreos 5:4

Mayuc mach'a stuquel-o'tan nax ya yac' sba ta muc'ul sacerdotehil, ya sc'an ya x'ic'ot yu'un Dios, hich te bin ut'il ic'ot te Aarón.

Josué 18:7

Yan te levitahetic mayuc bin ya yich'ic ta awohlilic stuquel, como ha ya yich'ic stuquel te sacerdotehil yu'un Jehová. Soc te sts'umbal Gad, Rubén soc te j'ohlil sts'umbal Manasés yich'ojiquix sq'uinalic ta stojol banti ya xloc' tal c'ahc'al yu'un te muc'ul-ha' Jordán, te a'botic hilel yu'un Moisés te a'bat yu'un Jehová, xchi.

1 Pedro 5:2

Canantayahic me te tuminchijetic yu'un Dios te ay ta awohlilic, ma ba ta scuenta sujel, ha'uc ta scuenta sc'anojel awo'tanic, ma ha'uc ta scuenta stahel taq'uin te ma stojiluc, ha'uc soc spisil awo'tanic.

1 Pedro 5:3

Ma me xacuy abahic ta ajwalil ta stojol te mach'atic ayic ta acuentahic, ha me xawa'beyic yil ta scuenta te bintic yac apasique.

1 Samuel 2:28

Ha la jtsa loq'uel ta yohlil spisil te jchahp yu'un Israel scuenta sacerdote cu'un ya xc'oht, yu'un ya yac' chic'bil mahtanil ta scajtajib cu'un, ya schic' pom, soc ya slap efod ta jtojol. La jca'be te mach'atic ay yu'un atat spisil te mahtaniletic chic'bilic ta c'ahc' te ya yaq'uic te snich'nab Israel.