Números 18:5 - Bible in Tzeltal Bachajón

⁵ Ay ta acuentahic spasel te a'tel ta ch'ul awilal soc ta scajtajib ta chiq'uel mahtanil, scuenta yu'un ma ba ya xtal xan ilimba ta stojol te snich'nab Israel.

Bible in Tzeltal de Oxchuc y Tenejapa

⁵ Te ja'ex ay ta awentaic te abatinel yu'un te ch'ul awilal soc ta scajtijib ta chiq'uel majt'anil. Jich me ma ba xcha'ilinon xan ta stojol te israeletique.

Números 18:5 ပူးပေါင်းရင်းမြစ်များ

1 Crónicas 23:24

Ha'ic te sts'umbal Leví ta jujuchahp sna sme'static, ha te jtsobawetic yu'un jujuchahp snahic, hich te bin ut'il la yich'ic ahtayel ta sbihilic, te ayiquix jtahb (20) ya'bilalic. Ha'ic te a'tejic ta sna Jehová.

1 Crónicas 23:32

Soc ay ta scuentahic scanantayel te Nahilpac' Templo yu'un tahojibal soc te ch'ul awilal, ta scuenta smandar te snich'nab Aarón te yermanotac ta spasel te a'tel ta sna Jehová.

1 Crónicas 24:5

La spucticlanic ta scuenta spasel seña ta na'el, como ta sts'umbal Eleazar soc ta sts'umbal Itamar ay príncipaletic yu'un te ch'ul awilal soc ay príncipaletic te sna Dios.

1 Crónicas 9:19

Te Salum snich'an Coré, snich'an Ebiasaf, snich'an Coré, soc spisil te yermanotac te ha sts'umbal Coré, ay ta scuentahic scanantayel yochibal te Nahilpac' Templo, hich te bin ut'il la spasic ta namey te static, te la scanantayic te yochibal campamento yu'un Jehová.

1 Crónicas 9:23

Ha'ic soc te snich'nabic la sjel sbahic ta scanantayel te yochibal sna Jehová, ha te Nahilpac' Templo.

1 Crónicas 9:33

Soc ay jc'ayojetic, ha jtsobawetic yu'un te jujuchahp sts'umbal Leví, tey nahinemic ta cuartohetic ta templo. Mayuc yan ya'telic, como c'ahc'al ahc'abal ay ta scuentahic c'ayoj.

Éxodo 27:21

Tey ta Nahilpac' Templo yu'un tahojibal, ta spat te tsalul pac' te ay ta stojol te Testigo-c'op, te Aarón soc te snich'nab ya me scuentahinic schahpanel te c'ahc' ta stojol Jehová ta xtibiltay c'alal ta sab. Ha mandaril te ma xlaj sc'oblal yu'un jujucaj sts'umbal te snich'nab Israel.

Jeremías 23:15

Ha yu'un te Jehová te scuentahinej spisil hich ya yalbe sc'oblal te jalwanejetic: Ya cac'ticlambe swe'ic ch'ahco' soc ya cac'ticlambe yuch'ic ha' te yich'oj veneno, como ta scuenta te jalwanejetic ta Jerusalén te puhc bahel ta spahmal q'uinal te ma xyich'ic ta muc' te Diose, xchi.

Ezequiel 44:15

Pero te sacerdote-levitahetic, te sts'umbal Sadoc, te la sch'uhunic spasel te bintic la sc'an pasel ta ch'ul awilal cu'un te c'alal la yihquitayonic hilel te israeletic, ha'ic ya xnohpojic ta a'tel ta jtojol, soc ya stehc'an sbahic ta jtojol yu'un ya ya'bonic te sjuhp'el soc te ch'ich', xchi te Jehová, te Ajwalil.

Ezequiel 44:16

Ha'ic ya x'ochic ta ch'ul awilal cu'un, ya xnohpojic tal ta mesa cu'un yu'un ya yac' sbahic ta a'batinel cu'un soc ya spasic te a'tel cu'une.

Levítico 10:6

Te Moisés hich la yalbe te Aarón soc te snich'nab, ha te Eleazar soc Itamar: Ma me xaloq'ues te smuhquil ajolic, soc ma me xach'i' ac'u'ic scuenta seña mel-o'tan, scuenta yu'un ma ba ya xchamex soc ma ba ya xtal ilimba ta stojol te pueblo. Yan te awermanotac, ta spisil sna Israel, ya xhu' ya smel yo'tanic stuquel yu'un te c'ahc' te la stihltes te Jehová.

Levítico 24:3

Ta fuera yu'un te tsalul pac' yu'un te Testigo-c'op, ta Nahilpac' Templo yu'un tahojibal, te Aarón ya schahpan te c'ahc' ta stojol Jehová ta yihc'ubel q'uinal c'alal ta sacubel q'uinal; ha mandaril te ma xlaj sc'oblal ta cajalcaj ats'umbalic.

Zacarías 10:3

Tihl hahchel sc'ahc'al co'tan ta stojol te jcananetic, ya ca'be castigo te jtsobawetique. Te Jehová te scuentahinej spisil ya scanantay te jtsohb tuminchijetic yu'un, ha te sna Judá, ha tulan cawu yu'un guerra ya xc'ohtic yu'un.

Números 1:50

ya me awa'be scuentahinic te levitahetic te Nahilpac' yu'un te Testigo-c'op soc spisil sbiluc soc bintic ya xtuhun tey a. Ha ya sq'uechic bahel te Nahilpac' Templo soc spisil sbiluc, ya scuentahinic soc ya yac' snahilpaq'uic ta sjoyobal te Nahilpac' Templo.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 16:46

Te Moisés la yalbe te Aarón: Ich'a tal te schic'ojibal pom, a'beya tey a te sc'ahc'al te scajtajib ta chiq'uel mahtanil soc a'beya pom ta sba, bahan ta ora ta banti ay te pueblo, pasbeya te stojel mulil, yu'un loq'uemix tal ilimba ta stojol Jehová, hahchemix jmilawal-chamel, xchi.

Números 18:4

Ya sjoquinat soc ya spasic te a'tel ta Nahilpac' Templo yu'un tahojibal, spisil te a'tel yu'un te Nahilpac' Templo. Ma me ayuc yan mach'a ya xnohpoj tal ta atojolic.

Números 4:18

Ma xawac' te ya xch'ay sts'umbal Coat ta yohlil te levitahetique.

Números 8:19

Ho'on la jtsa te levitahetic ta yohlil te snich'nab Israel, la jcac'ticlambe scuenta smahtan te Aarón soc snich'nab yu'un ya x'a'tejic ta Nahilpac' Templo yu'un tahojibal ta scuenta te snich'nab Israel, soc te ya yaq'uic te stojel mulil yu'un te snich'nab Israel, scuenta yu'un mayuc tulan chamel ya xc'oht ta stojolic te c'alal ya xnohpojic tal ta ch'ul awilal, xchi.

Números 8:2

Halbeya te Aarón: Te c'alal yac achahpan te scajtajib c'ahc', te huqueb c'ahc' yu'un ya me yac' sacubuc q'uinal ta stojol bahel te scajtajibe, xchi.

1 Timoteo 1:18

Jnich'an, Timoteo, ya ca'bat te mandar ini, te hich nix halbilix ac'oblal ta sc'op-jalwanej ta nahlilal, scuenta yu'un yac awac' te lequil tsaltamba ta scuenta te c'opetic ini,

1 Timoteo 3:15

scuenta yu'un, teme ma ba ora c'ohone, ya me ana' bin ya sc'an yac apas ta sna te Diose, ha te iglesia yu'un te cuxul Dios, te yoyal soc te yich'o-ip yu'un te smelelil c'ope.

1 Timoteo 5:21

Ya calbat tulan mandar ta stojol Dios soc te Cajwaltic Jesucristo soc ta stojol te tsahbil ch'ul a'batetic, te ya me apas spisil ini, ma me tsahbiluc nax mach'a yac ac'uxultay.

1 Timoteo 6:20

Timoteo, canantaya te bin a'bilat acuentahin; ma xawac' aba a te banti yac ta halel howilc'opetic te mayuc scuentahil soc te banti yac ta halel c'opetic cuybil ta p'ijil-c'op.