Números 18:3 - Bible in Tzeltal Bachajón

³ Ya me spasic te bin yac awa'be spasic, soc ay ta scuentahic spasel spisil te a'tel ta Nahilpac' Templo, pero ma me xnohpojic bahel ta banti ay te ch'ul biluquetic yu'un te ch'ul awilal soc ta banti scajtajib ta chiq'uel mahtanil, scuenta yu'un ma ba ya xchamic soc ma ba ya xchamex a te ha'exe.

Bible in Tzeltal de Oxchuc y Tenejapa

³ Ja' me ya yac' sbaic ta abatinel awu'un, soc ta Nailpac' Templo. Ja'uc me to, ma me xnoptsajic bael tey a ta bay te biluquetic yu'un te ch'ul awilal soc ta bay scajtijib ta chiq'uel te majt'anile. Teme ay ma la stsajtayic, ya me xlajic soc ya me xlajex te ja'exe.

Números 18:3 ပူးပေါင်းရင်းမြစ်များ

Ezequiel 44:13

Ma xhu' ya xnohpojic ta jtojol ta a'tel scuenta sacerdote, soc ma xhu' ya xnohpojic tal ta stojol te bintic ch'ultesbil cu'un o te bintic mero ch'ultesbil, ya me yich'ic sq'uexlalic soc te bintic ilobtic sba te la spasique.

Números 1:51

Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 16:40

scuenta shultesojibal yo'tanic te snich'nab Israel te ma me ayuc mach'a yan ya xhu' ya xnohpoj tal ta stojol Jehová ta yaq'uel pom teme ma ha'uc sts'umbal Aarón, scuenta yu'un ma ba ya xc'oht ta scuenta te bin c'oht ta scuenta te Coré soc te smohloltac, hich te bin ut'il yaloj Jehová ta scuenta Moisés.

Números 18:4

Ya sjoquinat soc ya spasic te a'tel ta Nahilpac' Templo yu'un tahojibal, spisil te a'tel yu'un te Nahilpac' Templo. Ma me ayuc yan mach'a ya xnohpoj tal ta atojolic.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Números 3:25

Ta banti te Nahilpac' Templo yu'un tahojibal ha hil ta scuenta te snich'nab Gersón scanantayel te nahilpac' soc smuhquil, te pac' yu'un te yochibal te Nahilpac' Templo yu'un tahojibal,

Números 3:31

Ha ay ta scuentahic scanantayel te scaxahul te chapbil-c'op, te mesa, scajtajib c'ahc', te scajtajibic ta chiq'uel mahtanil soc pom, bintic ya xtuhun scuenta a'tel ta ch'ul awilal, te tsalul pac' soc spisil te bintic ay ta pasel tey a.

Números 3:36

Ay ta scuenta te snich'nab Merari scanantayel te tablahetic yu'un te Nahilpac' Templo, te sc'atal-te'el, yoyal, scajtajibic soc spisil biluquetic yu'un, soc spisil te bintic ay ta pasel tey a,

Números 31:30

Ta j'ohlil yu'un te snich'nab Israel ya me aloq'ues jun ta lajuneb yoxwinic (50) yu'un te jchuqueletic, wacaxetic, burrohetic, tuminchijetic soc tentsunetic, spisil te chambahlametic, ha me yac awa'beyic te levitahetic te ya scanantayic te Nahilpac' yu'un Jehová, xchi.

Números 4:15

Te c'alal ya xlaj yo'tan te Aarón soc snich'nab ta spotsel te ch'ul awilal soc spisil te biluquetic yu'une, te c'alal chapalix a te ya xhahch bahel te campamento, ya xtalic te snich'nab Coat ta sq'uechel bahel, pero ma me spiquic te bintic ch'ultesbil, scuenta yu'un ma xchamic a. Ha'ic te biluquetic yu'un te Nahilpac' Templo yu'un tahojibal te ya sq'uechic bahel te snich'nab Coat.