Números 18:16 - Bible in Tzeltal Bachajón

¹⁶ Ta jun u yayinel a yac ajeltay ta ho'sehp siclo plata, ha te siclo yu'un ch'ul awilal, te ha jtahb (20) geras.

Bible in Tzeltal de Oxchuc y Tenejapa

¹⁶ Te taq'uin ja' me ya yich' tojel a te junix u yayinel, jo'sejp me plata jich bit'il p'isbil yalal juju-jsejp ta ch'ul awilal, te bulucheb gramo te yalale.

Números 18:16 ပူးပေါင်းရင်းမြစ်များ

Éxodo 30:13

Spisil mach'a ahtaybilix ya me yaq'uic j'ohlil siclo, hich te bin ut'il te siclo yu'un te ch'ul awilal. Te jun siclo ha jtahb gera yalal. Te j'ohlil siclo ha smahtan te Jehová.

Éxodo 38:24

Spisil te oro te tuhun yu'un te a'tel, ta spisil te a'tel yu'un te ch'ul awilal, ha te oro ac'ot ta mahtanil, ha baluneb scha'winic (29) talento soc lajuneb shuclajunwinic scha'bahc' (730) siclohetic yalal, hich te bin ut'il te siclo yu'un ch'ul awilal.

Ezequiel 45:12

Te siclo ha jtahb gera. Te jun mina ha jtahb (20) siclo soc ho'eb scha'winic siclo (25) soc ho'lajuneb (15) siclo.

Levítico 27:25

Spisil te cuentahetic yac apas, ha yac atuhun te siclo yu'un te ch'ul awilal; te siclo ha jtahb gera.

Números 18:15

Spisil te ba-alaletic yu'un ants-winiquetic soc sba-yal chambahlametic te ya ya'beyic Jehová, ha'at me awu'un. Pero ya me alehbe sjelol te ba-alal yu'un ants-winiquetic soc te sba-al chambahlametic te bohloben sc'oblal.

Números 18:17

Yan te sba-al wacax, tuminchij soc tentsun ma me xajeltay stuquel, yu'un ch'uhltesbilic. Yac atsihtsimbe sch'ich'el ta scajtajib ta chiq'uel mahtanil, soc yac achic'be sjuhp'el scuenta chic'bil mahtanil te sumet yic' ta stojol Jehová.

Números 3:46

Scuenta yu'un ya xcolic te oxlajuneb schanlajunwinic (273) ba-alal queremetic te c'axem ta yahtalul yu'un te levitahetic,

Números 3:47

c'ambeya ho'eb siclo scuenta jujutuhl, ha te siclo yu'un te ch'ul awilal (te jun ciclo ha jtahb geras).