Números 18:12 - Bible in Tzeltal Bachajón

¹² Spisil te lequil aceite, lequil vino, trigo soc te sba sit te ya ya'beyic Jehová, ho'on la jca'bat.

Bible in Tzeltal de Oxchuc y Tenejapa

¹² Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Números 18:12 ပူးပေါင်းရင်းမြစ်များ

Génesis 27:28

Dios ac'a ya'bat tal ts'ujul ta ch'ulchan, soc ac'a ya'bat te sit ya yac' te lumq'uinal, soc bayel trigo soc vino.

2 Reyes 4:42

Patil tal jtuhl winic te talem ta Baal-salisa. Yich'beyej talel te winic yu'un Dios jtahb (20) ta pehch pan yu'un sba sit cebada, soc yach'il trigo. La yal te Eliseo: A'beya swe'ic, xchi.

2 Crónicas 31:5

C'alal puhc bahel te mandar ini, te snich'nab Israel la yaq'uic bayel sba sit trigo, vino, aceite, chab, soc spisil te sit awal-ts'unubiletic. Soc bayel la yich'ic tal te jun ta slajunebal ta spisil bintic ay yu'unique.

Salmos 147:14

Ha ya yac' lahmajuc q'uinal ta spahmal alumal, ya yac' nojuc ach'uht ta lequil trigo.

Salmos 81:16

Pero Dios ya ya'be swe'elinic mero lequil trigo te pueblo yu'un, soc ya snojesbe sch'uhtic ta chab te ya xloc' ta tontiquil.

Éxodo 22:29

Ma me patiluc yac awa'bon jmahtanin te sit ats'unub-awawal soc te ya'lel ats'usub. Ya me awa'bon te ba-alal querem awu'une.

Éxodo 23:19

Te banti mero lec te sba sit ya yac' te aq'uinal ya me awich' tal ta sna Jehová te Dios awu'une. Ma me xapay alal tentsun ta ya'lel schu' te sme'e.

Éxodo 34:26

Te banti mero lec yu'un te sba sit te ya xloc' ta aq'uinal ya me awich' bahel ta sna Jehová te Dios awu'une. Ma me xapay te alal tentsun ta ya'lel schu' te sme'e, xchi te Jehová.

Ezequiel 44:30

Ha yu'un te sacerdotehetic te sba sit spisil te sba sit te ts'unub-awaliletic, soc spisil te mahtaniletic te ya yich'ic aq'uel awu'unic. Soc ha nix hich ya me awa'beyic te sacerdote te shahchibal ta wots'el te harina awu'unic, scuenta yu'un ya xc'oht bendición ta anahic a.

Levítico 2:12

Ya xhu' yac awa'beyic smahtanin Jehová scuenta sba sit, pero ma me xachiq'uic ta scajtajib ta chiq'uel mahtanil scuenta sumet yic'.

Levítico 2:14

Teme yac awa'be Jehová te mahtanil yu'un sba sit, ya me abacubtes ta c'ahc' te jujuchej te syaxal to soc te sit chewbil, scuenta mahtanil harina yu'un te sba sit awu'une.

Levítico 23:17

Ta banti anahic yac awich'ic tal cha'pehch pan pasbil ta cheb ta slajunebal efa lequil harina, ta'ajtesbil soc levadura, scuenta mahtanil sba sit ta stojol Jehová.

Levítico 23:20

Te sacerdote ya yac' scuenta tuchilambil mahtanil ta stojol Jehová, soc ya yac' te pan yu'un sba sit soc te cha'coht tuminchijetic. Ha te bin ch'ultesbil ta stojol Jehová te ha yu'un te sacerdote.

Deuteronomio 18:3

Hich ay te bin ay ta scuenta yich'el te sacerdotehetic ta banti te milbil mahtanil wacax o tuminchij te ya yaq'uic te pueblo: ha ya ya'beyic te sacerdote te spech baquel sc'ab, yahlan-e soc te stsucum.

Deuteronomio 18:4

Ya me awa'be te sba sit trigo, vino soc aceite awu'un, soc te sba stsotsel tuminchijetic awu'un te ya yich' loq'uesbeyel,

Deuteronomio 26:2

ya me awac' ta moch spisil te sba sit ats'unub-awawal te yac aloq'ues tey ta q'uinal ya ya'bat te Jehová te Dios awu'un, ya me xbahat tey ta lugar ya stsa te Jehová te Dios awu'un banti ya yac' te sbihile.

Deuteronomio 32:14

la ya'be swe' mantequilla yu'un wacaxetic soc leche yu'un me' tuminchijetic, te sjuhp'el jcolel tuminchijetic soc tat tuminchijetic yu'un Basán soc tat tentsunetic, buen lequil trigo, soc la awuch' vino te ha sch'ich'el te ts'usube.