Números 18:1 - Bible in Tzeltal Bachajón

¹ Te Jehová la yalbe te Aarón: Te ha'at soc anich'nab soc te jchahp sts'umbal Leví ay ta acuentahic te mulil ya xchicnaj ta ch'ul templo; yan te ha'at soc anich'nab ay ta acuenta atuquelic te mulil ya xchicnaj te ayex ta sacerdotehil.

Bible in Tzeltal de Oxchuc y Tenejapa

¹ Te Cajwaltic la yalbey Aarón: —Te ja'at soc anich'nab, soc te yantic ta apisilic te sts'umbalex Leví, ja' me amulic ya xc'ot teme ay ma jichuc ya yich' pasel ta ch'ul awilal te at'ele. Yan te ja'at soc anich'nab ja' me ya xc'ot ta awentaic te mulil teme ay ma jichuc te c'alal yacalex ta spasel awat'elic ta sacerdoteil.

Números 18:1 ပူးပေါင်းရင်းမြစ်များ

Éxodo 28:38

Hich ay ta sti'ba te Aarón, ha ya scuch te mulil ya xchicnaj ta scuenta spisil te bintic ch'uhltesbilic te ya yaq'uic te snich'nab Israel ta scuenta ch'ul mahtaniletic yu'unic. Spisil me ora ay ta sti'ba scuenta yu'un lecuc me sc'oblalic ta stojol te Jehová.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Isaías 53:6

Jpisiltic howiyemotic hich te bin ut'il tuminchijetic, jujutuhl la jt'untic bahel te be cu'untique; pero te Jehová la ya'be scuchbotic jmultic ta jpisiltic.

Ezequiel 4:4

Te ha'ate ya me ats'ehan aba ta q'uexam soc ya me awac' ta aba te smul Israel. Te jayeb c'ahc'al ts'ehelat tey a ya me awich'be te smulique.

Levítico 10:17

¿Bin yu'un ma ba la awe'ic te mahtanil yu'un mulil ta lugar te ch'ultesbil? Mero ch'ultesbil, soc Dios la ya'beyex scuenta yu'un yac aloq'uesbeyic a te smulic te pueblo, scuenta yu'un ya stahic perdón yu'un smulic ta stojol Jehová.

Levítico 22:16

ya me ya'beyic scuch smulic yu'un te la swe'ic te bintic ch'uhltesbilic. Ho'on, Jehovahon, te ya jch'ultes, xchi.

Levítico 22:9

Ya me sch'uhumbonic spasel te bintic caloj ta mandar scuenta yu'un ma ba ya scuch smul a, yu'un hich ma ba ya xchamic yu'un te la sbohlobtesbe sc'oblale. Ho'on, Jehovahon, te ya jch'ultes.

Números 14:34

Hich te bin ut'il halajex cha'winic (40) c'ahc'al ta stsahtayel te q'uinale, hich nix yac atojic te amulique: cha'winic (40) ha'bil, jujun ha'bil ya xc'oht te jujun c'ahc'ale. Hich yac ana'ic a te castigo cu'une.

Números 16:10

La yiq'uex tal ta stojol soc spisil awermanotac, ha te snich'nab Leví, ¿yu'un bal yac awotsesix abahic ec ta sacerdotehil?

Números 17:13

Ya xcham mach'ayuc a te ya xnohpoj tal ta Nahilpac' yu'un Jehová. ¿Yu'un bal jc'axel ya xchamotcotic ta jpisilcotic hiche? xchihic.

Números 17:3

soc ya me ats'ihbabe sbihil Aarón ta snahbate' te sts'umbal Leví, como ya sc'an te ay jujuch'ix snahbate'ic te jtsobaw yu'un jujuchahp sna sme'static.

Números 17:7

Te Moisés la yac' hilel te nahbate'eletic ta stojol Jehová ta Nahilpac' yu'un te Testigo-c'op.

Números 18:11

Soc ha awu'un ya xc'oht ini: ha te banti tsahbil yu'un spisil te tuchilambil mahtaniletic ya yaq'uic te snich'nab Israel, ha'at la jca'bat soc te ach'ix-queremetic awu'un scuenta mandaril te ma xlaj sc'oblal. Spisil mach'atic lec sc'oblalic ay ta ana ya xhu' ya swe'ic.

Números 3:6

Ac'a nohpojuc tal te jchahp yu'un Leví, ya me awac'ticlan ta stojol te sacerdote Aarón scuenta yu'un ya yac' sbahic ta a'batinel yu'un.

Deuteronomio 10:8

Ha yorahil a te Jehová parte la yac' te jchahp yu'un Leví, yu'un ha ya yich'ic bahel te scaxahul te chapbil-c'op yu'un te Jehová, scuenta yu'un ayic ta stojol Jehová soc ya yac' sbahic ta a'batinel yu'un, soc yu'un ya yaq'uic bendición ta scuenta sbihil, hich te bin ut'il c'alal ora.

Hebreos 13:17

Ch'uhumbeyahic smandar te mach'atic scuentahinejex, ac'a abahic ta cuentahinel yu'unic, como hich ya scanantaybeyex ach'uhlelic te bin ut'il mach'atic ya yaq'uic cuenta te ya'telique. Hich me xapasic scuenta yu'un tse'el yo'tanic ya x'a'tejic, te ma x'aletuc yo'tanic awu'unic, como mayuc bin lec yac atahic yu'un.

Hebreos 4:15

Como te muc'ul sacerdote cu'untic ma yu'unuc ma sna'botic yo'bolil jbahtic yu'un te mayuc quiptic, como hich nix la ya'iy tsajel ta spisil hich te bin ut'il te ho'otic, pero ma ba stahoj smul stuquel.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

Jueces 17:12

Te Micaía la ya'be yich' ya'tel te levita-winic; ha sacerdote c'oht yu'un soc hil ta nahinel ta sna te Micaía.