Números 17:5 - Bible in Tzeltal Bachajón

⁵ Ha ya xnichin te snahbate' te mach'a tsahbil cu'un, hich ya cac' quehchajuc ta jtojol te spartehic te snich'nab Israel te la scontrahinexe, xchi.

Bible in Tzeltal de Oxchuc y Tenejapa

⁵ Ya me cac' te ya xpulin sbastón te mach'a tsabil cu'une, jich me ma xbol-c'opojiquix te israeletic ta atojolic ta jwenta —xi' te Cajwaltique.

Números 17:5 ပူးပေါင်းရင်းမြစ်များ

2 Crónicas 26:16

Pero te c'alal la sta yip, la stoy sba, hich la sta jinel yu'un. Ma junuc yo'tan ta stojol Jehová te Dios yu'un, ha och bahel ta templo yu'un Jehová ta schiq'uel pom ta scajtajib ta chiq'uel pom.

Esdras 2:62

Ha'ic la sle sbihilic ta lista yu'un te jujuchahp na, pero ma ba la stahic tey a, ha yu'un la yich'ic loq'uesel ta sacerdotehil.

Salmos 105:26

La sticon te Moisés te a'bat yu'un, soc te Aarón te tsahbil yu'une.

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Isaías 11:1

Ya xloc' tal spuhl ta schumante'el Isaí; ta slohp' ya xt'ohm loq'uel tal spuhl te ya yac' sit.

Isaías 13:11

Ya ca'be castigo te bahlumilal yu'un te schopolil, te mach'atic chopolic ta scaj smulic. Ya jlajimbe sc'oblal te stoybahil te jtoybahetic soc ya jpehc'ambe stoybahil te j'uts'inwanejetic.

Isaías 27:6

Ya sta yorahil te ya xloc' slohp' te Jacob, ya xpuhlin soc ya xnichin te Israel, ya xnoj te bahlumilal yu'un te site.

Isaías 5:24

Ha yu'un, hich te bin ut'il ya slajin c'ajben te yat c'ahc', soc te ya slajin ac te c'ahq'ue, ha nix hich ya xc'a' te slohp'ic, soc ya xch'ay bahel snichic hich te bin ut'il ts'ubilum; como la sp'ajbe te ley yu'un Jehová te scuentahinej spisil, soc la yihlayic te sc'op te Ch'ul Dios yu'un Israel.

Ezequiel 16:41

Ya me schic'bat te nahetic awu'un soc ya me yaq'uic castigo ta atojol ta scomon sitic bayel antsetic. Hich ya cac' te ma ba yac awaq'uix aba ta antsinel soc ma ba yac atojix te mach'atic ya smulanate.

Ezequiel 23:27

Hich ya cac' te ya xlaj te bin chopol la amulan soc te antsinel awu'un ta stojol Egipto; ma ba yac atoyix mohel asit ta stojolic soc mayuquix bin ora yac ana' xan te Egipto.

Oseas 14:5

Hich ya xc'ohon ta stojol Israel te bin ut'il ts'ujul, ha ya snichin hich te bin ut'il te lirio, soc hich ya xc'uhb bahel slohp' te bin ut'il te cedrohetic ta Líbano.

Números 1:51

Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham.

Números 11:1

Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Números 16:11

Ha yu'un, ha'at soc spisil amohloltac la atsob abahic ta scontrahinel Jehová; como ¿mach'a a te Aarón te yac acontrahinic ta c'op? xchi.

Números 16:5

La yalbe te Coré soc spisil te mach'a sjoquinejic: Pajel te Jehová ya me yac' ta ilel mach'a a te ha yu'un soc te ch'ultesbil, ha ya yac' te ya xnohpoj tal ta stojol. Te mach'a tsahbil yu'un, ha ya yac' ya xnohpoj tal ta stojol.

Números 17:10

Te Jehová hich la yalbe te Moisés: Ac'a xan te snahbate' Aarón ta stojol te Testigo-c'op scuenta seña yu'un te mach'atic stoyoj sbahique. Hich yac awac' quehchajuc a te spartehic ta jtojol, scuenta yu'un ma ba ya xchamic, xchi.

Números 17:6

Te Moisés hich la yalbe te snich'nab Israel, ha yu'un spisil te príncipaletic yu'unic la yac'ticlambe snahbate'ic, jujun nahbate'el ta jujutuhl príncipal ta jujuchahp, lahchaych'ix ta spisil; soc tey nix ay a te snahbate' Aarón.

Números 17:8

Ta yan c'ahc'al tal ta Nahilpac' yu'un te Testigo-c'op te Moisés, la yil te snahbate' Aarón te ay ta scuenta Leví, puhlinemix, yac'ticlanejix swolnich, snich soc almendra sit.

1 Corintios 10:10

Soc ma me xawa'iyic wulwul-c'op, hich te bin ut'il ay la ya'iyic wulwul-c'op stuquelic, hich lajinotic yu'un te jlajinwaneje.

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.