Números 17:3 - Bible in Tzeltal Bachajón

³ soc ya me ats'ihbabe sbihil Aarón ta snahbate' te sts'umbal Leví, como ya sc'an te ay jujuch'ix snahbate'ic te jtsobaw yu'un jujuchahp sna sme'static.

Bible in Tzeltal de Oxchuc y Tenejapa

³ Te bastonil te ay ta swenta sts'umbal Leví, ya me ats'ibubey sbiil tey a te Aarón. Jich ya sc'an te ay juju-jch'ix sbastonil yu'un te jtsobwanej ta swenta te juju-jchajbe.

Números 17:3 ပူးပေါင်းရင်းမြစ်များ

Éxodo 6:16

Ha sbihilic ini te snich'nab Leví ta jujuchahp: ha te Gersón, Coat soc Merari. Te Leví cuxaj huclajuneb shucwinic (137) ha'bil.

Éxodo 6:20

Te Amram la yic' yihnamin te Jocabed te yihts'in stat, te la yalatay te Aarón soc Moisés. Te Amram cuxaj huclajuneb shucwinic (137) ha'bil.

Jeremías 42:20

¿Bin yu'un la alo'loy abahic? Ha'ex nix la aticononic ta stojol Jehová te Dios awu'unic, te hich la awalic: C'opombotic Jehová te Dios cu'untic, soc a'botcotic jna'cotic spisil te bin ya yal te Jehová te Dios cu'untic, hich me ya jpascotic, xchihex.

Ezequiel 37:16

Snich'anat winic, tsaca jun te', hich me xats'ihbay tey a: Yu'un Judá soc yu'un Israel te jun yo'tan sbahic soc, xchi. Patil tsaca yan te', hich me xats'ihbay tey a: Yu'un José, ha te te' yu'un Efraín, soc yu'un spisil Israel te jun yo'tan sbahic soc, xchi.

Números 17:2

Halbeya te snich'nab Israel te ac'a yich'ic tal snahbate'ic jujutuhl príncipaletic ta jujuchahp, lahchayeb nahbate'eletic hich te bin ut'il te sna sme'statique. Ya me ats'ihbabe sbihilic jujutuhl ta snahbate'ic,

Números 17:4

Yac awac'ticlan ta Nahilpac' Templo yu'un tahojibal ta stojol te Testigo-c'op.

Números 18:1

Te Jehová la yalbe te Aarón: Te ha'at soc anich'nab soc te jchahp sts'umbal Leví ay ta acuentahic te mulil ya xchicnaj ta ch'ul templo; yan te ha'at soc anich'nab ay ta acuenta atuquelic te mulil ya xchicnaj te ayex ta sacerdotehil.

Números 18:7

Yan te ha'at soc anich'nab yac apasic te a'tel ta sacerdotehil ta banti scajtajib ta chiq'uel mahtanil soc te bintic ay ta pasel ta yutil te stsalul pac'. La jca'beyex scuenta mahtanil te awa'telic ta sacerdotehil. Te mach'a yan ya xnohpoj tal, ya me xlaj, xchi te Jehová.

Números 26:10

La sjam sba te lum, la sbic'ticlan cohel ta spisilic soc Coré, te c'alal lajic ta c'ahc' lajuneb yoxlajunwinic (250) ta tuhl winiquetic, scuenta yu'un hich ya yilic a te yantique.