Números 17:13 - Bible in Tzeltal Bachajón

¹³ Ya xcham mach'ayuc a te ya xnohpoj tal ta Nahilpac' yu'un Jehová. ¿Yu'un bal jc'axel ya xchamotcotic ta jpisilcotic hiche? xchihic.

Bible in Tzeltal de Oxchuc y Tenejapa

¹³ Spisilic te mach'atic ya xnoptsajic ta ch'ul awilal yu'un Cajwaltic ya xlajic. ¿Yu'un bal jc'axel ya xlajotic jpisiltic jiche? —xiic.

Números 17:13 ပူးပေါင်းရင်းမြစ်များ

Génesis 3:3

ha nax te sit te te' ay ta yohlil te ts'umbil q'uinal la yalbotcotic te Diose: Ma me xalo'beyic sit stuquel, ma me xapicbeyic sit, scuenta yu'un ma ba ya xchamex, xchi.

2 Samuel 24:25

Tey la spasbe a te scajtajib ta chiq'uel mahtanil yu'un Jehová soc la ya'be scohtol chic'bil mahtanil soc milbil mahtanil scuenta lamal q'uinal. Te Jehová la ya'iybe sc'op ta scuenta te q'uinal, hich quehchaj te jmilawal-chamel ta stojol Israel.

1 Crónicas 15:13

Te bin ut'il ma hichuc la apasic ta nahil to, te Jehová te Dios cu'untic ilin ta jtojoltic ta scaj te ma ba la jlehtic hich te bin ut'il yaloj ta mandar, xchi.

Salmos 90:7

Lajemotcotic yu'un te sc'ahc'al awo'tan, soc ya jxi'cotic te awilimba.

Isaías 28:22

Ha yu'un yo'tic ma me xawa'iyic labanwanej, scuenta yu'un ma ba tulan xan yax xc'oht te bin ya schuquex a; como la jca'iy ta stojol Jehová te scuentahinej spisil te halbilix mandar te ya xc'oht jinel ta stojol spisil te nación.

Números 16:26

Hich la yalbe te pueblo: Loc'anic bahel ta stojol te snahilpaq'uic te bohl winiquetic ini, soc ma xapicbeyic te bin ay yu'unic, scuenta yu'un ma ba ya xlajex ta scuenta spisil te smulique, xchi.

Números 18:1

Te Jehová la yalbe te Aarón: Te ha'at soc anich'nab soc te jchahp sts'umbal Leví ay ta acuentahic te mulil ya xchicnaj ta ch'ul templo; yan te ha'at soc anich'nab ay ta acuenta atuquelic te mulil ya xchicnaj te ayex ta sacerdotehil.

Números 25:8

och bahel ta spat te israel-winic ta snahilpac', la slow ta sch'uht schebalic, ha te israel-winic soc te madianita-ants. Hich quehchaj te jmilawal-chamel ta yohlil te snich'nab Israel.

Números 32:13

Tihl yilimba Jehová ta stojol Israel, hich la ya'be sbehentayic te jochol taquin q'uinal cha'winic (40) ha'bil, ha to c'alal mayuquix mach'a cuxul hil te chopol bin la spasic ta stojol Jehová.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

Efesios 2:13

Pero ha'ex te namal ayex ta stojol Dios ta namey, ta ora ini, ta scuenta Cristo Jesús, la awich'iquix nohpojtesel tal ta scuenta sch'ich'el Cristo.

Deuteronomio 2:16

Te c'alal cham spisil te winiquetic te ya yaq'uic guerra,