Números 16:9 - Bible in Tzeltal Bachajón

⁹ ¿Yu'un bal ma tic'uquex a te la stsahex te Dios yu'un Israel ta yohlil te pueblo yu'un te snich'nab Israel, te la yiq'uex tal ta stojol yu'un yac apasic te a'tel ta nahilpac' yu'un Jehová soc te ya xtehc'ajex ta stojol te pueblo ta scoltaylanel?

Bible in Tzeltal de Oxchuc y Tenejapa

⁹ ¿Yu'un bal ma tic'uc ya awaiy te la stsaex te Dios yu'un spisil te israeletic, te ja' nopol ayex ta sts'eel te ja' ya awat'elinic spasel at'el ta ch'ul awilal yu'un Cajwaltic, soc te ya apasbeyic te at'el ta stojol te lume?

Números 16:9 ပူးပေါင်းရင်းမြစ်များ

Génesis 30:15

Pero la sjac' te Lea: ¿Yu'un bal jteb nax sc'oblal yac awa'iy te apojbeyejon te jmamalal, ya bal ac'an yac apojbe ehuc te mandrágoras yu'un te cale? xchi. Hich la yal te Raquel: Teme yac awa'bon te mandrágoras yu'un te awale ya xhu' ya sjoquinat ta wayel yo'tic ta ahc'abal te Jacob, xchi.

2 Samuel 7:19

Soc mayuc bayel sc'oblal c'ohem awu'un ini, Cajwal Jehová, la to awalbe sc'oblal te bin ya xc'oht ta pasel ta patil ta stojol te sts'umbal te a'bat awu'une. ¿Hich bal ay ta pasel awu'un ta stojol ants-winic, Cajwal?

2 Crónicas 35:3

Hich la yalbe te levitahetic te yaquic ta nohpteswanej ta Israel soc te ac'bilic ta stojol Jehová: Otsesahic te ch'ul scaxahul te chapbil-c'op ta na te la spas te Salomón snich'an David, ajwalil yu'un Israel, scuenta yu'un ma ba yac aq'uechiquix bahel ta anehquelic. Yo'tic ac'a abahic ta a'batinel yu'un Jehová te Dios awu'unic soc yu'un Israel te pueblo yu'une.

Nehemías 12:44

Ta hich ora ay winiquetic la yich' a'beyel ya'telic ta scuentahinel te yawil mahtaniletic, sba sit awal-ts'unubil soc te jun ta slajunebal, yu'un ya yich'ic q'uejel tey a te bintic ya yich'ic tal ta pueblohetic te ya yich'ic a'beyel te sacerdotehetic soc te levitahetic te hich ya yal te Ley. Como te mach'atic yu'un Judá mero tse'el yo'tanic ta stojol te sacerdotehetic soc te levitahetic te yaquic ta a'tele.

Isaías 7:13

Ha yu'un hich la yal te Isaías: A'iya me awa'iy ta ora, sna David: ¿Ma bal tic'uc yac awa'iy a te yac awuts'in te ants-winiquetic, ya bal awuts'in ec te Dios cu'une?

Ezequiel 34:18

¿Ma bal tic'uquex a te yac awe'ic te lequil ac, ya bal ats'o'ts'o'teq'uic te ac awu'unic te hilem, soc te c'alal yac awuch'ic te lequil ha', ya bal atijic ta awacanic te ha' te hileme?

Ezequiel 44:16

Ha'ic ya x'ochic ta ch'ul awilal cu'un, ya xnohpojic tal ta mesa cu'un yu'un ya yac' sbahic ta a'batinel cu'un soc ya spasic te a'tel cu'une.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 16:8

Te Moisés la yalbe xan te Coré: A'iya awa'iyic, snich'nab Leví:

Números 3:6

Ac'a nohpojuc tal te jchahp yu'un Leví, ya me awac'ticlan ta stojol te sacerdote Aarón scuenta yu'un ya yac' sbahic ta a'batinel yu'un.

Números 3:9

Ya me awac'ticlambe te levitahetic ta stojol te Aarón soc te snich'nabe, como ta yohlil te snich'nab Israel ha'ic te jc'axel a'botic ta stojol.

Hechos 13:2

Te c'alal ayic ta yich'el ta muc' Cajwaltic soc scomoj swe'elic a, hich halbotic yu'un te Ch'ul Espíritu: A'bonic ta jcuenta te Bernabé soc Saulo yu'un spasel te a'tel te ha tsahbilic cu'un ta spasel, xchi.

1 Corintios 4:3

Te ho'one mayuc sc'oblal ta co'tan te ya quich' chahpanel awu'unic o ta chahpajibal yu'un ants-winiquetic. ¡Ni ma ho'ucon ya jchahpan jba!

Deuteronomio 10:8

Ha yorahil a te Jehová parte la yac' te jchahp yu'un Leví, yu'un ha ya yich'ic bahel te scaxahul te chapbil-c'op yu'un te Jehová, scuenta yu'un ayic ta stojol Jehová soc ya yac' sbahic ta a'batinel yu'un, soc yu'un ya yaq'uic bendición ta scuenta sbihil, hich te bin ut'il c'alal ora.

1 Samuel 18:23

Te a'batetic yu'un Saúl hich baht yalbeyic ya'iy te David. La yal te David: ¿Ya bal acuyic te mayuc sc'oblal te mach'a ya snihalin te ajwalil, te bin ut'il pobrehon soc te mayuc jc'oblal? xchi.