Números 15:5 - Bible in Tzeltal Bachajón

⁵ Ya me awa'be sjoquin jun ta schanebal hin vino te jujucoht tuminchij scuenta scohtol chic'bil mahtanil o milbil mahtanil.

Bible in Tzeltal de Oxchuc y Tenejapa

⁵ Te milbil majt'anil te albilix tel sc'oplal, ya me yich' ac'beyel sjoin jun litro vino ta swenta juju-jcojt' chij.

Números 15:5 ပူးပေါင်းရင်းမြစ်များ

2 Crónicas 29:35

Hich ay bayel scohtol chic'bil mahtaniletic la yich'ticlan aq'uel soc te sjuhp'el te milbil mahtaniletic scuenta lamal q'uinal, soc malbil mahtaniletic te ya yich' malel soc jujun scohtol chic'bil mahtaniletic. Hich cha'hahch te a'tel ta sna Jehová.

Esdras 7:17

Ha taq'uin ini ya me aman jcolel torohetic, tat tuminchijetic, jcolel tuminchijetic, soc te mahtaniletic yu'un harina soc malbil mahtaniletic yu'unic, ya me awa'beyic ta scajtajib ta chiq'uel mahtanil ta sna te Dios awu'unic te ay ta Jerusalén.

Salmos 116:13

Ya jtoy mohel te copa yu'un colel soc ya jc'opon ta sbihil Jehová.

Éxodo 29:40

Ya me awa'be sjoquin te jujucoht tuminchij cheb litro lequil harina capal soc jun litro aceite yu'un p'ebil olivahetic; soc jun litro vino scuenta malbil mahtanil.

Cantares 1:4

¡Ic'awon bahel ta ora! Te ajwalil la yic'on ochel ta stsalul sna. Tse'el me co'tancotic soc bayel me yutsil co'tancotic ta atojol; c'ax me hich ya jna'cotic a te sc'uxul awo'tan te bin ut'il te vino. ¡Ha scuentahil te c'uxat ta yo'tanic!

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 23:13

Yac awac' scuenta mahtanil harina cheb ta slajunebal efa lequil harina wots'bil ta aceite, ha mahtanil te ya yich' chiq'uel ta stojol Jehová te buen sumet yic'. Te mahtanil te ya yich' malel, ha jun ta schanebal hin vino.

Levítico 3:6

Yan teme ya ya'be Jehová milbil mahtanil scuenta lamal q'uinal jcoht tuminchij o tentsun, teme stat o yantsilel, ya me yac' te ban mayuc bin jihnem yu'une.

Levítico 3:7

Teme ya yac' jcolel tuminchij scuenta mahtanil, ya me yac' ta stojol Jehová.

Zacarías 9:17

¡Cax lec soc buen t'ujbil! Te trigo ya ya'be yutsil q'uinal ya'iyic te queremetic soc te vino ya ya'be yutsil q'uinal ya'iyic te ach'ixetique.

Números 15:11

Hich ya yich' pasbeyel te jujucoht toro, tat tuminchij, jcolel tuminchij, o tentsun.

Números 15:6

Te jujucoht tat tuminchij ya me awac' sjoquin cheb ta slajunebal lequil harina wots'bil soc jun ta yoxebal hin aceite;

Números 28:14

Te malbil mahtanil vino, ha j'ohlil hin soc te jujucoht jcolel toro, jun ta yoxebal hin soc te jujucoht tat tuminchij, soc jun ta schebal hin soc te jujucoht tuminchij. Ha te scohtol chic'bil mahtanil yu'un jujun u ta sjunal ha'bil.

Números 28:7

Te malbil mahtanil yu'un: ha jun ta schanebal hin te ya yich' aq'uel soc te jujucoht tuminchij. Ya me amal te lequil vino ta stojol Jehová ta ch'ul awilal.

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

2 Timoteo 4:6

Te ho'one nopol ya sta yorahil te milbil smahtan Dios ya xc'ohon, nopol ya stahix yorahil ya xhil cu'un te bahlumilale.

Jueces 9:13

Hich halbotic yu'un te ts'usub: ¿Ya bal c'an quihquitay hilel te vino cu'un, te ay yutsil yo'tan a te Dios soc te winiquetic, yu'un ya jcuentahin te te'etic? xchi.