Números 15:3 - Bible in Tzeltal Bachajón

³ soc c'alal yac awa'beyic chic'bil smahtan te Jehová, teme scohtol chic'bil mahtanil, milbil mahtanil yu'un toro, tuminchij o tentsun, mahtanil yu'un bin la yich' chapel, mahtanil scuenta sc'anojel awo'tan, o teme yac awac' bin sumet yic' ta stojol Jehová ta yorahil q'uinetic awu'unic,

Bible in Tzeltal de Oxchuc y Tenejapa

³ biluc ora te ya awac'bonic jcojt' toro o jcojt' chij swenta chiq'uel te quich'jibal ta muc', jich bit'il milbil majt'anil o teme scojt'ol ya yich' chiq'uel te buen bujts'an te yiq'ue, chican teme ja' ya awac' a c'alal ya sts'aquej te ay bila jc'axel achapoje o teme majt'anil te mero spasemal awo'tan ya awaq'ue, o teme ja' te ay ya yich' pasel ta yorail te q'uine,

Números 15:3 ပူးပေါင်းရင်းမြစ်များ

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Esdras 7:17

Ha taq'uin ini ya me aman jcolel torohetic, tat tuminchijetic, jcolel tuminchijetic, soc te mahtaniletic yu'un harina soc malbil mahtaniletic yu'unic, ya me awa'beyic ta scajtajib ta chiq'uel mahtanil ta sna te Dios awu'unic te ay ta Jerusalén.

Salmos 54:6

Ta sc'anojel co'tan ya ca'bat milbil amahtan, ya calbat yutsil abihil, Jehová, como lec stuquel;

Éxodo 29:18

Ya me achic' scohtol te tat tuminchij ta scajtajib ta chiq'uel mahtanil; ha scohtol chic'bil mahtanil ta stojol Jehová te sumet yic', ha chic'bil mahtanil ta stojol Jehová.

Éxodo 29:25

Patil ya me awich'be te bin ay ta sc'abic, pajal ya me achic' ta scajtajib ta chiq'uel mahtanil soc te scohtol chic'bil mahtanil, scuenta sumet yic' ta stojol Jehová. Ha mahtanil a'bot te Jehová ta scuenta c'ahc'.

Éxodo 29:41

Ta xtibiltay ya me awac' te yan tuminchij soc te mahtanil harina soc malbil mahtanil yu'un, hich te bin ut'il ta sab, scuenta sumet yic' mahtanil a'bot Jehová ta scuenta c'ahc'.

Levítico 10:13

Ya me awe'ic ta lugar te ch'ultesbil, como ha'ex awu'unic soc anich'nab te mahtaniletic ya yich'ic chiq'uel ta stojol Jehová; yu'un hich halboton.

Levítico 27:2

Halbeya te snich'nab Israel: Teme ay mach'a ay bin muc' sc'oblal ya schap ta stojol Jehová, ha te ya sman loq'uel mach'a a'botix te Diose, hich me yac awal te jayeb ya stoj:

Levítico 7:16

Yan teme ha mahtanil yu'un sc'op schapoj, o teme scuenta nax sc'anojel yo'tan, ya yich' we'el ta sc'ahc'alel nix te la yich' aq'uele; teme ay to hile, ya xhu' ya swe'ic ta schebal c'ahc'al;

Números 28:27

Ya me awaq'uic scuenta scohtol chic'bil mahtanil te sumet yic' ta stojol Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal,

Números 29:8

Ya me awaq'uic scuenta scohtol chic'bil mahtanil te sumet yic' ta stojol Jehová jcoht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic,

Números 6:15

Soc jun moch pan ma ba yich'oj levadura pasbil ta harina wots'bil ta aceite, jayal pan te ma ba yich'oj levadura te jaxbil ta aceite, mahtanil harina soc malbil mahtaniletic yu'un.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

2 Corintios 2:15

Como ta stojol Dios ha sumet yic' Cristo c'ohemotic ta stojol te mach'atic ya xcolic soc te mach'atic ya xch'ayique.

2 Corintios 2:16

Ta stojol te mach'atic ya xch'ayic, ha yic' scuenta lajel c'ohemotic yu'unic; ta stojol te yantic, ha yic' scuenta cuxlejal. ¿Mach'a a te ya xhu' yu'un spasel ini?

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

Deuteronomio 12:11

Te lugar te ya stsa Jehová te Dios awu'unic bantic ya yac' te sbihile, tey me yac awaq'uic a spisil te bin ya calbeyex: ha te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic awu'unic, soc spisil te bintic tsahbil te jc'axel awalojic ta jamal yac awa'beyic te Jehová.

Deuteronomio 12:17

Ma me xawe' ta pueblohetic awu'un te jun ta slajunebal te trigo, vino, aceite, te sba-al wacaxetic, tuminchijetic o tentsunetic, te mahtaniletic jc'axel awaloj ta jamal yac awac', te mahtaniletic yac awac' ta sc'anojel awo'tan, o te tuchilambil mahtaniletic awu'un te yac awac',

Deuteronomio 12:6

Tey yac awaq'uic a te scohtol chic'bil mahtaniletic, milbil mahtaniletic, te jun ta slajunebal, te tuchilambil mahtaniletic, te mahtaniletic yu'un te bin jc'axel awalojic ta jamal, te mahtaniletic yac awaq'uic scuenta sc'anojel awo'tanic, soc te sba-al te wacaxetic, tuminchijetic soc tentsunetic awu'unique.

Filipenses 4:18

Yo'tic ts'acal la jquich'ix, ayix bayel bin ay cu'un; lequix ayon, te bin ut'il la jquich'beyix ta sc'ab te Epafrodito te bin la aticonic tal, ha mahtanil te sumet yic', ha milbil mahtanil te lec yo'tan Dios yu'une.