Números 14:9 - Bible in Tzeltal Bachajón

⁹ Ha yu'un ma me xatoy abahic ta scontrahinel Jehová soc ma me xaxi'ic te yajwal te q'uinale, como te ho'otic ya me jwe'tic hichuc pan. Mayuquix canantayel yu'unic, yan te ho'otic sjoquinejotic te Jehová; ma me xaxi'ic, xchihic.

Bible in Tzeltal de Oxchuc y Tenejapa

⁹ Ja'uc me to, ma me xatoy abaic ta stojol te Cajwaltic, soc ma me xiwex yu'un te yajwal q'uinale, melel te jo'otic ya me jlajintic jich bit'il ya jlajintic te jwe'eltique. Ma me ayuc mach'a ya xc'opoj yu'un stuquelic, yan te jo'otic ay ta coliltic te Cajwaltique. Ma me ayuc xiwel ta awo'tanic —xiic.

Números 14:9 ပူးပေါင်းရင်းမြစ်များ

Génesis 48:21

Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

2 Crónicas 15:2

hich loc' sta te Asa, hich la yalbe: A'iybon awa'iyic jc'op, Asa soc spisil Judá soc Benjamín: Ya me sjoquinex te Jehová teme jun awo'tan yac awac' abahic ta stojol. Teme yac alehic, ya me atahic; yan teme yac awihquitayic, ya me yihquitayex.

2 Crónicas 20:17

Ma ba yac awa'beyic guerra ha'ex. Lahmana abahic ta tec'lej, ya me awilic te colel yu'un Jehová ta atojolic. Judá soc Jerusalén, ma me xiwex soc ma me xpehc'aj awo'tanic; bahan, tahahic pajel, como te Jehová ya me sjoquinex, xchi.

2 Crónicas 32:8

Ha nax joquimbilic yu'un ch'ich'-baq'uet, yan te ho'otic sjoquinejotic te Jehová te Dios cu'untic te ya scoltayotic soc te ya yac' guerra ta jcuentatic, xchi. Hich la sta smuc'ul yo'tanic te pueblo yu'un te bin la yal te Ezequías ajwalil yu'un Judá.

Nehemías 4:14

C'alal laj co'tan ta yilel, hahchon, soc la jcalbe te mach'atic ich'bilic ta muc', te mach'atic ay ya'telic soc spisil te pueblo: Ma xiwex ta stojolic; na'ahic me te Cajwaltic ha muc' soc ay ta xi'el, ac'ahic guerra ta scuenta awermanotac, te querem ach'ixetic awu'unic, te antsetic awu'unic soc te anahique, xchihon.

Salmos 106:24

Patil la yihlayic te lumq'uinal te buen t'ujbil; ma ba la sch'uhunic te bin la yal te Diose.

Salmos 121:5

Te Jehová ha jcanantaywanej awu'un; te Jehová ha axinal awu'un ta swa'el ac'ab.

Salmos 14:4

¿Ma bal yacuc sna'ic stsahtayel spisil te mach'atic chopol bin ya spasic, te hich ya slajimbonic te pueblo cu'un te bin ut'il ya swe'ic pan, soc te ma ba ya sc'oponic te Jehová?

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:8

La', ilawilic te a'teliletic yu'un Jehová, ha te jinel te yac'oj ta q'uinal.

Salmos 74:14

La atenticlambe sjolic te Leviatán, la awa'be swe'elin ti'awal chambahlametic te ayic ta jochol taquin q'uinal.

Salmos 91:1

Te mach'a ya xnahin ta banti canantaybil yu'un te Mach'a toyol ay, ya me xnahin ta yaxinal te Mach'a spisil ya xhu' yu'une.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Éxodo 33:16

¿Bin ut'il ya xchicnaj teme lec c'ohemon ta atojol soc te pueblo awu'une? ¿Ma bal ha'uc ya xchicnaj yu'un te ha'at yac ajoquinon bahel, soc te bin ut'il te ho'on soc te pueblo awu'un parte ac'bilotcotic ta yohlil spisil te yantic pueblohetic ta swohlol bahlumilal? xchi.

Isaías 1:2

A'iya awa'iy, ch'ulchan, a'iya awa'iy, bahlumilal; como hich ya yal te Jehová: La jcoltes jnich'nab, la jmuc'ubtes, pero la stoy sbahic ta jtojol.

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Isaías 63:10

Pero la stoy sbahic soc la ya'be smel yo'tan te ch'ul espíritu yu'une; ha yu'un suht ta scontrahic soc ha nix la stsac sba ta guerra soc.

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Jeremías 42:11

Ma me xaxi'ic te ajwalil yu'un Babilonia, te yac axi'belic ta ora ini. Ma me xaxi'ic, xchi te Jehová, yu'un ya joquinejex yu'un ya jcoltayex soc ya jloq'uesex ta libre ta sc'ab.

Jeremías 48:45

Ta axinal yu'un Hesbón mayuquix yipic a ya stehc'an sbahic te mach'atic loq'uic ta ahnel; como loc' c'ahc' ta Hesbón, soc yat c'ahc' ta yohlil Sehón; la schic'be yohlil sjol te Moab, soc te sbaquel sjol te mach'atic la shachic te c'opetique.

Daniel 9:5

La jta jmulcotic, la jpascotic te bintic chopol, la jpascotic te bin ma lecuc, la jtoy jbahcotic soc la jquihquitaycotic hilel te mandariletic awu'un soc te bin awaloj ta mandar.

Daniel 9:9

Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Números 13:30

Ha yu'un te Caleb la scom ta c'op te pueblo ayic ta stojol Moisés, hich la yal: Mohucotic bahel ta ora, ya me quich'tic te q'uinal, yu'un ya xhu' cu'untic, xchi.

Números 17:6

Te Moisés hich la yalbe te snich'nab Israel, ha yu'un spisil te príncipaletic yu'unic la yac'ticlambe snahbate'ic, jujun nahbate'el ta jujutuhl príncipal ta jujuchahp, lahchaych'ix ta spisil; soc tey nix ay a te snahbate' Aarón.

Números 20:2

Te bin ut'il mayuc ha' yu'un te pueblo, hich la stsob tal sbahic ta scontrahinel te Moisés soc Aarón,

Números 24:8

Dios la sloq'ues tal ta Egipto; hich yipic te bin ut'il yip ha'mal toro. Ya sti'ticlan te nacionetic te ya xcontrahinot yu'un, ya swac'ticlambe sbaquel, tamp'as ya sohlteslambe te ya'tejibal st'ihmalte'.

San Mateo 1:23

Ay jtuhl ach'ix te ya xhahch yal soc ya x'ayin squerem-al, Emanuel sbihil ya xc'oht, te xchihe. (Dios sjoquinejotic, xchi te c'asesbile.)

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Deuteronomio 1:21

Ilawil, te Jehová te Dios awu'un, la ya'batix te q'uinale. Bahan, u'untaya, hich te bin ut'il la yalbat te Jehová te Dios yu'un te ame'atatique; ma me xiwat soc ma me xpehc'aj awo'tan, xchihon.

Deuteronomio 1:26

Pero ma ba la ac'anic te mohex bahel, la atoy abahic ta stojol te smandar Jehová te Dios awu'unic.

Deuteronomio 1:29

Ha yu'un la jcalbeyex: Ma xiwex, ma me xaxi'ic.

Deuteronomio 31:6

Ac'a me fuersa soc ayuc me yip awo'tanic, ma me xiwex, ma me xnihc awo'tanic ta stojolic, como ha te Jehová te Dios awu'un te ya sjoquinat bahel; ma ba ya yihquitayat soc ma ba spihtesat, xchi te Moisés.

Deuteronomio 31:8

Te Jehová ya xnahilij bahel awu'un, ya sjoquinat, ma ba ya yihquitayat soc ma ba ya spihtesat; ma me xiwat soc ma me xpehc'aj awo'tan, xchi.

Deuteronomio 32:42

Ya jyacubtes ta ch'ich' te ya'tejibalul jt'ihmalte', ya slajin baq'uet te espada cu'un; ha te sch'ich'el mach'atic lajic soc te jchuqueletic, te sjolic te jtsobawetic yu'un jcontrahinwanejetic, xchi te Jehová.

Deuteronomio 7:18

ma me xaxi'. Na'a me ta lec te bin la spas Jehová te Dios awu'un ta stojol faraón soc spisil Egipto;

Deuteronomio 7:21

Ma me xlaj awip yu'un xiwel ta stojolic, como ay ta awohlil te Jehová te Dios awu'une; ha Dios te mero muc' soc te ay ta xi'el.

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

Filipenses 1:27

Ha nax ya calbeyex wocol te hichuc ya x'ayinex te bin ut'il ya sc'an te lec yach'il c'op yu'un Cristo, scuenta yu'un teme ya xtal quilex o ma ba ya xtal quilex, ya me ca'iybeyex ac'oblalic te jun awo'tan abahic soc te pajal yaquex ta ya'beyel yipal yu'un sch'uhunel te lec yach'il c'op,

Josué 1:5

Mayuc mach'a ya xhu' ya stsalat te jayeb c'ahc'al cuxulat. Hich te bin ut'il la joquin te Moisés, ha nix hich ya joquinat; ma ba ya quihquitayat soc ma ba ya jpihtesat.

Josué 14:12

A'bon hiche te wits ini te halbot sc'oblal yu'un Jehová ta hich ora; como ta hich ora ha'at la awa'iy te tey ayic a te sts'umbal Anac soc te ay muc'ul pueblohetic te ay sts'aculique. Teme sjoquinejon te Jehová, ya jtenticlan loq'uel hich te bin ut'il yaloj te Jehová, xchi te Caleb.

Jueces 1:22

Ha nix hich te sts'umbal José baht ya'beyic guerra te Bet-el; joquimbilic yu'un Jehová.