Números 14:5 - Bible in Tzeltal Bachajón

⁵ Te Moisés soc Aarón la spahcan sbahic c'alal ta lum ta stojol spisil te pueblo yu'un te snich'nab Israel.

Bible in Tzeltal de Oxchuc y Tenejapa

⁵ Te Moisés soc te Aarón la stinan sba coel c'alal ta lum ta sit spisil Israel.

Números 14:5 ပူးပေါင်းရင်းမြစ်များ

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

1 Reyes 18:39

C'alal la yilic spisil te pueblo, la squejan sbahic c'alal ta lum, soc la yalic: ¡Ha Dios te Jehová, ha Dios te Jehová! xchihic.

1 Crónicas 21:16

Te David la yil te ch'ul a'bat yu'un Jehová te ay ta po'tal ch'ulchan, stsacoj espada ta sc'ab, shachoj ta stojol Jerusalén. Ha yu'un te David soc te mamaletic la snijan sbahic c'alal ta lum, slapojic ch'ixal pac' a.

Ezequiel 9:8

Te c'alal yacalic ta smilticlanel a, te jtuquel xanix hilon, la jpahcan jba c'alal ta lum soc awonon, hich la jcal: ¡Cajwal, Jehová! ¿ya bal ajin spisil te mach'atic hilemic yu'un Israel, ha te yac amal cohel ta Jerusalén te awilimba? xchihon.

Daniel 10:9

C'alal la jca'iybe sc'op, ch'ay q'uinal, hilon ta lum yu'un.

Levítico 9:24

Loc' tal c'ahc' ta stojol Jehová, la slajin te scohtol chic'bil mahtanil soc te sjuhp'el ayic ta scajtajib ta chiq'uel mahtanil. C'alal hich la yilic spisil te pueblo, awonic soc la squejan sbahic ta lum.

Números 14:6

Te Josué snich'an Nun, soc Caleb snich'an Jefone, te ha c'ohtic ta stsahtayel te q'uinal, la sch'i'ticlan sc'u'ic yu'un,

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 16:4

C'alal hich la ya'iy te Moisés, la spahcan sba ta lum.

Números 16:45

Loc'anic bahel ta stojol te pueblo ini, ya me jlajin ta ora, xchi. La spahcan sbahic ta lum yu'un.

Números 17:10

Te Jehová hich la yalbe te Moisés: Ac'a xan te snahbate' Aarón ta stojol te Testigo-c'op scuenta seña yu'un te mach'atic stoyoj sbahique. Hich yac awac' quehchajuc a te spartehic ta jtojol, scuenta yu'un ma ba ya xchamic, xchi.

Números 20:6

Te Moisés soc Aarón loq'uic bahel ta stojol te snich'nab Israel, bahtic ta yochibal te Nahilpac' Templo yu'un tahojibal, la spahcan sbahic ta lum. Chicnaj yutsilal Jehová ta stojolic.

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

Josué 7:10

Te Jehová la yalbe te Josué: ¡Hahchan! ¿Bin yu'un pacalat ta lum?

Apocalipsis 4:10

te chaneb scha'winic (24) ta tuhl mamaletic ya spahcan sbahic ta stojol te Mach'a hucul ta smuc'ul-huctajib, ya sch'uhuntayic te Mach'a stalel cuxul sbahtel q'uinal, ya xohtan scoronahic ta stojol te muc'ul-huctajibal soc hich ya yalic:

Apocalipsis 5:14

Te chaneb bintic cuxajtic hich la yalic: ¡Hichuc! xchihic. Te chaneb scha'winic (24) ta tuhl mamaletic la spahcan sbahic soc la sch'uhuntayic.

Apocalipsis 7:11

Spisil te ch'ul a'batetic, te mamaletic soc te chaneb bintic cuxajtic sjoytayejic ta tec'lej te muc'ul huctajibal, la spahcan sbahic ta stojol te muc'ul-huctajibal soc la sch'uhuntayic te Diose,