Números 14:2 - Bible in Tzeltal Bachajón

² Spisil te snich'nab Israel la scontrac'optayic te Moisés soc Aarón, hich la yalic: ¡Lec te chamucotic ta Egipto! ¡O lec te ya xchamotcotic li' ta jochol taquin q'uinal ini!

Bible in Tzeltal de Oxchuc y Tenejapa

² Spisilic jajch'ic ta bol c'op ta stojol te Moisés soc te Aarón, jich la yalic: —¡Ja' lec te lajucotic ta Egipto, o ta jochol taquin q'uinal!

Números 14:2 ပူးပေါင်းရင်းမြစ်များ

1 Reyes 19:4

Te Elías baht jun xan c'ahc'al ta jochol taquin q'uinal, la shuhcan sba ta ye'tal enebro-te'. Yo'tanuc ya xchamix, hich la yal: ¡Tic'uquix a, Jehová! Lajimbon te jcuxlejal; ma ho'ucon lecon xan a te bin ut'il te jme'jtate, xchi.

Job 3:11

¿Bin yu'un te ma ba chamon ta ch'uhtul, o chamucon a te c'alal ayinone?

Salmos 106:24

Patil la yihlayic te lumq'uinal te buen t'ujbil; ma ba la sch'uhunic te bin la yal te Diose.

Salmos 106:25

Hahchic wulajanel ta snahilpaq'uic, ma ba la sch'uhumbeyic sc'op te Jehová.

Salmos 106:45

la sna' xan te chapbil-c'op yu'un ta stojolic, hich la sut sc'op ta scaj te bayel sc'uxul yo'tan.

Éxodo 14:11

La yalbeyic te Moisés: ¿Yu'un bal mayuc muquenaletic ta Egipto te la aloq'uesotcotic tal yu'un ya xlajotcotic ta jochol taquin q'uinal? ¿Bin yu'un hich la apasbotcotic te la aloq'uesotcotic tal ta Egipto?

Éxodo 15:24

Te pueblo hahch stijic ta c'op te Moisés, hich la yalbeyic: ¿Bin ya cuch'tiquix a? la yutic.

Éxodo 17:3

Te snich'nab Israel ay taquinti'il la ya'iyic tey a, hich hahch stijic ta c'op te Moisés, hich la yalbeyic: ¿Bin yu'un la aloq'uesotcotic tal ta Egipto yu'un yac amilotcotic ta taquinti'il soc cal-jnich'ancotic soc te jchambahlamcotic? la yutic.

Jonás 4:3

Ha yu'un, Jehová, awocoluc lajimbonix te jcuxlejal, como ha lec te ya xchamon te bin ut'il cuxulone, xchi.

Jonás 4:8

C'alal loc' tal te c'ahc'ale, Dios la yac' taluc q'uixin ic' ta stojol banti ya xloc' tal c'ahc'al. Chic'bot sjol te Jonás yu'un te c'ahc'ale, laj yip yu'un. Ya sc'an ya xcham, hich la yal: Ha lec te yacuc xchamon te bin ut'il cuxulon, xchi.

Números 11:1

Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Números 11:15

Teme hich yac apasbone, awocoluc milawon, teme lec awo'tan ta jtojol, scuenta yu'un ma ba ya quil te jwocole, xchi.

Números 11:5

Ya jna'tic te chay la jwe'tic ta Egipto te mayuc stojol, soc te pepino, melón, tux-ac, cebolla soc axux.

Números 14:1

Ha yu'un spisil te pueblo hahchic ta tulan aw; sjunal ahc'abal oq'uic.

Números 14:22

spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 16:41

Ta schebal c'ahc'al spisil te pueblo Israel hahchic ta scontrac'optayel te Moisés soc Aarón, hich la yalbeyic: Te ha'exe la amilic te pueblo yu'un Jehová, xchihic.

Números 17:6

Te Moisés hich la yalbe te snich'nab Israel, ha yu'un spisil te príncipaletic yu'unic la yac'ticlambe snahbate'ic, jujun nahbate'el ta jujutuhl príncipal ta jujuchahp, lahchaych'ix ta spisil; soc tey nix ay a te snahbate' Aarón.

Números 20:2

Te bin ut'il mayuc ha' yu'un te pueblo, hich la stsob tal sbahic ta scontrahinel te Moisés soc Aarón,

Números 20:3

hich la yalic ta scontrahinel te Moisés: Ha lec te pajal lajucotic soc te quermanotac te c'alal lajic ta stojol Jehová.

Números 20:4

¿Bin yu'un te la awiq'uic tal te pueblo yu'un Jehová li' ta jochol taquin q'uinal ini yu'un ya xlajotcotic soc te chambahlametic cu'uncotique?

Números 21:5

Hahch scontrac'optayic te Dios soc te Moisés, hich la yalic: ¿Bin yu'un la aloq'uesotcotic tal ta Egipto scuenta yu'un ya xchamotcotic li' ta jochol taquin q'uinal ini? Mayuc we'elil soc mayuc ha'; soc c'axix co'tancotic yu'un te we'elil ini, xchihic.

1 Corintios 10:10

Soc ma me xawa'iyic wulwul-c'op, hich te bin ut'il ay la ya'iyic wulwul-c'op stuquelic, hich lajinotic yu'un te jlajinwaneje.

Deuteronomio 1:27

Hahchex ta wulajanel ta anahilpaq'uic, hich la awalic: Ya yilintayotic te Jehová, ha scuentahil te la sloq'uesotic tal ta sq'uinal Egipto yu'un ya yac'otic ta sc'ab te amorreohetic, hich ya slajinotic.

Deuteronomio 9:23

Soc c'alal la sticonex loq'uel ta Cades-barnea te Jehová, te hich la yal: Mohanic bahel, u'untayahic te q'uinal te la jca'beyex, te xchihe, ha nix hich la atoy abahic, ma ba la ach'uhumbeyic smandar te Jehová te Dios awu'unic, ma ba la awac' sch'uhunel awo'tanic ta stojol soc ma ba la ach'uhumbeyic te sc'ope.

Hebreos 3:16

¿Mach'atic a te la ya'iyic soc te la stoy sbahic ta stojol? ¿Ma bal ha'uc spisil te mach'atic ic'otic loq'uel tal ta sq'uinal Egipto yu'un te Moisés?

Judas 1:16

Ha'ic jmuquen jlabanwanejetic, jle-muliletic, ya st'unic spasel te bintic ya smulanic stuquel, ya stoy sbahic ta scuenta sc'opic soc ya x'ajwalc'opojic ta stojol yantic yu'un ay bin ya stahic a.