Números 13:22 - Bible in Tzeltal Bachajón

²² Hich mohic bahel ta Neguev, c'ohtic ta Hebrón te banti ay Ahimán, Sesai soc Talmai, te sts'umbalic Anac. Te Hebrón shuquebal ha'bil shu'el a te chicnaj Zoán ta Egipto.

Bible in Tzeltal de Oxchuc y Tenejapa

²² Ochic bael ta Néguev, c'otic c'alal ta lum Hebrón. Tey nainemic a te Ahimán, Sesai soc Talmai, te sts'umbalic Anac. Te Hebrón sjuquebalix ja'wil spastajel a te la yich' pasel te Zoán ta Egipto.

Números 13:22 ပူးပေါင်းရင်းမြစ်များ

Génesis 13:18

Hich te Abram la sjeltaybe yawil te snahilpac', c'oht ta nahinel ta banti jihte' yu'un Mamre, te ay ta Hebrón. Tey la spasbe scajtajib ta chiq'uel smahtan a te Jehová.

Génesis 23:2

Te Sara cham ta Quiriat-arba, (te Hebrón yan sbihil), te ay ta sq'uinal Canaán. Te Abraham tey la smel yo'tan soc tey la yoq'uetay a te Sara.

2 Samuel 2:1

Patil te David la sjoc'obe te Jehová: ¿Ya bal xhu' ya xmohon bahel ta junuc pueblo ta sq'uinal Judá? xchi. La yal te Jehová: Mohan bahel, xchi. ¿Banti ya xbohon? xchi te David. La sjac' te Jehová: Ta Hebrón, xchi sc'oblal.

2 Samuel 2:11

Te jayeb ha'bil te ay ta ajwalil yu'un Judá ta Hebrón te David, ha huqueb ha'bil soc waqueb u.

2 Samuel 21:16

ya c'an milec yu'un te Isbi-benob, jtuhl sts'umbal nahtil winic, te ho'lajunwinic (300) siclo yu'un bronce te yalal te slanza soc te chucul ta sch'uht yach'il espada.

Salmos 78:12

Dios la spas jchahp a'teliletic ta stojol te sme'static ta sq'uinal Zoán te ay ta Egipto.

Salmos 78:43

te c'alal la yac' ta ilel ta Egipto te señahetic yu'un, te jchahp a'teliletic ta sq'uinal Zoán.

Isaías 19:11

Ma sna'ic q'uinal te príncipaletic yu'un Zoán, te bintic schapojic te p'ijil j'ac'-o'taniletic yu'un faraón mayuc scuentahil ya xc'ohtic. ¿Bin ut'il te hich yac awalbe te faraón: Ho'on yal-snich'anon te p'ijil winiquetic, ho'on yal-snich'anon te antiguo ajwaliletic, te xchihexe?

Isaías 19:13

Sonsohetic te príncipaletic yu'un Zoán, te príncipaletic yu'un Menfis la yich'ic lo'loyel; te mach'atic te ha ton yu'un xuhc na c'ohem yu'un te pueblo yu'unic, la slo'loyic te Egipto.

Isaías 30:4

Aunque ayic ta Zoán te príncipaletic soc te c'ohemiquix ta Hanes te mach'atic ticombilic yu'unique,

Números 13:17

Te Moisés la sticonlan bahel ta stsahtayel te sq'uinal Canaán, hich la yalbe: C'axanic bahel ta Neguev, mohanic xan bahel ta witsiltic.

Números 13:28

Pero te mach'atic nahinemic tey a ay yipic, soc te pueblohetic mero muq'uic soc joytaybilic ta ts'ahc; soc la jquilcotic tey a te sts'umbal Anac.

Números 13:33

Soc la jquilcotic tey a c'ax nahtil muc'ul winiquetic, ha te snich'nab Anac. Hich la jca'iy jbahcotic bin ut'il c'ulub, soc ha nix hich la yilotcotic, xchihic.

Deuteronomio 9:2

muc'ul nahtil ants-winiquetic, ha sts'umbal te snich'nab Anac, te awa'iybeyej sc'oblal soc awa'iyejix te hich ay ta halel: ¿Mach'a ya xhu' yu'un te ya stsal sba soc te sts'umbal Anac? te xchihe.

Josué 10:36

Patil te Josué soc spisil Israel loq'uic bahel ta Eglón, bahtic ta Hebrón soc la ya'beyic guerra.

Josué 21:13

Hich la ya'beyic te sts'umbal te sacerdote Aarón te Hebrón soc te aquiltic yu'un scuenta ahnibal pueblo yu'un te jmilawe; soc la ya'beyic te Libna,

Jueces 1:10

Soc baht ya'beyic guerra te cananeohetic te nahinemic ta Hebrón, te ha Quiriat-arba sbihil ta nahil to; soc la stsalticlanic Sesai, Ahimán soc Talmai.

1 Samuel 30:31

Hebrón soc ta spisil lugar banti c'ax te David soc te swinictaque.