Números 13:2 - Bible in Tzeltal Bachajón

² Ticona bahel winiquetic ta stsahtayel te sq'uinal Canaán te ya ca'be te snich'nab Israel. Ticona bahel jtuhl príncipal ta jujuchahp yu'un Israel, xchi.

Bible in Tzeltal de Oxchuc y Tenejapa

² —Ticuna bael winiquetic ta stsajtayel te sq'uinal Canaán, te ya cac'bey te israeletique. Juju-jtul x'aticun bael ta juju-jchajp, ja'uc me te mach'a tulan yat'el ta juju-jchajp te sts'umbalique —xi' te Cajwaltique.

Números 13:2 ပူးပေါင်းရင်းမြစ်များ

Éxodo 18:25

La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Números 1:4

Ya me sjoquinex jtuhl winic ta jujuchahp sts'umbal Israel, te ha jtsobaw yu'un te sna te statique.

Números 11:16

Ha yu'un te Jehová hich la yalbe te Moisés: Tsobon lajuneb schanwinic (70) ta tuhl winiquetic ta yohlil te mamaletic yu'un Israel te ana'oj te ha mamaletic yu'un te pueblo soc príncipaletic yu'unic; ic'a tal ta Nahilpac' Templo yu'un tahojibal, ac'a sjoquinat ta mahlab tey a.

Números 13:16

Ha sbihilic te winiquetic la sticon bahel te Moisés ta stsahtayel te q'uinale. Te Oseas snich'an Nun, a'bot sbihil Josué yu'un te Moisés.

Números 13:3

Ha yu'un te Moisés la sticonlan hahchel c'alal ta jochol taquin q'uinal Parán, hich te bin ut'il la yal te Jehová. Spisil te winiquetic ha príncipaletic yu'un te snich'nab Israel.

Números 32:8

Hich nix la spasic te atatic te la jticonic hahchel ta Cades-barnea ta stsahtayel te q'uinale.

Números 34:18

Soc ic'ahic jujutuhl príncipal ta jujuchahp ta spuquel te q'uinale.

Deuteronomio 1:15

Ha yu'un la jquic' te príncipaletic ta jujuchahp awu'unic, ha te winiquetic te ay sp'ijilic soc te ay snopojibal yu'unic, la jca'be ya'telic ta jcuentahinwanej ta atojolic, ha jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10), soc jtsobawetic yu'un jujuchahp awu'unic.

Deuteronomio 9:23

Soc c'alal la sticonex loq'uel ta Cades-barnea te Jehová, te hich la yal: Mohanic bahel, u'untayahic te q'uinal te la jca'beyex, te xchihe, ha nix hich la atoy abahic, ma ba la ach'uhumbeyic smandar te Jehová te Dios awu'unic, ma ba la awac' sch'uhunel awo'tanic ta stojol soc ma ba la ach'uhumbeyic te sc'ope.

Josué 3:12

Ha yu'un ya me atsahic lahchaytuhl winiquetic, jujutuhl ta jujuchahp yu'un Israel.