Números 13:1 - Bible in Tzeltal Bachajón

¹ Te Jehová la yalbe te Moisés:

Bible in Tzeltal de Oxchuc y Tenejapa

¹ Te Cajwaltic la sc'opon Moisés, jich la yalbey:

Números 13:1 ပူးပေါင်းရင်းမြစ်များ

Salmos 90:1

Cajwal, ha'at ahnibalat cu'uncotic ta cajalcaj ts'umbalil.

Números 12:16

Patil loq'uic bahel ta Hazerot te pueblo, la spas scampamentohic ta jochol taquin q'uinal Parán.

Números 13:13

ta jchahp yu'un Aser, ha Setur snich'an Micael;

Números 34:17

Ha ini te sbihil te winiquetic te ya spuquic te q'uinal ta awohlilic: ha te sacerdote Eleazar soc Josué snich'an Nun.

Números 34:18

Soc ic'ahic jujutuhl príncipal ta jujuchahp ta spuquel te q'uinale.

Deuteronomio 1:22

Pero ta apisilic hich tal awalbonic: Ha lec ya jticontic bahel winiquetic te ya xbaht yilic tal te q'uinale. Te c'alal ya suhtic tal ya yalbotic banti behil ya sc'an ya xbohotic soc bin yilel te pueblohetic te banti ya xc'ohotic, xchihex.

Deuteronomio 1:23

Lec la jca'iy te bin la awalic. Hich la jtsa lahchaytuhl winiquetic ta awohlilic, jujutuhl ta jujuchahp.

Deuteronomio 9:23

Soc c'alal la sticonex loq'uel ta Cades-barnea te Jehová, te hich la yal: Mohanic bahel, u'untayahic te q'uinal te la jca'beyex, te xchihe, ha nix hich la atoy abahic, ma ba la ach'uhumbeyic smandar te Jehová te Dios awu'unic, ma ba la awac' sch'uhunel awo'tanic ta stojol soc ma ba la ach'uhumbeyic te sc'ope.

Josué 14:7

Ayix cha'winic (40) ca'bilal a te c'alal Moisés te a'bat yu'un Jehová la sticonon bahel ta Cades-barnea ta stsahtayel te q'uinale; hich tal calbe te bin la yal te co'tane.

Josué 2:1

Te Josué snich'an Nun muquen la sticon hahchel ta Sitim cheb jtsahtaywanejetic, hich la yalbe: Bahan ilawilic te q'uinal soc te Jericó, xchi. Hich bahtic, ochic ta sna jtuhl j'antsinel-ants Rahab sbihil, tey c'ax ahc'abal yu'unic a.