Números 12:8 - Bible in Tzeltal Bachajón

⁸ Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

Bible in Tzeltal de Oxchuc y Tenejapa

⁸ melel ya join jba ta c'op soc, chican ta lec te jc'op soque, ma ta señailuc nax. Jich yu'un te bit'il ya yilbon jsit, ¿bistuc ya atoy abaic ta slabanel? —xi' te Cajwaltique.

Números 12:8 ပူးပေါင်းရင်းမြစ်များ

Génesis 32:30

Te Jacob la ya'be sbihilin Peniel te lugar, como la yal: La jquilbe sit yelaw te Diose, pero cuxul hilon, xchi.

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 49:4

Ya cac' jchiquin a te tsahbil c'opetic; ya cal soc arpa cu'un te bin wocol ta na'ele.

Éxodo 19:19

Te yoq'uel te xulubil behbe yich'bel yip. Yac ta c'op te Moisés, soc yac sjac'bel ta chahwuc te Diose.

Éxodo 20:4

Ma me xapasbe sloc'ombahil o biluc a te pajal yilel soc te bintic ay ta ch'ulchan, ta bahlumilal o ta ha'etic ta ye'tal bahlumilal.

Éxodo 33:11

Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

Éxodo 33:19

La sjac' te Jehová: Ya jc'asesbat ta atojol spisil te cutsilal, soc ya cal hilel ta atojol te jbihil, Jehová. Ho'on ya jc'uxultay te mach'a ya jc'an ya jc'uxultay, soc ya jna'be yo'bolil sba te mach'a ya jc'an ya jna'be yo'bolil sba.

Éxodo 33:23

Patil ya jloq'ues te jc'ab, hich yac awilbon jpat; yan te jsit quelaw ma xhu' ta ilel stuquel, xchi.

Éxodo 34:30

Te Aarón soc spisil te snich'nab Israel, c'alal la yilic ay sts'anabul te sit yelaw, la xi'ic te ya xnohpojic ta stojol.

Proverbios 1:6

yu'un sna'beyel scuentahil tsahbil c'opetic soc sloc'omba c'op, te c'opetic yu'un p'ijil winic soc te bin chuhcul ta na'beyel suhtibe.

Isaías 40:18

Ha yu'un ¿mach'a yac apajic soc a te Diose? ¿Bin loc'ombahil te yac apajic soc a?

Isaías 46:5

¿Mach'a yac apajonic soc a, te pajal ya xc'ohon awu'unic soc?

Ezequiel 17:2

Snich'anat winic, hala te c'op te wocol ta jaq'uel, halbeya sloc'ombahil c'op te sna Israel.

Ezequiel 20:49

Hich la jcal ¡Ay, Cajwal Jehová! hich ya yalbonic jc'oblal: ¿Ma bal ha'uc nax sloc'omba c'op yac ta yalel? xchihic.

Oseas 12:13

Ta scuenta jtuhl jalwanej te Jehová la sloq'ues tal ta Egipto te Israel; soc ta scuenta jtuhl jalwanej la scanantay.

Números 14:14

soc ya me yich' halbeyel ta stojol te mach'atic nahinemic ta q'uinal ini, te ya'iyejiquix te ha'at, Jehová, ayat ta yohlil te pueblo ini, te awac'oj aba ta ilel ta sitil, Jehová, soc te axintesbilic ta tocal awu'un, te ya xnahilijat bahel yu'unic ta bahlal tocal ta c'ahc'alel soc ta bahlal c'ahc' ta ahc'abal.

Números 7:89

C'alal ya x'och bahel Moisés ta Nahilpac' Templo yu'un tahojibal ta sc'oponel Dios, ya ya'iy te c'op te ya xc'oponot yu'un ta sba te yawil stahel perdón te ay ta sba te scaxahul Testigo-c'op ta yohlil te cheb querubinetic. Hich ya xc'oponot a.

San Mateo 13:35

Hich c'oht ta pasel a te bin yaloj te jalwanej, te hich la yal: Ya xc'opojon ta sloc'ombahil c'op, ya cac'ticlan ta na'el te bintic muquen ay ta shahchel to tal te bahlumilal, te xchihe.

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 15:15

Ma ba ya calbeyex te ha a'batex cu'un, como te a'bat ma sna' bin ya spas te yajwale; pero la jcalbeyex te jun co'tan jbahtic, como spisil te bin la jca'iy ta stojol te Jtat la jca'beyex ana'ic.

San Juan 15:24

Te manchuc la jpas jchahp a'teliletic te mayuc mach'a yan hich spasoj, mayuc smulic te hichuque; pero yilojiquix, soc la sp'ajonic soc te Jtate.

1 Corintios 13:12

Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.

Deuteronomio 34:10

Mayuc yan jalwanej yu'un Dios chicnaj ta Israel hich te bin ut'il Moisés, te mach'a na'bot sba yu'un Jehová ta sit nix;

Deuteronomio 4:15

Ha yu'un canantaya me abahic ta lec; mayuc bin la awilic te c'alal la sc'oponex ta Horeb ta yohlil c'ahc' te Jehová,

Deuteronomio 5:8

Ma me xapas awahcanan o sloc'ombahil bintic ayic ta ch'ulchan, ta bahlumilal, o ta ha'etic ta ye'tal te bahlumilal.

Colosenses 1:15

Te Cristo ha sloc'omba te Dios te ma chicanuc ta ilel, ha ba-alalil yu'un spisil bintic pasticlambil.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

2 Pedro 2:10

soc c'ax hich a te mach'atic ya st'unic te bintic chopol ya sc'an te sbaq'uetal soc ya sp'ajic te ya xcuentahinotique. Tulan yo'tanic soc biluc ya slomic ta pasel, ma xiwic te ya yixta'c'optayic te mach'atic tulan ya'telic ta ch'ulchan.

Judas 1:8

Ha nix hich ya sbohlobtes sbaq'uetalic te jwaychijeletic ini, ya sp'ajic te mach'atic ay ya'telic, soc ya sbohlc'optayic mach'atic ay yu'elic.