Números 12:7 - Bible in Tzeltal Bachajón

⁷ Ma hichuc stuquel te ca'bat Moisés, te jun yo'tan ya scuentahin spisil te jnahe.

Bible in Tzeltal de Oxchuc y Tenejapa

⁷ Yan te cabat Moisés ma jichuc ya jpasbey stuquel. Jun yo'tan ta jtojol, c'ax jich a te bit'il spisil te yantic abatetic cu'une,

Números 12:7 ပူးပေါင်းရင်းမြစ်များ

Job 1:8

¿La bal awil te ca'bat Job te mayuc mach'a yan hich pajal soc ta bahlumilal te lec soc toj ta winiquil, te yich'oj ta muc' te Dios soc mayuc bin chopol ya spas? xchi te Jehová.

Salmos 105:26

La sticon te Moisés te a'bat yu'un, soc te Aarón te tsahbil yu'une.

Éxodo 33:11

Te Jehová ya snuhp'in sba ta c'op soc Moisés, hich te bin ut'il mach'a ya xc'opoj soc te smohlole. Patil te Moisés ya suht bahel ta campamento, yan te jcolel winic Josué snich'an Nun, te a'bat yu'un, ma ba ya yihquitay hilel te Nahilpac' Templo.

San Mateo 11:11

Jamal ya calbeyex, spisil mach'atic alataybilic yu'un ants, mayuc chicnajem te c'ax hich sc'oblal a te bin ut'il Juan te J'ac'-ich'-ha'. Pero te mach'a c'ax peq'uel ay ta banti ay te cuentahinel yu'un te ch'ulchan ha toyol c'ohem yu'un te Juan.

San Mateo 11:9

Pero ¿bin loc' tal awilic hiche, ha bal jtuhl jalwanej? Melel nix a, soc ya calbeyex te ha c'ax hich a te bin ut'il jalwanej,

Hechos 7:31

C'alal la yil te Moisés, xcham yo'tan yu'un te bin la yile. C'alal nohpoj bahel ta yilel, tal sc'op te Cajwaltic ta stojol:

1 Corintios 4:2

Ya sc'an ya xchicnaj te jun yo'tanic jujutuhl te jcuentahinwanejetique.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

Deuteronomio 34:5

Tey cham a ta sq'uinal Moab te Moisés te a'bat yu'un Jehová, hich te bin ut'il halbot yu'un te Jehová.

1 Timoteo 3:15

scuenta yu'un, teme ma ba ora c'ohone, ya me ana' bin ya sc'an yac apas ta sna te Diose, ha te iglesia yu'un te cuxul Dios, te yoyal soc te yich'o-ip yu'un te smelelil c'ope.

Josué 1:1

Te c'alal chamix a te Moisés te a'bat yu'un Jehová, te Jehová la sc'opon te Josué snich'an Nun, ha te mach'a la scoltay ta a'tel te Moisés, hich la yalbe:

Josué 1:2

Chamix te ca'bat Moisés, ha yu'un hahchan, sohlan bahel ta muc'ul-ha' Jordán, ha'at soc spisil te pueblo ini, tey ta q'uinal te ya ca'be te snich'nab Israel.