Números 12:6 - Bible in Tzeltal Bachajón

⁶ Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Bible in Tzeltal de Oxchuc y Tenejapa

⁶ te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Números 12:6 ပူးပေါင်းရင်းမြစ်များ

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Génesis 20:7

Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Génesis 28:12

Ta swayich la yil ay mohibal te' ipajem hahchel ta lum, c'ohem sni'il c'alal ta ch'ulchan. Yacalic ta mohel ta cohel ch'ul a'batetic yu'un Dios tey a.

Génesis 28:16

C'alal wihc' sit te Jacob, hich la yal: Melel li' ay te Jehová ta lugar ini, ma ba la jna', xchi.

Génesis 37:5

La ya'iy wayich te José, la smelbe ya'iyic te sbanquiltac; c'ax hich la sp'ajic yu'un a.

Génesis 37:9

La ya'iy yan wayich te José, la smelbe ya'iyic te sbanquiltac, hich la yal: Ay yan jwayich. La jquil te la snijan sbahic ta jtojol te c'ahc'al, u, soc bulucheb eq'uetic, xchi.

Génesis 46:2

Ta swayich c'oponot yu'un Dios ta ahc'abal te Israel, hich halbot: Jacob, Jacob, xchi. Li' ayoni, xchi te Jacob.

2 Samuel 7:4

Ha nix ta yorahil ta ahc'abal a te Jehová la sc'opon te Natán, hich la yalbe:

1 Reyes 3:15

C'alal cux yo'tan te Salomón, la sna' te yac ta wayich. Patil baht ta Jerusalén, la stehc'an sba ta stojol te scaxahul te chapbil-c'op yu'un Jehová soc la yac' scohtol chic'bil mahtaniletic soc mahtaniletic scuenta lamal q'uinal. Soc la spasbe bayel we'elil spisil te a'batetic yu'une.

1 Reyes 3:5

Ay jun ahc'abal ta Gabaón te chicnaj Jehová ta stojol Salomón ta swayich, hich halbot yu'un: C'ambon te bin yac ac'an, ho'on ya ca'bat, xchi sc'oblal.

Job 33:15

Ta wayichil, ta nahal sitil, te c'alal ya x'och swayel te winic, c'alal wayalix ta swayib a,

Job 4:13

Ta wayichil ta ahc'abal, ha te bin ora ya x'och swayel ants-winiquetic,

Salmos 105:15

Ma me xapiquic te mach'atic tsahbil cu'un, ma me xawuts'imbonic te jalwanejetic cu'un, te xchihe.

Salmos 89:19

Ta namey c'opojat ta nahalsitil, hich la awalbe te a'batetic awu'un te jun yo'tanic ta atojol: La jcoltay te mach'a ay yip; la jtoybe sc'oblal te mach'a tsahbil ta pueblo cu'un.

Éxodo 7:1

Te Jehová la yalbe te Moisés: Ilawil, hich c'ohemat cu'un te bin ut'il dios ta stojol faraón, soc te abanquil Aarón hich ya xc'oht te bin ut'il jalwanej awu'un.

Jeremías 23:25

Ca'iybeyej te bin ya yalic te jalwanejetique, ha te ya yalic lotil sc'op-jalwanej ta scuenta te jbihile. ¡Ay jwayich, ay jwayich! xchihic.

Jeremías 23:28

Te jalwanej te ay swayich, ac'a yal te swayiche; pero te mach'a yich'oj te jc'ope, ac'a yal ta melel. ¿Bin yochelic a te taquin ac soc te trigo? xchi te Jehová.

Ezequiel 1:1

Ta yo'ebal c'ahc'al ta schanebal u, ta slajunebal scha'winic (30) ha'bil te ayon ta yohlil te mach'atic ayic ta chuquel, ayon ta ti' muc'ul-ha' Quebar a, la sjam sba te ch'ulchan, la jquil nahalsitetic yu'un Dios.

Daniel 10:8

Jtuquel hilon ta yilel te nahalsitil te jchahp ta ilel a. Laj quip, sacub jsit quelaw yu'un, mayuc bin hu' cu'un.

Daniel 2:19

Hich ta ahc'abal a'bot sna' ta nahalsit te Daniel te bin wocol ta na'ele. Ha yu'un te Daniel la yalbe yutsil sc'oblal te Dios ta ch'ulchane,

Daniel 7:1

Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.

Daniel 8:2

La jquil ta nahalsit te ayon ta Susa, te capital ta jsehp q'uinal Elam. La jquil ta nahalsit te ayon ta sti'il muc'ul-ha' Ulai.

Oseas 12:11

¿Chopol bal te Galaad? mero mayuc scuentahilic: Ta Gilgal la yaq'uic ta chiq'uel torohetic, ha yu'un te scajtajib ta chiq'uel mahtaniletic yu'unic hich ya xc'ohtic te bin ut'il busambil tonetic ta sba te chahpambil q'uinale.

Joel 3:1

Ta hich sc'ahc'alel soc ta hich ora, te c'alal ya ca'be xan yutsil slequil te Judá soc te Jerusalén,

Zacarías 1:8

La jquil nahalsitil ta ahc'abal: la jquil jtuhl winic cajal ta tsajal cawu, ay ta yohlil bic'tal te'etic ta jun sjuclej, ta spat ay cawuhetic te tsaj, ihc' ta tsaj, soc sac.

Números 24:4

te mach'a ya ya'iy bin ya yal te Diose, te ya yil te nahalsitil yu'un te Mach'a spisil ya xhu' yu'une; yahlem ta lum, pero wiq'uil sit:

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Mateo 2:19

C'alal chamix a te Herodes, te ch'ul a'bat yu'un Cajwaltic la yac' sba ta ilel ta swayich te José ta Egipto,

San Mateo 23:31

Ha yu'un ha'ex nix yac awalbel abahic te ha'ex yal-snich'anex te mach'atic la smilic te jalwanejetique.

San Mateo 23:34

Ha yu'un ya jticombeyex jalwanejetic, p'ijil winiquetic soc jp'ijubteswanejetic; ay me yac amilic, ay me yac ajihpanic ta cruz, ay me yac amajic ta sinagogahetic awu'unic soc ay me yac anutsic bahel ta jujun pueblo.

San Mateo 23:37

¡Jerusalén, Jerusalén te yac amilticlanic te jalwanejetic soc te yac ach'ojticlanic ta ton te mach'atic ticombilic tal ta atojolic! ¡Bayel buelta c'an jtsob te awal-anich'nabic hich te bin ut'il ya stsob yalatac ta ye'tal xic' te me'mut, pero ma la ac'anic!

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

San Lucas 1:11

Chicnaj ta stojol Zacarías ch'ul a'bat yu'un te Cajwaltic, teq'uel ta wa'el ta schic'ojibal pom.

San Lucas 1:22

Pero c'alal loc' talel ma ba hu' te ya sc'opon te pueblo; hich la sna'ic te ay bin la yil ta nahalsitil ta ch'ul awilal. La sc'oponlan ta seña ta sc'ab, uma' a hil.

San Lucas 20:6

soc teme ya caltic: Scuenta ants-winiquetic, teme xchihotic, ya me sch'ojotic ta ton spisil te pueblo, como sch'uhunejic te ha jalwanej te Juan, xchihic.

Hechos 10:11

La yil jamal te ch'ulchan, ay bin hich yilel te bin ut'il muc'ul sábana licbil ta schanebal schiquin yac ta cohel tal c'alal ta lum;

Hechos 10:17

C'alal yac sna'bel ta yo'tan a te Pedro bin scuentahil te bin a'bot yil ta snahalsit, te mach'atic ticombilic tal yu'un te Cornelio, te bin ut'il la sjoc'oyic banti ay sna te Simón, hich c'ohtic ta ti'nahil.

Efesios 4:11

Ha nix te la yac' te ay jpuc-c'opetic, jalwanejetic, te mach'atic ya yalic te lec yach'il c'op, pastoretic soc p'ijubteswanejetic,

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.

Deuteronomio 18:18

Ya cac' chicnajuc jalwanej yu'unic ta yohlil te yermanotac, hich te bin ut'il te ha'ate; ya ca'be ta ye te jc'op soc ha ya yalbe ya'iyic spisil te bintic ya calbe.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Apocalipsis 11:3

Ya calbe te cheb testigohetic cu'un te ya me xc'opojic ta sc'op-jalwanej oxbahc' soc oxwinic (1,260) c'ahc'al, slapojic pac' yu'un mel-o'tan a, xchi.

1 Samuel 28:6

Te Saúl la sjoc'obe te Jehová, pero te Jehová ma ba la sjac' ta scuenta swayich o ta Urim o jalwanejetic.

1 Samuel 3:15

Te Samuel hil ta swayib ha to ta sacubel q'uinal, patil la sjambe sti'il te sna Jehová; pero la xi' yalbeyel Elí te bin a'bot yil ta snahalsit.

1 Samuel 3:21

Te Jehová yan buelta la yac' sba ta ilel ta Silo; como tey ta Silo ya yac' sba ta na'el ta stojol Samuel te sc'op Jehová.