Números 12:3 - Bible in Tzeltal Bachajón

³ Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

Bible in Tzeltal de Oxchuc y Tenejapa

³ Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

Números 12:3 ပူးပေါင်းရင်းမြစ်များ

Salmos 147:6

Te Jehová ya stoy te mach'atic peq'uelic yan te mach'atic chopolic ya spehc'an c'alal lum.

Salmos 149:4

como te Jehová ya smulan te pueblo yu'une; ya ya'be ya'iyic tsalaw te mach'atic peq'uel yo'tanic, ha sch'ahlelic c'oht yu'un.

Números 12:4

Te Jehová ora la yalbe te Moisés, Aarón soc María: Bahanic awoxebalic ta Nahilpac' Templo yu'un tahojibal, xchi. Hich baht yoxebalic.

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

San Mateo 21:5

Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

San Mateo 5:5

Bayel me yutsilic te mach'atic manso yo'tanic, como ya x'a'bot yu'untayic te bahlumilale.

2 Corintios 10:1

Ho'on Pablohon ya calbeyex wocol ta scuenta bin ut'il manso yo'tan soc lec yo'tan te Cristo, ho'on te peq'uel ayon te c'alal ayon ta awohlilic, yan te c'alal ma ba ayon ta awohlilic tulan ya cac' jba ta atojolic ta ac'opic;

2 Corintios 11:5

Te ya cal ma ba peq'uel c'ohemon yu'un te mach'atic muc'ul jpuc-c'opetic.

2 Corintios 12:11

Hich jpasoj jba te bin ut'il mach'a ma sna' q'uinal, pero ha'ex la awa'bonic te hich jpase. Ya sc'an te ha'uquex yac awalbonic lec jc'oblal, como ma ba peq'uel ayon yu'un te muc'ul jpuc-c'opetic, aunque mayuc jc'oblal te ho'one.

1 Tesalonicenses 2:7

Pero la jc'uxultayexcotic, hich te bin ut'il nanil ya sc'uxultay yalatac.

Santiago 3:13

¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.