Números 12:2 - Bible in Tzeltal Bachajón

² Hich la yalic: Te Jehová ¿ha nax bal c'opoj ta scuenta stuquel te Moisés? ¿Ma bal hichuc nix c'opoj ta jcuentacotic? xchihic. La ya'iy te Jehová.

Bible in Tzeltal de Oxchuc y Tenejapa

² Soc la yalic xan: —Te Cajwaltic ma ja'uc nax c'opojem soc Moisés, sc'oponejotic uuc te jo'otique —xiic. Ta spisil la yaiy stojol te Cajwaltique.

Números 12:2 ပူးပေါင်းရင်းမြစ်များ

Génesis 29:33

Cha'hahch xan yal, ayin squerem-al, hich la yal: Te bin ut'il Jehová la ya'iy te mayuc jtuc ta o'tanil, la ya'bon xan cal, xchi. La ya'be sbihilin Simeón.

2 Samuel 11:27

C'alal c'ax yorahil te ya yoq'uetay, te David la sticon ta iq'uel tal ta sna. Ha yihnam c'oht, soc la yac' jtuhl yal. Pero te Jehová ma ba lec la ya'iy te bin la spas te David.

2 Reyes 19:4

Ya wan ya'iy Jehová te Dios awu'un spisil bintic la yal te jtsobaw soldadohetic te ticombil tal yu'un te ajwalil yu'un Asiria ta sbohlc'optayel te cuxul Dios; te yacuc ya'be castigo yu'un te bintic la yal la ya'iy te Jehová te Dios awu'une. Ha yu'un c'opombeya Dios yu'un te mach'atic cuxul hilemic, xchihic.

Éxodo 4:14

Ha yu'un te Jehová ilin ta stojol Moisés, hich la yalbe: ¿Ma bal yacuc jna'be sba te abanquil Aarón te levita, te ya xc'opoj ta lec stuquel? Ya xtal stahat bahel, soc bayel yutsil yo'tan yu'un te c'alal ya yilate.

Éxodo 4:30

Te Aarón la yalbe ya'iyic spisil te bintic halbot yu'un Jehová te Moisés, soc la spas te jchahp a'teliletic ta stojol te pueblo.

Éxodo 5:1

Patil te Moisés soc te Aarón ochic bahel ta stojol te faraón, hich la yalbeyic: Hich ya yal te Jehová te Dios yu'un Israel: Ac'a bahel te pueblo cu'un scuenta yu'un ya spasbonic q'uin ta jochol taquin q'uinal, xchihic.

Éxodo 7:10

Ha yu'un te Moisés soc Aarón bahtic ta stojol faraón, hich la spasic te bin ut'il pasotic ta mandar yu'un te Jehová. Te Aarón la sch'oj cohel te snahbate' ta stojol faraón soc ta stojol te a'batetic yu'un, hich c'atp'uj ta chan.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.

Isaías 37:4

Te Jehová te Dios awu'un la wan ya'iybe sc'op te capitan-soldado te ticombil yu'un te yajwal, ha te ajwalil yu'un Asiria, yu'un ya sbohlc'optay te cuxul Dios. Ya wan ya'be castigo yu'un te sc'op te la ya'iy te Jehová. Ha yu'un c'opombeya Dios ta scuenta te mach'atic ay to hilemic, xchihic.

Miqueas 6:4

La jloq'uesat tal ta sq'uinal Egipto, la jcac'at ta libre yu'un mosohil; la jticon bahel ta atojol te Moisés, te Aarón soc te María.

Números 11:1

Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Números 11:29

Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

Números 12:3

Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

Números 16:3

La stsob sbahic ta scontrahinel Moisés soc Aarón, hich la yalbeyic: ¡Tic'uquex a te ha'exe! Como ch'uhltesbilic spisil te pueblo, spisilic ch'uhltesbilic, soc ay ta yohlilic te Jehová. ¿Bin yu'un hiche te ha'ex yac atoy abahic ta stojol te pueblo yu'un Jehová? xchihic.

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

Romanos 12:3

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

Filipenses 2:14

Spisil te bintic yac apasic, ma me x'ochex wulajanel o hach-c'op,

Filipenses 2:3

Ma me ayuc bin yac apasic ta scuenta te bin ya sc'an awo'tanic atuquel o ta scuenta toybahil; peq'ueluc xawac' abahic, hich me xap'is te toyol xan ay te yantic te bin ut'il te ha'ate.

1 Pedro 5:5

Ha nix hichex, queremetic, ac'a abahic ta cuentahinel yu'un te ancianohetique. Ta apisilic, talel c'axel me xach'uhumbe aba amandaric, peq'uel me xawac' abahic, como hich ya yal: Dios ya scontrahin te jtoybahetic, pero ya sc'uxultay te mach'atic peq'uel yo'tanic, xchi.