Números 11:31 - Bible in Tzeltal Bachajón

³¹ Patil loc' tal ic' ta stojol Jehová te la yic' tal xcuhch'inetic ta mar, la yac' cohuc ta sjoyobal te campamento cheb xuhc'ubil stoyolil ta lumq'uinal, jun c'ahc'al ta behentayel ta jehch sti'il soc jun c'ahc'al ta behentayel ta yan jehch sti'ile.

Bible in Tzeltal de Oxchuc y Tenejapa

³¹ Te Cajwaltic la yac' tel tulan ic' ta sba te mar, la yic' tel mero bayal x'ubetic. Tey coic ta bay campamento soc ta sjoyobal, la smuc ta x'ub asta ay jun c'aal sbelal bael ta sjoyobal te campamento. La slim sbaic ta lumq'uinal, ay niwan jun metro stoylejal te spimile.

Números 11:31 ပူးပေါင်းရင်းမြစ်များ

Éxodo 16:13

Ta tibiltic tal xcuhch'inetic, noj yu'unic te campamento; soc ta sab yahl ts'ujul ta sjoyobal te campamento.

Salmos 105:40

La sc'an swe'elic, hich la sticombe xcuhch'inetic, soc la snojesbe sch'uhtic ta we'elil yu'un ch'ulchan.

Salmos 135:7

Ya shach tal tocaletic c'alal ta sti'il bahlumilal; ya sticon tal te tsantsehwaletic soc te ha'al, soc ya sloq'ues tal te ic' ta stsobojibal.

Éxodo 15:10

Pero la ahu'xiy ta awic'al, hich mulotic ta mar; hich mulic cohel te bin ut'il plomo ta ha'etic te ay yipique.

Éxodo 10:19

Ha yu'un te Jehová la yac' tal mero tulan ic' ta stojol banti ya xmahl c'ahc'al te la yic' bahel te c'ulubetic, la yac'ticlan ochel ta Mar Rojo; ma ba hil jcohtuc c'ulub ta spahmal sq'uinal Egipto.

Éxodo 10:13

Hich te Moisés la stoy mohel te snahbate' ta stojol te sq'uinal Egipto; te Jehová la yac' tal ic' ta banti ya xloc' tal c'ahc'al ta sjunal c'ahc'al soc sjunal ahc'abal. Te c'alal sacub q'uinal, te ic' la yic' tal te c'ulubetique.

Números 11:30

Patil te Moisés suht bahel ta campamento soc te mamaletic yu'un Israel.

Salmos 106:15

Hich Dios la ya'be te bin la sc'anic; pero la sticombe tal lajinwanej chamel.