Números 11:23 - Bible in Tzeltal Bachajón

²³ Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.

Bible in Tzeltal de Oxchuc y Tenejapa

²³ Ja'uc me to, te Cajwaltic la sjac': —¿Yu'un bal ya acuy te ch'in xujt' te cu'ele? Ya me awil te ya xc'ot ta pasel ta melel te bila la cale —xi' te Cajwaltique.

Números 11:23 ပူးပေါင်းရင်းမြစ်များ

Génesis 18:14

¿Ay bal bin wocol ta pasel ya ya'iy te Diose? Ya suhton tal ta atojol ta yorahil te la jcalbate, ha yorahil a te ya x'ayin squerem-al te Sara, xchi.

2 Reyes 4:43

Pero la sjac' te a'bat yu'un: ¿Bin ut'il ya ca'be swe'ic ho'winic (100) ta tuhl? xchi. La sjac' te Eliseo: A'beya swe'ic, como hich ya yal te Jehová: Ya xwe'ic soc ay sobra ya xhil, xchi.

2 Reyes 7:2

Te príncipal te banti ya yich' yip sc'ab te ajwalil hich la sjac'be sc'op te winic yu'un Dios: Aunque Jehová ya sjamticlambe te ventanahetic yu'un ch'ulchan, ¿hich bal ya xc'oht ta pasel? xchi. Ya me awil ta asit, pero ma ba yac awe', xchi te Eliseo.

Salmos 78:41

Bayel buelta la stsajic te Diose, la shachbeyic yo'tan te Ch'ul Dios yu'un Israel.

Éxodo 6:1

Te Jehová la sjac'be sc'op te Moisés: Ya me awil yo'tic bin ya jpasbe te faraón, yu'un ta scuenta yip jc'ab ya me yac'ticlan bahel, ta scuenta yip jc'ab ya me stenticlan loq'uel ta sq'uinal, xchi.

Isaías 50:2

¿Bin yu'un mayuc mach'a la jta te c'alal talon, o te c'alal la jquic'ticlan mayuc mach'a la sjac'bon? ¿Yu'un bal com jc'ab te ma xhu' ya sloq'uesex ta libre? ¿Yu'un bal mayuc quip te ya caq'uex ta libre? Teme ya cut te mar, ya xtaquij, soc ya jsutp'in ta jochol taquin q'uinal te muc'ul-ha'etic, ya xtuhub te schayul ta scaj mayuc ya'lel, ya xchamic yu'un taquinti'il

Isaías 59:1

Ilawil, ma ba comuben sc'ab te Jehová yu'un ya xcoltaywan, soc ma ba macal schiquin yu'un ya'iyel c'op;

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 32:27

Ho'on Jehovahon, te Dioson yu'un spisil te bintic cuxajtic. ¿Ay bal bin wocol ta pasel cu'un?

Ezequiel 12:25

Como ho'on Jehovahon ya xc'opojon, soc ya me xc'oht ta pasel te bin ya cal, ma ba ya xhalajix; ta sc'ahc'alel awu'unic, toyba pueblohex, ya xc'opojon soc ya cac' te ya xc'oht ta pasel, xchi te Jehová, te Ajwalil, xchihat.

Ezequiel 24:14

Ho'on Jehovahon, calojix; ya me xtal, ho'on ya cac' c'ohtuc ta pasel. Ma ba ya suhton ta jpat, ma ba ya jna'bat yo'bolil aba, ma ba ya jsuht jc'op. Ha chican te behetic awu'un soc te awa'telic, hich yac awich' chahpanel a, xchi te Jehová, te Ajwalil.

Daniel 6:20

Te c'alal nopoj ta ch'en, smeloj yo'tan a la yawtay te Daniel, hich la yalbe: Daniel, a'batat yu'un te cuxul Dios, te Dios awu'un, te spisil ora awac'oj aba ta a'batinel yu'une, ¿hu' bal yu'un te la scoltayat ta ye te chojetic? xchi.

Miqueas 2:7

Ha'at te hich yac awal, sna Jacob, ¿Yu'un bal lajemix yo'tan te Jehová? ¿Ha bal te a'teliletic yu'un ini? ¿Ma bal lecuc bin ya spas te jc'op ta stojol te mach'a toj ya xbehen?

Números 11:22

¿Tic' bal ya sts'acayic a teme ya yich'ic milel tsobol tuminchijetic, tentsunetic soc wacaxetic? ¿O tic' bal ya stahic a teme ya yich' stsobel spisil te chayetic ta mar? xchi.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

San Mateo 19:26

Ilticlambot sitic yu'un te Jesús, hich la yalbe: Te ants-winiquetic ma xhu' yu'unic spasel ini, pero te Dios spisil ya xhu' yu'un stuquel, xchi.

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

San Lucas 1:37

Como mayuc bin ma xhu' yu'un stuquel te Diose, xchi.