Números 11:20 - Bible in Tzeltal Bachajón

²⁰ pero ta sjunal u, ha to c'alal ya xmal loq'uel ta ani'ic soc te ya yihlay awo'tanic, como la awil-o'tantayic te Jehová te ay ta awohlilic soc la awoq'uetay abahic, te hich la awalic: ¿Bin yu'un loc'otic tal ta Egipto? te xchihexe.

Bible in Tzeltal de Oxchuc y Tenejapa

²⁰ Ya me sti'ic ti'bal sjunal u, ja' to me c'alal ya xmal loq'uel ta sni'ic, soc ja' to c'alal ya yilay yo'tanic, melel la yil-o'tantayonic te Ajwalilon te ayon ta yolilique. La yoq'uetay sbaic soc yalojic ta jtojol: “¿Bistuc loc'otic tel ta Egipto?” xiic —xi' te Cajwaltique.

Números 11:20 ပူးပေါင်းရင်းမြစ်များ

2 Samuel 12:10

Ha yu'un mayuc bin ora ya yihquitayat te espada ta ana, como la ap'ajon soc la awic' awihnamin te yihnam Urías te heteo-winique.

Salmos 106:15

Hich Dios la ya'be te bin la sc'anic; pero la sticombe tal lajinwanej chamel.

Éxodo 16:13

Ta tibiltic tal xcuhch'inetic, noj yu'unic te campamento; soc ta sab yahl ts'ujul ta sjoyobal te campamento.

Éxodo 16:3

hich la yalic: ¡Ha lec te lajucotic ta sc'ab Jehová ta sq'uinal Egipto te c'alal la juhcan jbahcotic ta sts'ehl te yoxomal ti'bal, te c'alal la jwe'cotic pan ha to c'alal noj jch'uhtcotic! Pero la awic'otcotic loq'uel tal ta jochol taquin q'uinal yu'un yac amilic ta wi'nal spisil te pueblo ini, la yutic.

Éxodo 16:8

La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.

Proverbios 27:7

Te mach'a nojel sch'uht, ya sp'aj te chabe, yan te mach'a ay swi'nal, chi' ya ya'iy te bin ch'a.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Números 11:13

¿Banti ya jtahbe ti'bal spisil te pueblo ini? Yu'un ya xtalic ta oq'uel ta jtojol soc hich ya yalbon: ¡A'botcotic jwe'cotic ti'bal! xchihic.

Números 11:19

Ma ba junax c'ahc'al te yac awe'ic, o cheb c'ahc'al, ho'eb c'ahc'al, lajuneb c'ahc'al, o jtahb c'ahc'al;

Números 11:21

Pero hich la sjac' te Moisés: Te pueblo te ayon ta yohlilic, ha ho'lajuneb schanwinic ta pic (600,000) winiquetic te ya xbehenic, ¡yac awal ha'at te yac awa'be swe'ic ti'bal ta sjunal u!

Números 14:3

¿Bin yu'un te la yic'otic tal te Jehová li' ta q'uinal ini yu'un ya yac'otic ta milel ta espada, soc te ya x'och ta c'abal te quihnamtic soc cal-jnich'nabtique? ¿Ma bal ha'uc lec ya suhtotic bahel ta Egipto? xchihic.

Números 14:4

Soc la yalbe sbahic: Ac'a jlehtic jtuhl jtsobaw, ya suhtotic bahel ta Egipto, xchihic.

Números 16:13

¿Ma bal tic'uc yac awa'iy a te la awic'otcotic loq'uel ta q'uinal ta banti ya x'oquin leche soc chab scuenta yu'un yac awac'otcotic ta lajel ta jochol taquin q'uinal, yu'un bal yo'tic yac ac'an yac acuyix aba ta ajwalil cu'uncotic?

Números 20:4

¿Bin yu'un te la awiq'uic tal te pueblo yu'un Jehová li' ta jochol taquin q'uinal ini yu'un ya xlajotcotic soc te chambahlametic cu'uncotique?

Números 21:5

Hahch scontrac'optayic te Dios soc te Moisés, hich la yalic: ¿Bin yu'un la aloq'uesotcotic tal ta Egipto scuenta yu'un ya xchamotcotic li' ta jochol taquin q'uinal ini? Mayuc we'elil soc mayuc ha'; soc c'axix co'tancotic yu'un te we'elil ini, xchihic.

Hechos 13:41

Ilawilic, ha'ex jlabanwanejex, xiwanic soc ch'ayanic ta q'uinal, yu'un ay bin ya jpas ta yorahil awu'unic te ma ba yac ach'uhunic, aunque ya xhalbotex awa'iyic, te xchihe, xchi te Pablo.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

Josué 24:27

Te Josué hich la yalbe spisil te pueblo: Te ton ini ha ya xtuhun cu'untic ta testigo, como ha la ya'iy spisil te bin la yalbotic te Jehová. Ha me testigo ta atojolic scuenta yu'un ma ba yac alotiyic te Dios awu'unique, xchi.

1 Samuel 10:19

Pero yo'tic mayuquix sc'oblal ta awo'tanic te Dios awu'unic, te ya scoltayex te c'alal ayex ta wocol soc ta mel-o'tan. Soc la awalic: Ma'uc, ya me awa'botcotic ajwalil, xchihex. Ha yu'un, yo'tic tehc'ana abahic ta stojol Jehová ta jujuchahp ats'umbalic soc ta jujuchahp te mach'atic ay awu'unic, xchi te Samuel.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.