Números 11:16 - Bible in Tzeltal Bachajón

¹⁶ Ha yu'un te Jehová hich la yalbe te Moisés: Tsobon lajuneb schanwinic (70) ta tuhl winiquetic ta yohlil te mamaletic yu'un Israel te ana'oj te ha mamaletic yu'un te pueblo soc príncipaletic yu'unic; ic'a tal ta Nahilpac' Templo yu'un tahojibal, ac'a sjoquinat ta mahlab tey a.

Bible in Tzeltal de Oxchuc y Tenejapa

¹⁶ Ja'uc me to, te Cajwaltic la sjac': —Tsoba lajuneb xchanwinic (70) mamal-israeletic, te mach'atic ya ana' te ay yat'elic ta yolilic te lume. Ic'aic tel ta Nailpac' te bay ya quich' c'oponel, ac'a smaliyotic tey a.

Números 11:16 ပူးပေါင်းရင်းမြစ်များ

Génesis 46:27

Ay cha'tuhl snich'nab José te ayinic ta Egipto. Ta spisil te mach'atic ayic yu'un Jacob te ochic ta Egipto ha lajuneb schanwinic (70) ta tuhl.

Éxodo 18:25

La stsa ta yohlil spisil Israel winiquetic te toj yo'tanique. La ya'be ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10).

Éxodo 24:1

Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

Éxodo 24:9

Hich te Moisés mo bahel soc Aarón, Nadab, Abiú soc lajuneb schanwinic (70) ta tuhl mamaletic yu'un Israel;

Éxodo 4:29

Hich bahtic te Moisés soc Aarón, la stsobic spisil te mamaletic yu'un te snich'nab Israel.

Jeremías 19:1

Hich la yal te Jehová: Bahan, mambeya sq'uib te jpac'ojom, soc ic'ticlana bahel cha'oxtuhluc mamaletic yu'un te pueblo soc yu'un te sacerdotehetic,

Ezequiel 8:11

Tey ta stojolic ay lajuneb schanwinic (70) ta jtuhl mamaletic ta sna Israel, soc te Jaazanías snich'an Safán ay ta yohlilic. Jujutuhl stsacoj ta sc'abic schic'ojibal pom, yac ta hahchel mohel sch'ahilel pom.

Números 11:24

Hich loc' bahel te Moisés, baht yalbe ya'iy te pueblo te bin halbot yu'un te Jehová. La stsob te lajuneb schanwinic (70) ta tuhl mamaletic yu'un te pueblo, la yac'ticlan tehc'ajuc ta sjoyobal te Nahilpac' Templo.

Números 16:25

Hich hahch te Moisés, baht ta banti ay te Datán soc Abiram, joquinot bahel yu'un te mamaletic yu'un Israel.

San Lucas 10:1

Ta patil, te Cajwaltic la stsa xan lajuneb schanwinic (70) ta tuhl winiquetic, chebcheb la sticonlan bahel ta jujun pueblo soc ta jujun lugar ta banti ya xc'ax ta patil.

San Lucas 10:17

Bayel yutsil yo'tanic a suhtic tal te lajuneb schanwinic (70) ta tuhl, hich la yalic: ¡Cajwal, ha nix hich te pucujetic ac'otic ta jcuentacotic ta scuenta abihil! xchihic.

Deuteronomio 1:15

Ha yu'un la jquic' te príncipaletic ta jujuchahp awu'unic, ha te winiquetic te ay sp'ijilic soc te ay snopojibal yu'unic, la jca'be ya'telic ta jcuentahinwanej ta atojolic, ha jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50), soc yu'un lajuntuhl (10), soc jtsobawetic yu'un jujuchahp awu'unic.

Deuteronomio 16:18

Ta spisil te pueblohetic ya ya'bat te Jehová te Dios awu'un a'beya yich' ya'tel juecetic soc jcuentahinwanejetic scuenta chahpalchahp ats'umbal, te stojil ya schahpanic te pueblo.

Deuteronomio 31:28

Tsobahic tal spisil te mamaletic yu'un te jujuchahpex soc te jtsobawetic awu'unic yu'un ya calbe ya'iyic spisil te c'opetic ini, soc ya cac' ta testigo ta stojolic te ch'ulchan soc te bahlumilal.