Números 11:12 - Bible in Tzeltal Bachajón

¹² ¿Yu'un bal ho'on la jwol spisil te pueblo ini? ¿Ho'on bal la jcalatay, yu'un te hich yac awalbon: Peticlana bahel, hich te bin ut'il ya spet chu'alal te jcanan-alal, c'alal ta q'uinal te jc'axel la awal ta jamal te yac awa'be te sme'statique?

Bible in Tzeltal de Oxchuc y Tenejapa

¹² ¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Números 11:12 ပူးပေါင်းရင်းမြစ်များ

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

2 Reyes 10:1

Te Acab ay lajuneb schanwinic (70) snich'nab ta Samaria. Te Jehú la sts'ihbay cartahetic, la sticonlan ta Samaria ta stojol te príncipaletic, te mamaletic soc te mach'atic scuentahinejic te snich'nab Acab, hich la yal ta carta:

2 Reyes 10:5

Ha yu'un te mayordomo yu'un te sna ajwalil, te gobernador yu'un te pueblo, te mamaletic soc te mach'atic scuentahinejic te snich'nab te ajwalil, hich la sticonic ta halbeyel te Jehú: Ha a'batotcotic awu'un, ya jpascotic spisil bintic yac awac' jpascotic. Mayuc mach'a ya cotsescotic ta ajwalil. Pasa te bin ya sc'an awo'tan, xchihic.

Éxodo 13:11

C'alal ya yic'at ochel te Jehová ta sq'uinal te cananeohetic, hich te bin ut'il jc'axel yalbeyejat ta jamal soc te antiguo ame'atatic, te c'alal la ya'batix ta ac'ab te sq'uinale,

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Éxodo 33:1

Te Jehová la yalbe te Moisés: Bahan, loc'an bahel soc te pueblo te la aloq'ues tal ta sq'uinal Egipto, bahan tey ta q'uinal te la jcalbe ta jamal te Abraham, Isaac soc Jacob: Ya ca'be te ats'umbal, te xchihone.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Isaías 40:11

Hich te bin ut'il jcanan-tuminchij ya scanantay te tuminchijetic yu'une; ya stsac hahchel ta sc'ab te tut tuminchijetic, ya spet bahel ta stahn, c'un ya yic' bahel te tohquelic to.

Isaías 49:15

¿Ya bal xch'ay ta yo'tan te ants te yal te la ya'be schu', yu'un ma ba ya sc'uxultay te mach'a la yalatay? ¡Aunque ya xch'ay ta yo'tan te yale, mayuc bin ora ya xch'ayat ta co'tan te ha'ate!

Isaías 49:23

Te ajwaliletic hich ya xc'ohtic te bin ut'il atatic, soc te ajwalil-antsetic yu'unic ha jcanan-alal ya xc'oht awu'unic. Ya me spahcan sbahic ta lum ta atojolic, soc ya me sleq'uic te stanul awoquic. Hich yac ana'ic a te ho'on Jehovahon; soc ma ba ya xq'uexawic te mach'atic smuc'ulinejon yo'tanic, xchi te Jehová.

Ezequiel 34:23

Ya ca'beyic jtuhl jcanan te ya scanantay, ha te ca'bat David; ya scanantay, ha jcanan yu'unic ya xc'oht.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

1 Corintios 4:15

Aunque ay jpic soc ho'bahc' (10,000) jp'ijubteswanejetic awu'unic ta stojol te Cristo, mayuc tsobol atatic; ho'on cal-jnich'anex ta scuenta Cristo Jesús te bin ut'il la jcalbeyex te lec yach'il c'ope.

Gálatas 4:19

Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,

Deuteronomio 1:31

Ta jochol taquin q'uinal awilojic te Jehová te Dios awu'unic te la spetex tal, hich te bin ut'il jtuhl winic ya spet snich'an, ta spisil te be banti behenemex ha to c'alal hulex tal ta lugar ini, xchihon.

1 Tesalonicenses 2:7

Pero la jc'uxultayexcotic, hich te bin ut'il nanil ya sc'uxultay yalatac.