Números 11:1 - Bible in Tzeltal Bachajón

¹ Te pueblo hahch ta tulan c'op ta stojol Jehová. La ya'iy te Jehová, bayel ilin yu'un. Hich tihl c'ahc' yu'un Jehová ta yohlilic te la slajin te jun sti'il te campamento.

Bible in Tzeltal de Oxchuc y Tenejapa

¹ Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 11:1 ပူးပေါင်းရင်းမြစ်များ

Génesis 38:10

Te Jehová ma lecuc yo'tan yu'un te hich la spas, ha nix hich la smil.

2 Samuel 11:27

C'alal c'ax yorahil te ya yoq'uetay, te David la sticon ta iq'uel tal ta sna. Ha yihnam c'oht, soc la yac' jtuhl yal. Pero te Jehová ma ba lec la ya'iy te bin la spas te David.

2 Reyes 1:12

La sjac' te Elías: Teme winicon yu'un Dios, ac'a cohuc tal c'ahc' ta ch'ulchan, ac'a slajinat soc te lajuneb yoxwinic (50) ta tuhl winiquetic awu'un, xchi. Hich co tal c'ahc' ta ch'ulchan, ha lajinot yu'un soc te lajuneb yoxwinic (50) ta tuhl winiquetic yu'une.

Job 1:16

Yac to ta c'op a, tal yan te hich c'oht yal: Co tal c'ahc' yu'un Dios ta ch'ulchan te la schic' te tuminchijetic soc te jcananetic yu'unic; ho'on xanix colon hilel te tal calbat awa'iy, xchi.

Salmos 106:18

Tihl c'ahc' ta stojol ta mach'atic la st'unic; laj ta chiq'uel te mach'atic chopolique.

Salmos 78:21

C'alal hich la ya'iy te Jehová, ilin yu'un; tihl sc'ahc'al ta stojol Jacob, soc hahch yilimba ta stojol Israel,

Salmos 78:63

Lajic ta c'ahc' te queremetic yu'unic, soc te ach'ixetic yu'unic ma ba c'ayojtaybotic c'ayojetic scuenta nuhpunel.

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Éxodo 16:9

Te Moisés la yalbe te Aarón: Halbeya spisil te pueblo yu'un te snich'nab Israel: Nohpojanic tal ta stojol Jehová, yu'un la ya'iybeyex atijawic ta c'op, xchi.

Isaías 10:17

Te sacal q'uinal yu'un Israel ya sutp'ij ta c'ahc', te Ch'ul Dios yu'unic ya sutp'ij ta yat c'ahc' te ta junax c'ahc'al ya schic' soc ya slajin te pimil ch'ixetic soc te ch'ixetic yu'une.

Isaías 30:33

Como ayix c'ahc'al chapal te Tofet, chapalix yu'un te ajwalile. Jamal soc c'ubul la yich' pasel te yawil c'ahc' yu'un, soc bayel c'ahc' soc si'. Te yic'al Jehová ya schic' te si' hich te bin ut'il bayel azufre te ya xmal bahel.

Isaías 33:14

Te jmulawiletic ta Sión ya xiwic, ya xnihquic te mach'atic ma tojuc yo'tanic, hich ya yalic: ¿Mach'ahotic a te ya xhu' ya xnahinotic soc te c'ahc' te ya xlajinwan? ¿Mach'ahotic a te ya xhu' ya xnahinotic soc te yat c'ahc' te sbahtel q'uinal ay? xchihic.

Lamentaciones 3:39

Te mach'a cuxul ¿bin yu'un ya x'och wulwonel yu'un te castigo yu'un te smule?

Ezequiel 20:36

Hich te bin ut'il la jquich' ta c'op te ame'atatic ta jochol taquin q'uinal yu'un Egipto, hich nix ya quich'ex ta c'op, xchi te Jehová, te Ajwalil.

Levítico 10:2

Loc' tal c'ahc' ta stojol Jehová te la schic'ticlan, hich chamic ta stojol Jehová.

Nahúm 1:5

Ya xnihquic te witsiltic ta stojol, soc te tsehletic ya x'uhlic. Te lumq'uinal ya syuc' sba ta stojol, te bahlumilal soc spisil mach'atic nahinemic tey a.

Habacuc 3:5

Te jmilawal-chamel ya xnahilij bahel ta stojol, soc ta spat te yoc ya xloc' c'ahc'.

Números 10:33

Hich loq'uic bahel ta wits yu'un Jehová, oxeb c'ahc'al behenic bahel. Te scaxahul te chapbil-c'op yu'un Jehová ha nahilij bahel yu'unic oxeb c'ahc'al, yu'un yac slehbel banti ya scux yo'tanic.

Números 11:18

Hich yac awalbe te pueblo: Ch'ultesa abahic yu'un pajel, ya me awe'ic ti'bal; yu'un la ya'iybeyex awoq'uelic te Jehová, te hich la awalic: ¡Te ayuc ti'bal ya jti'tic! ¡Ha lec xan te ayucotic ta Egipto! te xchihexe. Ha yu'un te Jehová ya me ya'beyex ti'bal, hich ya xwe'ex.

Números 12:2

Hich la yalic: Te Jehová ¿ha nax bal c'opoj ta scuenta stuquel te Moisés? ¿Ma bal hichuc nix c'opoj ta jcuentacotic? xchihic. La ya'iy te Jehová.

Números 14:2

Spisil te snich'nab Israel la scontrac'optayic te Moisés soc Aarón, hich la yalic: ¡Lec te chamucotic ta Egipto! ¡O lec te ya xchamotcotic li' ta jochol taquin q'uinal ini!

Números 14:22

spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

Números 14:27

¿Jayeb xan tiempo ya xcuhch cu'un te chopol pueblo ini te ya scontrac'optayonic? La jca'iybeyix te spartehic te snich'nab Israel te la yalbonique.

Números 14:28

Halbeya ya'iyic: Ho'on cuxulon, xchi te Jehová, te bin la awalic ta jtojol hich ya jpasbeyex.

Números 16:11

Ha yu'un, ha'at soc spisil amohloltac la atsob abahic ta scontrahinel Jehová; como ¿mach'a a te Aarón te yac acontrahinic ta c'op? xchi.

Números 16:35

Soc loc' tal c'ahc' ta stojol Jehová, la smil te lajuneb yoxlajunwinic (250) ta tuhl winiquetic te la yaq'uic te pome.

Números 17:5

Ha ya xnichin te snahbate' te mach'a tsahbil cu'un, hich ya cac' quehchajuc ta jtojol te spartehic te snich'nab Israel te la scontrahinexe, xchi.

Números 21:5

Hahch scontrac'optayic te Dios soc te Moisés, hich la yalic: ¿Bin yu'un la aloq'uesotcotic tal ta Egipto scuenta yu'un ya xchamotcotic li' ta jochol taquin q'uinal ini? Mayuc we'elil soc mayuc ha'; soc c'axix co'tancotic yu'un te we'elil ini, xchihic.

1 Corintios 10:10

Soc ma me xawa'iyic wulwul-c'op, hich te bin ut'il ay la ya'iyic wulwul-c'op stuquelic, hich lajinotic yu'un te jlajinwaneje.

Deuteronomio 25:18

ha te bin ut'il loc' tal stahat ta be soc te la slajinlan te mach'atic pehc'ajem yipic te patil yacalic ta talel awu'un, te c'alal ay aluhbel soc lajem awip a; jc'axel ma ba la xi' te Diose.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Deuteronomio 9:22

Ha nix hich ta Tabera, ta Masah soc ta Kibrot-hataava la ahachbeyic yilimba te Jehová.

Hebreos 12:29

Como te Dios cu'untic, hich ay te bin ut'il c'ahc' te ya xlajinwan.

Santiago 5:4

A'iya me awa'iyic, yaquic ta aw ta scontrahimbelex te j'a'teletic te la stsobeyex sit te ats'unub awawalic, te ta scuenta lo'loyel ma ba la atojique. Te yawic te mach'atic la stsobic te sit ats'unub awawalic c'ohtix ta stojol te Cajwaltic te scuentahinej spisil.

Judas 1:16

Ha'ic jmuquen jlabanwanejetic, jle-muliletic, ya st'unic spasel te bintic ya smulanic stuquel, ya stoy sbahic ta scuenta sc'opic soc ya x'ajwalc'opojic ta stojol yantic yu'un ay bin ya stahic a.