Números 10:9 - Bible in Tzeltal Bachajón

⁹ Te c'alal ayex ta aq'uinalic soc ya xloq'uex bahel ta guerra soc acontra te ya xtal scontrahinex, ya me awoq'uesinic cornetahetic scuenta tijel hachel. Hich ya xna'botex yu'un Jehová te Dios awu'unic soc ya xcolex ta sc'ab acontrahic.

Bible in Tzeltal de Oxchuc y Tenejapa

⁹ “C'alal ya yac'beyex guerra te acontroic ta aq'uinalic, ya me xloq'uex ta yac'beyel guerra; oq'uesinaic te oq'uesetic, awunanic ta lec. Jich yu'un te Ajwalilon te Dioson awu'unic ya me jna'ex soc ya jcoltayex ta sc'ab te acontroique.

Números 10:9 ပူးပေါင်းရင်းမြစ်များ

Génesis 8:1

Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

2 Crónicas 13:12

Ilawil, ha jolal cu'uncotic te Diose, soc te sacerdotehetic yu'un ya yoq'uesinic te xulubiletic ta acontrahic. Snich'nabex Israel, ma me xawa'be guerra te Jehová te Dios yu'un te jme'jtatic, como ma ba ya xhu' awu'unic stsalel, xchi.

2 Crónicas 13:14

Te mach'atic yu'un Judá, c'alal la yilic te hahchix guerra ta stojol sitic soc ta spatic, la yawtayic te Jehová, soc te sacerdotehetic la yoq'uesinic te xulubiletic.

Salmos 106:4

Na'awon, Jehová, te c'alal yac apasbe bin lec te pueblo awu'une; na'awon te c'alal yac acoltaylan,

Salmos 106:42

Uts'inotic yu'un te scontratac soc pehc'anotic ta scuenta te yipique.

Salmos 136:23

Te mach'a la sna'otic te c'alal ayotic ta wocol a, como sbahtel q'uinal ay sc'uxul yo'tan;

Isaías 18:3

Ha'ex ta apisilic te ayex ta bahlumilal, ha'ex te nahinemex ta q'uinal, te c'alal ya yich' tohytesel mohel bandera ta wits, ila me awilic; soc te c'alal ya yich' tijel corneta, a'iya me awa'iyi.

Isaías 58:1

¡Tulan x'awonat, ma xacom aba, toya ac'op hich te bin ut'il corneta! ¡Halbeya ya'iy te pueblo cu'un te stoybahil, soc te smulic te mach'atic yu'un Jacob!

Jeremías 4:19

¡Ay jwocol, ay jwocol! ¡Ya xc'uxub co'tan, ya xwihl te co'tan, ma xch'abon; como la jca'iy sc'op corneta, la jca'iy aw yu'un guerra!

Jeremías 4:21

¿Jayeb xan c'ahc'al ya sc'an te ya quil te bandera soc te ya ca'iybe sc'op te corneta?

Jeremías 4:5

Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Jeremías 49:2

Ha yu'un ya sta yorahil, xchi te Jehová, te ya cac' chicnajuc sc'op guerra ta Rabá soc te amonetique. Ya xc'atp'uj ta busul jimbil, soc te pueblohetic ya x'a'botic sc'ahc'al; hich te Israel ya me scha'ic'ticlan te mach'atic ic'otic yu'unique.

Jeremías 6:1

¡Ahnanic bahel, sts'umbalex Benjamín, ahnanic loq'uel ta Jerusalén! ¡Oq'uesinahic corneta ta Tecoa, toyahic mohel señahil ta Bet-haquerem! como ay bin chopol ya xtal ta stojol norte, ya xtal muc'ul jinel.

Jeremías 6:17

La jcac' ta atojolic j'il-q'uinaletic te hich ya yalbeyex: ¡A'iya me awa'iyic yoq'uel te corneta! xchihic. Pero hich la yalic: Ma ba ya ca'iycotic, xchihic.

Ezequiel 7:14

Ya yoq'uesinic te corneta soc ya schahpanic spisil; pero mayuc mach'a ya xloc' bahel ta guerra, como ay ta stojol spisilic te quilimba.

Oseas 5:8

¡Oq'uesinahic te xulubil ta Gabaa, te corneta ta Ramá! ¡Ac'ahic ta a'iyel aw ta Bet-avén! ¡Wic'a asit, Benjamín!

Levítico 23:24

Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Amós 3:6

¿Ya bal yich' oq'uesinel corneta ta pueblo te ma ba ya xnihquic ants-winiquetic yu'un? ¿Ay bal wocol ya xc'oht ta pueblo te ma ba ticombil yu'un Jehová?

Sofonías 1:16

ha sc'ahc'alel yoq'uesinel corneta soc aw ta scontrahinel te pueblohetic te joybilic ta ts'ahc soc ta scontrahinel te toyol bahlal ts'ahquetique.

Números 31:6

Te Moisés la sticonlan bahel ta guerra, lajunwinic yoxbahc' (1,000) ta tuhl ta jujuchahp. Te Finees snich'an te sacerdote Eleazar, baht ta querra, yich'oj bahel biluquetic yu'un te ch'ul awilal soc te cornetahetic yu'un ya yich'ic oq'uesinel.

1 Corintios 14:8

Soc teme ma xchicnaj scuentahil te sc'op corneta, ¿mach'a c'an schahpan sba ta guerra yu'un?

Deuteronomio 20:1

Te c'alal ya xloc'at ta ya'beyel guerra te acontrahic, teme yac awil cawuhetic soc carretahetic, soc jun pueblo te c'ax hich smuc'ul a te bin ut'il te ha'ate, ma me xaxi', como ha sjoquinejat te Jehová te Dios awu'un, ha te la sloq'uesat tal ta sq'uinal Egipto.

Josué 6:5

Te c'alal ya xhalaj ta oq'uesinel te xulub tat tuminchij, te c'alal yac awa'iybeyic yoq'uel, tulan ya x'awonic spisil te pueblo, hich ya xjihn cohel te sts'ahcul te pueblohe; tuhlultuhl toj me ya x'ochic bahel, xchi.

Jueces 10:12

te mach'atic yu'un Sidón, Amalec soc Maón? Te c'alal awonex ta jtojol ¿ma bal lajuc jcoltayex loq'uel ta sc'abic?

Jueces 10:8

La yuts'inic soc te la ya'beyic swocol te snich'nab Israel waxaclajuneb (18) ha'bil, spisil te snich'nab Israel te nahinemic ta Galaad ta jehch Jordán, ta sq'uinal te amorreohetique.

Jueces 2:18

Te c'alal ya yac' chicnajuc juecetic te Jehová, joquimbil yu'un Jehová te juez, soc ya scoltay loq'uel ta sc'ab scontrahic te jayeb c'ahc'al cuxul te juez; como te Jehová ya sna'be yo'bolil sbahic c'alal ya ya'iybe yacanic yu'un te mach'atic uts'inotic soc te a'botic swocolic yu'une.

Jueces 3:27

C'alal c'oht ta sq'uinal Israel la yoq'uesin xulubil ta witsiltic yu'un Efraín, hich te snich'nab Israel cohic bahel ta wits soc Aod, ha nahilij bahel yu'unic.

Jueces 6:34

Te Gedeón u'untayot yu'un te espíritu yu'un Jehová. C'alal la yoq'uesin te xulubil, tal ta joquinel yu'un te abiezeretic.

Jueces 6:9

La jcoltayex loq'uel ta sc'ab te egipciohetic soc ta sc'ab spisil mach'atic la yuts'inex, ha la jtenticlan loq'uel ta atojolic soc la jca'beyex te sq'uinalique.

1 Samuel 10:18

Hich la yalbe te snich'nab Israel: Hich la yal te Jehová, te Dios yu'un Israel: Ho'on la jloq'ues tal ta Egipto te Israel, soc la jcoltayex loq'uel ta sc'ab te egipciohetic soc ta sc'ab spisil yantic ajwaliletic te la yuts'inex, xchi.