Números 10:30 - Bible in Tzeltal Bachajón

³⁰ Ma xbohon; ya suhton bahel ta jq'uinal soc ta stojol te jmohlol-ts'ahquil, xchi te Hobab.

Bible in Tzeltal de Oxchuc y Tenejapa

³⁰ Te Hobab la sjac': —Ma xju', ja' lec ya sujt'on bael ta jlumal ta bay te quermanotaque —xi'.

Números 10:30 ပူးပေါင်းရင်းမြစ်များ

Génesis 12:1

Te Jehová yalbeyejix te Abram: Loc'an bahel ta aq'uinal, ta stojol te mach'atic ay awu'un soc ta sna atat, bahan ta q'uinal te ya ca'bat awil.

Génesis 31:30

Ya suhtatix bahel yu'un awo'tanuc te ayatix ta sna te atate, pero ¿bin yu'un la awelc'ambon talel te diosetic cu'un? xchi.

Salmos 45:10

A'iya awa'iy, cantsil-nich'an, ilawil, ts'ehana achiquin; ch'aya me ta awo'tan te pueblo awu'un soc te sna ame'atat.

Éxodo 18:27

Patil te Moisés la spatbe bahel yo'tan te snihal-mamal, hich baht ta slumal.

San Mateo 21:28

¿Bin xchihex yu'un ini? Ay jtuhl winic te ay cheb snich'nab, nohpoj tal, hich la yalbe te jtuhle: Jnich'an, bahan ta a'tel ta ts'unubil cu'un, xchi.

San Mateo 21:29

La sjac' te snich'an: Ma jc'an, xchi. Pero patil la suhtes yo'tan, baht ta a'tel.

San Lucas 14:26

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

2 Corintios 5:16

Ha yu'un yo'tic soc ta patil bahel mayuc mach'a ya jna'becotic sba ta scuenta ch'ich'-baq'uet, aunque ta nahil to hich la jna'becotic sba te Cristo, ma hichuquix ta ora ini.

Hebreos 11:13

Ta spisilic ini ay sch'uhunel yo'tanic a c'alal chamic, ma ba la yich'ic te bin halbot ya yich'ic, namal to la yilic, la sch'uhunic soc tse'el yo'tanic yu'un. Jamal la yalic te ha jyanlumetic soc jbehyometic ta bahlumilal.

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Jueces 1:16

Te sts'umbal Hobab, te snihal-mamal Moisés, loq'uic bahel ta pueblo yu'un xahnetic soc te snich'nab Judá, bahtic ta jochol taquin q'uinal yu'un Judá te ay ta Neguev ta nopol Arad; la sjoquin sbahic ta nahinel soc te yajwal q'uinal tey a.