Números 10:2 - Bible in Tzeltal Bachajón

² Pasa cheb cornetahetic ta plata tembilic ta martillo; ha ya xtuhun awu'unic yu'un stsobel te pueblo soc yu'un shachel te campamento.

Bible in Tzeltal de Oxchuc y Tenejapa

² —Pasa cheb oq'uesetic ta plata, ya me apas ta martillo. Ja' ya xtuunic ta tsobel a te lume, soc ja' ya awac'bey seña a te bit'il ya xjajch'ic ta beele.

Números 10:2 ပူးပေါင်းရင်းမြစ်များ

2 Reyes 12:13

Pero te taq'uin la yich'ic talel ta sna Jehová, ma ba tuhun yu'un spasel tazahetic ta plata, set'ojbil sc'ahq'uemal mecha, muc'ul tazahetic, cornetahetic, o yantic bintic ya xtuhun ta templo yu'un Jehová te pasbil ta oro soc ta plata,

2 Crónicas 5:12

spisil te levitahetic te ya xc'ayojinic, ha te Asaf, Hemán, Jedutún, soc te snich'nabic soc te yermanotac, tec'ajtic spisilic ta stojol banti ya xloc' tal c'ahc'al yu'un te scajtajib ta chiq'uel mahtanil, slapojic lino-pac' soc yich'ojic te platillo, salterio soc arpahetic, soc sjoquinejic wacwinic (120) ta tuhl sacerdotehetic te la yoq'uesinic cornetahetic.

Salmos 81:3

Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Salmos 89:15

Bayel yutsil te mach'atic ya sna'ic yalel yutsil ac'oblal, te ya xbehenic ta sacal q'uinal yu'un te sit awelaw, Jehová.

Éxodo 25:18

Soc pasa cheb querubinetic ta oro ta jehch ta jehch te yawil stahel perdón, tembilic ta martillo.

Éxodo 25:31

Soc ya me apas scajtajib c'ahc' ta puro oro, tembil ta martillo; junax ta pasel te yoc, ste'el, svasohil, swolnich, soc snich.

Isaías 1:13

Ma me xawich'boniquix tal mahtanil te mayuc sc'oblal; ya quihlay te pom. Ma xcuhchix cu'un te yuhnenal u, te sc'ahc'alel cux-o'tan soc te tsoblejetic awu'unique.

Jeremías 4:5

Pucahic ta halel ta Judá, halbeyahic sc'oblal ta Jerusalén, hich me yac awalic: Oq'uesinahic corneta ta q'uinal, xchihex; awonanic, hich me yac awalic: Tsoba abahic, ochucotic bahel ta pueblohetic te ayic sts'ahcul, xchihanic me.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

Joel 1:14

Puca ta halel te ya scom swe'elic, hala ta tsoblej, tsoba abahic ta sna Jehová te Dios awu'unic, te mamaletic soc spisil mach'atic nahinemic ta q'uinal, c'oponahic te Jehová.

Joel 2:1

Oq'uesinahic corneta ta Sión, ac'a ta na'el ta ch'ul wits cu'un. Ac'a nihcuc spisil te mach'atic nahinemic ta q'uinal, yu'un ya xtal te sc'ahc'alel yu'un Jehová, yu'un nopolix.

Números 10:1

Te Jehová la yalbe te Moisés:

Números 10:7

Pero scuenta stsobel te pueblo, oq'uesina, pero ma ha'uc te oq'uel scuenta tijel hachel.

Efesios 4:5

junax Cajwaltic, junax te bin ay ta ch'uhunel, junax ich'ha';