Números 10:10 - Bible in Tzeltal Bachajón

¹⁰ Ha nix hich ta yorahil yutsil q'uinal awu'unic, ta q'uinetic awu'unic soc ta jujun shachel u, yac awoq'uesinic cornetahetic yu'un te scohtol chic'bil mahtaniletic awu'unic soc te milbil mahtaniletic scuenta lamal q'uinal. Ha sna'ojibal awu'unic ta stojol te Dios awu'unique. Ho'on Jehovahon te Dioson awu'unic, xchi.

Bible in Tzeltal de Oxchuc y Tenejapa

¹⁰ Soc oq'uesinaic oq'uesetic ta sc'aalelal sbujts' q'uinal ya awaiyic ta q'uin, o ja' te yach'il u, c'alal ya awaq'uic chic'bil majt'anil soc te majt'anil swenta seña te lamal-o'tanile. Jich te jo'on ya me jna'ex. Jo'on Ajwalilon te Dioson awu'unique —xi' te Cajwaltique.

Números 10:10 ပူးပေါင်းရင်းမြစ်များ

2 Reyes 4:23

La yal te smamalal: ¿Bin yu'un ya xbaht awil yo'tic? Ma yorahiluc yach'il u o sc'ahc'alel cux-o'tanil, xchi. Ma xamel awo'tan, xchi te antse.

1 Crónicas 15:24

Te sacerdotehetic Sebanías, Josafat, Natanael, Amasai, Zacarías, Benaías soc Eliezer, ha'ic ya yoq'uesinic te cornetahetic ta stojol te scaxahul te chapbil-c'op yu'un Dios. Te Obed-edom soc Jehías, ha'ic nix jcanan-ti'nahiletic yu'un te scaxahul te chapbil-c'op.

1 Crónicas 15:28

Hich spisil Israel la yich'ic tal te scaxahul te chapbil-c'op yu'un Jehová soc yutsil yo'tanic soc ta sc'op xulubil, corneta, platillo, soc sc'op salterio soc arpa.

1 Crónicas 16:42

Soc ha nix te Hemán soc Jedutún ay ta scuentahic yoq'uesinel cornetahetic soc stijel platillohetic soc te yantic a'tejibaletic yu'un música yu'un Dios. Soc te snich'nab Jedutún ay ta scuentahic scanantayel ti'nahiletic.

2 Crónicas 29:26

Te levitahetic yich'ojic te a'tejibaletic yu'un música yu'un David, soc te sacerdotehetic yich'ojic cornetahetic.

2 Crónicas 29:28

Spisil te pueblo la sch'uhuntayic, c'ayojinic te jc'ayojetic, te j'oq'uesinej cornetahetic la yoq'uesinic te cornetahetique. Halaj spisil ini ha to c'alal laj ta chiq'uel te scohtol chic'bil mahtanil.

2 Crónicas 7:6

Te sacerdotehetic baht stehc'an sbahic te banti ya x'a'tejic, soc te levitahetic la sc'ayojtaybeyic yutsilal te Jehová soc te a'tejibaletic yu'un música te la spas te ajwalil David yu'un ya sc'ayojtayic a te Jehová, te hich la yalulanic: Como sbahtel q'uinal ay te sc'uxul yo'tan, xchihic ta c'ayojetic te pasbilic yu'un David. Te sacerdotehetic la yoq'uesinic te cornetahic ta stojolic, teq'uelic a spisil Israel.

Esdras 3:10

Te c'alal hahch yotsesic te yich'o-ip te templo yu'un Jehová te albañiletic, tal stehc'an sbahic te sacerdotehetic, slapojic c'u'ul scuenta sacerdotehil soc yich'ojic cornetahetic a, soc te levitahetic te sts'umbal Asaf, yich'ojic platillohetic scuenta sc'ayojtaybeyel yutsilal te Jehová, hich te bin ut'il la yal mandar te David ajwalil yu'un Israel.

Nehemías 12:35

soc ay sacerdotehetic te behenic soc cornetahetic: ha te Zacarías snich'an Jonatán, snich'an Semaías, snich'an Matanías, snich'an Micaías, snich'an Zacur, snich'an Asaf,

Salmos 150:3

Halbeyahic yutsil sc'oblal ta scuenta sc'op corneta, halbeyahic yutsil sc'oblal soc arpa soc lira.

Salmos 81:3

Oq'uesinahic te corneta ta yach'il u, te c'alal ya sta yorahil ya sehp sba, ta sc'ahc'alel te muc'ul q'uin cu'untique;

Salmos 81:4

como ha chahpambil mandar yu'un Israel, ha halbil mandaril yu'un te Dios yu'un Jacob.

Salmos 89:15

Bayel yutsil te mach'atic ya sna'ic yalel yutsil ac'oblal, te ya xbehenic ta sacal q'uinal yu'un te sit awelaw, Jehová.

Éxodo 28:29

Hich te Aarón ya me yich'be ta stahn ta stojol yo'tan te sbihilic te snich'nab Israel ta bolsa pac' ya xc'oht ta stahn yu'un schahpanel c'op te c'alal ya x'och bahel ta ch'ul awilal, scuenta sna'ojibalic ta stojol Jehová spisil ora.

Éxodo 30:16

Ya me awich'be te snich'nab Israel te taq'uin ya yaq'uic scuenta stojol sjelol scuxlejalic, ya me awac' yu'un te a'tel ya yich' pasel ta Nahilpac' Templo yu'un tahojibal. Ha sna'ojibal te snich'nab Israel ta stojol Jehová, scuenta stojol sjelol te acuxlejalique, xchi.

Isaías 27:13

Soc ta hich ora ya me yich' oq'uesinel muc'ul corneta, te mach'atic ch'ayemic ta sq'uinal Asiria, soc te mach'atic la yich'ic loq'uesel bahel ta Egipto, ya xtal sch'uhuntayic te Jehová ta ch'ul wits ta Jerusalén.

Levítico 23:24

Halbeya te snich'nab Israel: Ta sba c'ahc'alil ta shuquebal u ay me sc'ahc'alel cux-o'tan awu'unic, ha ch'ul tsoblej awu'unic te c'alal ya x'oc' xulubiletic.

Números 10:9

Te c'alal ayex ta aq'uinalic soc ya xloq'uex bahel ta guerra soc acontra te ya xtal scontrahinex, ya me awoq'uesinic cornetahetic scuenta tijel hachel. Hich ya xna'botex yu'un Jehová te Dios awu'unic soc ya xcolex ta sc'ab acontrahic.

Números 28:11

Ta shahchibal te jujun u ya me awa'beyic scuenta scohtol chic'bil mahtanil te Jehová cha'coht jcolel toro, jcoht tat tuminchij, soc huqueb tuminchijetic te jujun ya'bilal te mayuc bin jihnem yu'unic;

Números 29:1

Te sba c'ahc'alil yu'un te shuquebal u, ay me ch'ul tsoblej awu'unic, ma me xapas awa'telic a; ha sc'ahc'alel te ya yich' oq'uesinel te xulubiletique.

San Mateo 11:28

La'ic ta jtojol apisilic te luhbunex soc te ay awihcatsic, ho'on ya ca'beyex acux awo'tanic.

Hechos 10:4

Te Cornelio, la st'ojan sit yilbel, soc xiwel hich la yal: ¿Binti a, Cajwal? xchi. Halbot yu'un: Te sc'oponel Dios awu'un soc te mahtanil taq'uin yac awac', c'ohemix ta stojol Dios scuenta ana'ojibal.

1 Corintios 15:52

jts'ihn nax, ta muhts' nax ta sitil, ta slajibal yoq'uel corneta, como ya yich' oq'uesinel corneta, te mach'atic chamenic mayuc sc'a'emal a ya xcha'cuxajtesotic tal, soc te ho'otic ya xc'atp'ujotic,

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

1 Tesalonicenses 4:18

Ha yu'un talel c'axel me xamuc'ubtesbe aba q'uinal awa'iyic ta scuenta te c'op ini.

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.

Josué 6:4

Huctuhl sacerdotehetic ya yich'ic bahel huqueb xulub tat tuminchij, ha ya xnahilijic bahel yu'un te scaxahul te chapbil-c'op. Ta shuquebal c'ahc'al huqueb buelta ya me ajoyobtayic te pueblo, yac ta yoq'uesinel xulubiletic a te sacerdotehetique.

Apocalipsis 22:17

Te Espíritu soc te Jnuhpunel Ach'ix ya yalic: La' me, xchihic. Te mach'a ya ya'iybe sc'op, hich ac'a yal: La' me, xchihuc. Ac'a taluc te mach'a taquin yo'tan. Mach'ayuc a te ya sc'an, smahtan ac'a yuch' te ha' scuenta cuxlejal.

1 Samuel 20:5

Te David la sjac'be te Jonatán: Ilawil, ha'ix yach'il u pajel, ya sc'an te ya juhcan jba ta we'el soc te ajwalil; pero ac'awon te ya jnac' jba ta aquiltic ha to ta tibiltic cha'bej.