Números 1:54 - Bible in Tzeltal Bachajón

⁵⁴ Te snich'nab Israel la spasic spisil hich te bin ut'il halbot yu'un Jehová te Moisés.

Bible in Tzeltal de Oxchuc y Tenejapa

⁵⁴ Te israeletic jich la spasic spisil te bit'il nix yaloj mandal Cajwaltic ta stojol Moisés.

Números 1:54 ပူးပေါင်းရင်းမြစ်များ

Éxodo 12:28

Patil te snich'nab Israel baht spasic ta ora hich te bin ut'il halbotic ta mandar yu'un Jehová te Moisés soc Aarón.

Éxodo 39:32

Hich hu' spisil te a'tel yu'un te Nahilpac' Templo, ha te Nahilpac' Templo yu'un tahojibal. Te snich'nab Israel la spasic spisil hich te bin ut'il halbot yu'un Jehová te Moisés.

Éxodo 39:43

Te Moisés c'alal la yil spisil te a'tel, te hich la spasic te bin ut'il yaloj ta mandar te Jehová, la yac'ticlambe bendición.

Éxodo 40:16

Te Moisés la spas spisil hich te bin ut'il halbot yu'un te Jehová.

Éxodo 40:32

Te c'alal ya x'ochic bahel ta Nahilpac' Templo yu'un tahojibal soc te c'alal ya xnohpojic bahel ta scajtajib ta chiq'uel mahtanil, tey ya spoc sbahic a, hich te bin ut'il halbot yu'un Jehová te Moisés.

Números 1:19

Hich te bin ut'il halbot yu'un Jehová, te Moisés la yahtaylan te israeletic ta jochol taquin q'uinal Sinaí.

Números 1:53

Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.

Números 2:1

Te Jehová hich la yalbe te Moisés soc Aarón:

Números 2:34

Te snich'nab Israel la spasic hich te bin ut'il spisil te pasot ta mandar yu'un Jehová te Moisés. Hich la spas scampamentohic ta banti ay te sbanderahic, soc hich behenic bahel jujutuhl soc te mach'atic ay yu'un, ha chican te jujuchahp sna te sme'statique.

Números 36:10

Te yantsil-nich'nab Zelofehad, hich la spasic te bin ut'il pasot ta mandar yu'un Jehová te Moisés.

Números 8:20

Te Moisés, Aarón soc spisil te pueblo yu'un te snich'nab Israel hich la spasbeyic te levitahetic te bin ut'il spisil te bin pasot ta mandar yu'un Jehová te Moisés sc'oblal te levitahetique; te snich'nab Israel hich la spasbeyic.

Números 9:22

Teme ya xhil te tocal ta sba te Nahilpac' Templo cheb c'ahc'al, jun u, o jun ha'bil, te c'alal tey ay a te tocal, te snich'nab Israel ya xhilic ta scampamentohic, ma ba ya xhahchic bahel. Pero c'alal ya xhahch bahel te tocal, ha nix hich ya xhahchic bahel.

Números 9:5

Hich la spasic te Q'uin Pascua ta shahchibal u ta schanlajunebal (14) c'ahc'al, ta yihc'ubel q'uinal, ta jochol taquin q'uinal Sinaí; hich te bin ut'il spisil bintic pasot ta mandar yu'un Jehová te Moisés, hich la spasic te snich'nab Israel.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.