San Lucas 9:56 - Bible in Tzeltal Bachajón

⁵⁶ como te Nich'anil ay ta scuenta winic ma ba tal yac' ta ch'ayel sch'uhlel winiquetic, ha tal swehtesbe scolelic, la yut. Hich bahtic ta yan tut pueblo.

Nuevo Testamento Tzeltal de Amatenango

⁵⁶ Te Nichꞌanile, ma jaꞌuk a tal yuꞌun te ya yakꞌ ta lajel te genteetike, yuꞌun tal yakꞌ xkuxuyinik —xchi te Jesuse. Jicha laj bajt ta yan chꞌin kolonya.

Bible in Tzeltal de Oxchuc y Tenejapa

⁵⁶ Melel te Nich'anile, ma ba tal slajinbey xcuxlejalic te ants-winiquetique. Tal yac' cuxinuc —xi' te Jesuse.] Jich c'axic bael ta bay yan ch'in lum.

San Lucas 9:56 ပူးပေါင်းရင်းမြစ်များ

San Mateo 18:10

Tsahtaya me abahic te ma ba yac ap'ajic jtuhluc ha'i alaletic ini; como ya calbeyex, te ch'ul a'batetic yu'unic ta ch'ulchan spisil ora yac yilbelic sit te Jtat ay ta ch'ulchan;

San Mateo 18:11

como te Nich'anil ay ta scuenta winic ha talem scoltaybel te mach'a ch'ayeme.

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

San Mateo 5:39

Pero ho'on ya calbeyex: Ma me xapac ac'abalic ta stojol te mach'a chopole. Teme ay mach'a ya smajbat awa'el-cho, ac'a smajbat te yane.

San Lucas 19:10

como te Nich'anil ay ta scuenta winic tal sle soc tal scoltay te mach'atic ch'ayemique, xchi.

San Lucas 22:51

Pero hich la sjac' te Jesús: Teyuc a, ma xawa'beyix, la yut. La spicbe schiquin, hich lecub.

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Lucas 9:55

La sut sba te Jesús, la yuticlan: Yu'un nix ma xana'ic bin ut'il ayex a,

San Lucas 9:57

C'alal yacalic ta behel a, ay jtuhl winic te hich la yalbe te Jesús: Cajwal, ya jt'unat ta bayuc ya xbahat, xchi.

San Juan 10:10

Te j'elec' ha nax ya xtal ta elec', ta milaw soc ta jinaw. Ho'on talemon scuenta yu'un ya yich' scuxlejalic, scuenta yu'un bayel ya yich' scuxlejalic a.

San Juan 12:47

Te mach'a ya ya'iybon jc'op pero teme ma ba ya sch'uhun spasel, ma ho'ucon ya quich'be sc'op, como ma ha'uc talemon yu'un ya quich' ta c'op te ants-winiquetic, ha talemon yu'un ya jcoltay te mach'atic ayic ta bahlumilal.

San Juan 3:17

Te Dios ma ha'uc la sticon tal ta bahlumilal te Snich'an yu'un ya ya'be stoj smulic te mach'atic ayic ta bahlumilal, ha la sticon tal yu'un ya xcolic ta scuenta.

Romanos 12:21

Ma me xawac' stsalat te bin chopol, ha'at me xatsal ta bin lec te bin ma lecuque.

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.