San Lucas 9:31 - Bible in Tzeltal Bachajón

³¹ Xlipet sts'anabulic ta sjoyobal, soc yac yalbelic sc'oblal te ya xloc' bahel te Jesús, ha te ya sc'ohtes ta pasel ta Jerusalén.

Nuevo Testamento Tzeltal de Amatenango

³¹ Joybil ta stsaꞌamul xojob. Yipalik ta yaꞌbiyanel te tutꞌil ya xkꞌax swokol ta lajel te ba Jerusalen te Jesuse.

Bible in Tzeltal de Oxchuc y Tenejapa

³¹ Joytaybilic ta xojobil yutsilal Dios. Yacalic ta yaanel ta yoxebalic te bit'il ya xc'ax swocol ta lajel ta bay Jerusalén te Jesuse.

San Lucas 9:31 ပူးပေါင်းရင်းမြစ်များ

San Lucas 9:22

hich la yal: Ya me xc'ax bayel swocol te Nich'anil ay ta scuenta winic, ya xp'ajot yu'un te mamaletic, principal sacerdotehetic soc te escribanohetic, ya xlaj ta milel soc ya xcha'cuxaj ta yoxebal c'ahc'al, xchi.

San Lucas 9:30

Chicnaj cheb winiquetic te yacalic ta c'op soc, ha te Moisés soc Elías.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

Filipenses 3:21

Ha ya sc'atp'umbotic te jbaq'uetaltic te mayuc yutsil, ha pajal ya xc'oht soc te sbaq'uetal te bayel yutsil stuquel, hich ya spas ta scuenta te yu'el te ya xhu' yu'un ya scuentahin spisil te bintic ay.

Colosenses 3:4

Te c'alal ya xchicnaj tal te Cristo, te ha acuxlejalic, hich ya xchicnajex soc a ta utsilal.

Hebreos 11:22

Ta scuenta sch'uhunel yo'tan te José, te c'alal nopol ya xchamix a, la yal te ya me xloq'uic bahel ta Egipto te israeletic, soc la yal hilel mandar te sc'oblal te sbaquele.

1 Pedro 5:10

Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic.

2 Pedro 1:15

Soc ya cac' fuersa te ayuc bin ut'il ya xhu' yac ana'ulanic spisil ora ha'i c'op ini te c'alal wayemix jbaq'uetal a.

Apocalipsis 7:14

La jcalbe: Tatil, ha'at yac ana', la jcut. Hich la yalbon: Ha'ic ini te c'axem yu'unic te tulan uts'inel; sac'ojiquix sc'u' spaq'uic, ha la sacubtesic te ta sch'ich'el te Jcolel Tuminchij.