San Lucas 9:20 - Bible in Tzeltal Bachajón

²⁰ Hich joc'obotic xan yu'un te Jesús: ¿Haxan te ha'exe, mach'a yac acuyonic a? xchi. La sjac' te Pedro: Ha'at te Cristohat yu'un Dios, xchi.

Nuevo Testamento Tzeltal de Amatenango

²⁰ Te Jesus la sjojkꞌobe: —Jal tsꞌin te jaꞌexte, ¿Machꞌa ya akuyikon a? —xchi. La sjakꞌ te jPedroe: —Jaꞌat Cristoat yuꞌun te Diose —xchi.

Bible in Tzeltal de Oxchuc y Tenejapa

²⁰ Jojc'obotic yu'un uuc te Jesuse: —¿Ja' xan te ja'exe, mach'aon ta ac'opic uuc? —xi'. La yal te Pedroe: —Ja'at Cristoat yu'un te Diose —xi'.

San Lucas 9:20 ပူးပေါင်းရင်းမြစ်များ

San Mateo 22:42

¿Bin xchihex yu'un te Cristo, mach'a snich'an? xchi. Ha Snich'an David, xchihic.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Mateo 5:47

Teme ha nax yac apatbe aba awo'tan soc te awermanotac, ¿bin xan yan yac apasic yu'un a te yantique? ¿Ma bal hichuc nix ya spasic te jyanlumetique?

San Marcos 14:61

Pero te Jesús ma ba la sjac', mayuc bin la yal yu'un. Cha'c'oponot xan yu'un te muc'ul sacerdote: ¿Ha'at bal Cristohat, te Snich'anat Mach'a lec sc'oblal? la yut.

San Marcos 8:29

Haxan te ha'exe, ¿mach'ahon yac awalic a? xchi te Jesús. La sjac' te Pedro: Ha'at te Cristohat, xchi.

San Lucas 22:67

La sjoc'obeyic: ¿Ha'at bal Cristohat? Hala ca'iycotic, la yutic. La sjac' te Jesús: Teme ya calbeyex, ma ba yac ach'uhunic;

San Lucas 9:19

La sjaq'uic: Ay ya yalic te ha'at te Juan J'ac'-ich'-ha'; ay yantic ya yalic te ha'at te Elías; soc ay yantic ya yalic te ha'at jtuhl jalwanej ta namey te cha'cuxajemix tal, xchihic.

San Juan 1:41

Ha nahil c'oht sta te Simón te sbanquil, hich la yalbe: La jtahcotiquix te Mesías, xchi. (Ha Cristo, xchi te c'asesbile.)

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Juan 11:27

Hich, Cajwal; jch'uhunej te ha'at Cristohat, te Snich'anat Dios, te talemat ta bahlumilal, xchi.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

San Juan 4:29

La'ic, ilawilic jtuhl winic te la yalbon spisil te bin jpasoje. ¿Ma bal ha'uc te Cristo? xchi.

San Juan 4:42

Hich la yalbeyic te antse: Ma ha'uc xanix la jch'uhuncotic yu'un te bin la awal, como ho'otcotic nix la jca'iycotic soc la jna'cotiquix te melel ha te Cristo, te Jcoltaywanej yu'un spisil mach'atic ayic ta bahlumilal, xchihic.

San Juan 7:41

Ay yantic la yalic: Ha nix a te Cristo, xchihic. Pero ay yantic la yalic: ¿Ta Galilea bal ya xtal te Cristo?

Hechos 17:3

la yalbe ya'iyic soc la ya'be sna'ic ta scuenta te Shun Dios te la sc'an te c'ax swocol te Cristo soc te ya xcha'cuxaj tal ta lajel. Soc hich la yal xan: Te Jesús te la jcalbeyex awa'iyic sc'oblal, ha nix te Cristo, xchi.

Hechos 8:36

Yacalic ta behel bahel ta be a, la stahic ha', la yal te eunuco-winic: Ay ha' li'i, ¿bin ya smacon teme ya quich' ha'e? xchi.

Hechos 9:22

Pero te Saulo la yich' xan yip soc la stsalticlan ta c'op te judíohetic nahinemic ta Damasco, yu'un la yac' ta ilel te ha nix Cristo te Jesuse.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.