San Lucas 9:16 - Bible in Tzeltal Bachajón

¹⁶ Te Jesús la stsac te ho'pehch pan soc te cha'coht chay, la shach mohel sit ta ch'ulchan, la yalbe wocol Dios yu'un, la xet'ticlan soc la yac'ticlambe te jnopojeletic yu'un, scuenta yu'un ya spucticlambe te ants-winiquetique.

Nuevo Testamento Tzeltal de Amatenango

¹⁶ La xeꞌtalan, sok la yaꞌbe te jnopojeletike, y ba spukbeyik te genteetike.

Bible in Tzeltal de Oxchuc y Tenejapa

¹⁶ soc la xet' te waje. La yac'bey ta sc'ab te jnopojeletique, ja'ic la spucbeyic te ants-winiquetic.

San Lucas 9:16 ပူးပေါင်းရင်းမြစ်များ

San Mateo 14:19

Hich la spas ta mandar te ants-winiquetic te yacuc shuhcan sbahic ta aquiltic; la stsac te ho'pehch pan soc te cha'coht chay, la yil mohel ta ch'ulchan soc la sc'opon Dios yu'un, la xet'ticlan, la yac'ticlambe te jnopojeletic yu'un, hich te jnopojeletic la spucticlambe te mach'atic tey ayic a.

San Mateo 15:36

La stsac te hucpehch pan soc te chayetic, la yalbe wocol Dios yu'un, la xet'ticlan soc la yac'ticlambe te jnopojeletic yu'un; te jnopojeletic la spucticlambeyic te ants-winiquetique.

San Marcos 7:34

Patil la shach mohel sit ta ch'ulchan, la sjac' yo'tan, hich la yalbe: ¡Efata! xchi. (Jahman, xchi c'ohem).

San Lucas 22:19

Ha nix hich la stsac te pan, la yalbe wocol Dios yu'un, la xet' soc la spucticlambe, hich la yal: Ha jbaq'uetal ini te ac'bil ta acuentahic; pasahic ta scuenta jna'ojibal, xchi.

San Lucas 24:30

Te Jesús, c'alal ay ta mesa soc, la stsac te pan, la yalbe wocol Dios yu'un, la xet' soc la spucbe.

San Lucas 9:15

Hich la spasic, la ya'beyic shuhcan sba spisilic.

San Lucas 9:17

Hich we'ic spisilic, noj sch'uhtic yu'un; soc la stsobic te xeht'elul, noj lahchayeb (12) moch a.

San Juan 6:11

Te Jesús la stsac te pan, la sc'opon Dios yu'un soc la spucticlambe te mach'atic huhcajtique. Ha nix hich la spas soc te chay, la yac'ticlambe ha chican ban c'alal la sc'anic.

San Juan 6:23

Pero ay yan barcohetic talemic ta Tiberias te tey hulemic a ta nopol banti la swe'ic te pan te la yalbe wocol Dios yu'un te Cajwaltique.

Hechos 27:35

Laj yalbel a, la stsac te pan, la yalbe wocol Dios yu'un ta stojolic, la xet' soc och ta we'el.

Romanos 14:6

Te mach'a ya yich' ta cuenta te jun c'ahc'al, ha ya spas ta scuenta te Cajwaltic, soc te mach'a mayuc ta cuenta yu'un te c'ahc'al, ha ya spas ta scuenta te Cajwaltique. Te mach'a ya swe', ta scuenta Cajwaltic ya swe', como ya yalbe wocol Dios yu'un; soc te mach'a ma swe', ta scuenta Cajwaltic ma ba ya swe', soc ha nix hich ya yalbe wocol Dios yu'un.

1 Corintios 10:30

Teme ya calbe wocol Dios yu'un te bin ya jwe', ¿bin yu'un te ya quich' bohlc'optayel yu'un te bin la jcalbe wocol Dios yu'une?

1 Corintios 11:24

c'alal la yalbe wocol Dios yu'un, la xet', hich la yal: Tsacahic, we'anic; ha jbaq'uetal ini te ac'bil ta acuentahic; pasahic ini scuenta jna'ojibal, xchi.

1 Samuel 9:13

Te c'alal ya x'ochex bahel ta pueblo, lehahic, te ma to xmo bahel ta we'el ta toyol awilal a; como ha to ya xwe'ic te ants-winiquetic teme c'ohte, como ha ya ya'be bendición te milbil mahtanil, patil ya xwe'ic te mach'atic ic'bilique. Mohanic bahel hiche, yu'un ya to xc'oht atahic ta ora, xchihic.