San Lucas 8:8 - Bible in Tzeltal Bachajón

⁸ Ay yan c'oht ta lequil lum, ch'ihy tal, sitin ta lec, la yac' ho'winic (100) ta p'ij sbac', xchi. C'alal laj yalbel a, tulan la yal: Te mach'a ay schiquin, ac'a me ya'iy, xchi.

Nuevo Testamento Tzeltal de Amatenango

⁸ Pero aya kꞌot ta lekil lum te tsꞌunubile. Chij tal, ben lek a yakꞌ yijkꞌats. Ay a yakꞌ sien ta jpꞌej te juju-pꞌej tsꞌunubile —xchi te Jesuse. Jich yipal ta yalel te Jesuse, y ben tulan a lijk yal xan: —Te machꞌa ay xchikin ta yaꞌiyel sluware, aꞌ me yaꞌibe lek sluwaril —xchi.

Bible in Tzeltal de Oxchuc y Tenejapa

⁸ Ja'uc me to, ay c'ot ta bay lequil lum te awalile. Te c'alal ch'ie, sitin ta lec. Ay la yac' jo'winic (100) ta jp'ij sit te juju-jpejt' awalile —xi' te Jesuse. Te bit'il jich yac ta yalel te Jesuse, la stoyes xan sc'op: —Te mach'a ay xchiquine, ac'a me yaiy stojol ta lec —xi'.

San Lucas 8:8 ပူးပေါင်းရင်းမြစ်များ

Génesis 26:12

Te Isaac la sts'un sts'unub-yawal tey a; ha nix ta ha'bil la sc'ajbe ho'winic (100) buelta te site; a'bot bendición yu'un Jehová.

Proverbios 20:12

Te chiquinil te ya ya'iy c'op soc te sitil te ya yil q'uinal, ta schebal pajal pasbil yu'un Jehová.

Proverbios 8:1

¿Ma bal ya x'awon te p'ijil-o'tanil? ¿Ma bal yacuc xc'opoj te bin ay ta na'el?

Jeremías 13:15

A'iya awa'iy ta lec, ma me xatoy abahic, como c'opojix te Jehová.

Jeremías 25:4

Aunque te Jehová bayel buelta la sticon tal ta atojolic te a'batetic yu'un, ha te jalwanejetic, ma ba la awa'iyic, ma ba la awich'ic ta cuenta.

San Mateo 11:15

Te mach'a ay schiquin, ac'a ya'iy.

San Mateo 13:23

Yan te ts'unubil te c'oht ta lequil lum, ha sc'oblal te mach'a ya ya'iy soc ya xc'oht ta yo'tan te c'ope; ya yac' sit ta ho'winic (100), ta oxwinic (60) o ta lajuneb scha'winic (30), xchi te Jesús.

San Marcos 4:20

Yan te ts'unubil te c'oht ta lequil lum, ha te mach'atic ya ya'iyic te c'op soc ya xc'oht ta yo'tanic, ya sitin ta lajuneb scha'winic (30), ta oxwinic (60), ta ho'winic (100) ta p'ij, xchi te Jesuse.

San Marcos 4:23

Te mach'a ay schiquin, ac'a me ya'iy, xchi.

San Marcos 4:8

Pero ay c'oht ta lequil lum, la yac' sit, ay la yac' lajuneb scha'winic (30), ay la yac' oxwinic (60), ay la yac' ho'winic (100) buelta sit, xchi te Jesús.

San Marcos 7:16

Te mach'a ay schiquin, ac'a me ya'iy, xchi te Jesuse.

San Lucas 14:35

Ma ba ya xtuhun yu'un te lum o te sch'ayojibal c'a'pal; ha ya yich' ch'ojel loq'uel ta fuera. Te mach'a ay schiquin, ac'a me ya'iy, xchi.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

San Lucas 8:7

Ay c'oht ta yohl ch'ixileltic, pero tenot yu'un te ch'ix te pajal ch'ihy soc.

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

Apocalipsis 13:9

Te mach'a ay schiquin, ac'a me ya'iy:

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 3:13

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.

Apocalipsis 3:6

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique, xchi.