San Lucas 8:50 - Bible in Tzeltal Bachajón

⁵⁰ C'alal hich la ya'iy te Jesús, la yalbe te winic: Ma me xiwat; ha nax ch'uhuna, hich me ya xcol, xchi.

Nuevo Testamento Tzeltal de Amatenango

⁵⁰ Te Jesuse la yaꞌibe sluwar y jich a yalbe: —Ma me xiꞌan. A me xchꞌuun awoꞌtan. Jich ya xkol te awantsil-nichꞌane —xyut.

Bible in Tzeltal de Oxchuc y Tenejapa

⁵⁰ Te Jesús la yaiy stojol soc jich la yalbey: —Ma me xiwat. Ja' nax me xach'uunon, jich me ya xcol te anich'ane —la yut.

San Lucas 8:50 ပူးပေါင်းရင်းမြစ်များ

Isaías 50:10

¿Mach'a ay ta awohlilic te ya xi' te Jehová soc te ya sch'uhumbe sc'op te ya'bate? Te mach'a yac ta behel ta yihc'al q'uinal, te mayuc sacal q'uinal ta stojol, ac'a smuc'ulin yo'tan te sbihil te Jehová soc ac'a yich' yip ta stojol te Dios yu'une.

San Marcos 5:36

C'alal la ya'iy te Jesús te bin hul ta halbeyel, la yalbe te principal yu'un te sinagoga: Ma me xiwat; ha nax ac'a sch'uhunel awo'tan, xchi sc'oblal.

San Marcos 9:23

Jesús la yalbe: ¿Bin yac awal teme ya xhu' cu'une? Te mach'a ay sch'uhunel yo'tan spisil ya xhu' yu'un, xchi.

San Lucas 8:48

Hich halbot yu'un te Jesús: Cantsil-nich'an, lecubatix ta scuenta sch'uhunel awo'tan. Jun awo'tan bahan, xchi.

San Lucas 8:51

C'alal c'oht ta sna Jairo te Jesús, mayuc mach'a yan la yic' ochel, ha nax te Pedro, Jacobo, Juan soc te sme'stat te tut ach'ixe.

San Juan 11:25

Halbot yu'un te Jesús: Ho'on te cha'cuxajelon soc ho'on te cuxlejalone; te mach'a ya sch'uhunon, aunque chamen, ya me xcuxaj.

San Juan 11:40

¿Ma bal lajuc calbatix teme yac ach'uhun ya me awilbe yutsilal te Diose? xchi te Jesús.

Romanos 4:17

hich te bin ut'il ts'ihbabil: La jcac' te tatil ya xc'ohat yu'un tsobol nacionetic, xchi. Ha yu'un ha tatil cu'untic ta stojol Dios, te ha sch'uhunej, ha te Dios te ya ya'be scuxlejal te mach'atic chamenic soc te ya yic'ticlan tal te bintic mayuc te sjel ta aye.

Romanos 4:20

Ma xchebetuc yo'tan yu'un te bin halbot sc'oblal yu'un Dios, la to yich' xan sch'uhunel yo'tan soc la yalbe yutsil sc'oblal te Diose,