San Lucas 8:5 - Bible in Tzeltal Bachajón

⁵ Ay jts'umbajel loc' ta slihlinel sts'unub. Te c'alal yac ta slihlinel, ay c'oht ta ti'be, laj ta ts'o'el ta teq'uel soc laj ta biq'uel yu'un te ha'mal mutetique.

Nuevo Testamento Tzeltal de Amatenango

⁵ —Ay jtul winik lokꞌ bael ta yawel te stsꞌunube. Te kꞌalal lijk ta yawele, ay pꞌekajtik kꞌoel ta be te stsꞌunube. Kꞌax tekꞌulanek y kꞌa weꞌek ta teꞌtikil mut.

Bible in Tzeltal de Oxchuc y Tenejapa

⁵ —Ay jtul j'awal loc' ta swajel te yawale. C'alal yac ta swajel te yawale, ay tujq'uej jilel ta be. Laj ta pech'anel ta teq'uel, soc laj ta biq'uel yu'un te ja'mal mutetique.

San Lucas 8:5 ပူးပေါင်းရင်းမြစ်များ

Génesis 15:11

Te mutetic te ya sti'ic ti'bal co tal ta sba te milbil chambahlametic, pero te Abram la stijticlan bahel.

Salmos 119:118

Ha'at yac ach'ay hilel spisil mach'atic ya xhowiyic ta stojol te mandariletic awu'un, como mayuc scuentahil te lo'loyel yu'unique.

San Mateo 13:37

Hich la sjac' te Jesús: Te mach'a ya sts'un te lequil ts'unubil, ha te Nich'anil ay ta scuenta winic.

San Mateo 5:13

Ha'ex yats'amulex te bahlumilal; pero teme laj schi'il te ats'am, ¿bin ut'il c'an chi'ubuc xan? Mayuc bin ya xtuhunix a, ha xanix ya yich' ch'ojel loq'uel soc ya yich' ts'o'el ta teq'uel yu'un ants-winiquetic.

San Marcos 4:15

Te ts'unubil te c'oht ta ti'be ha te mach'atic la yich'ic ts'unel ta yo'tanic te c'ope, pero c'alal ya ya'iyic, ora ya xtal te Satanás, ya sloq'uesbe ta yo'tanic te c'op ts'umbil tey a.

San Lucas 8:4

C'alal yac stsobel sbahic bayel ants-winiquetic soc yaquic ta talel ta jujuntic pueblohetic, te Jesús hich la yalbe ta sloc'ombahil c'op:

San Lucas 8:6

Ay c'oht ta ba tontiquil, c'alal ch'ihy tal taquij ta ora como mayuc ya'lel.

Hebreos 2:1

Ha yu'un ya me sc'an te spisil co'tantic ya quich'tic ta cuenta te bintic ca'iyejtic, te manchuc ya xhowiyotic bahel.