San Lucas 8:48 - Bible in Tzeltal Bachajón

⁴⁸ Hich halbot yu'un te Jesús: Cantsil-nich'an, lecubatix ta scuenta sch'uhunel awo'tan. Jun awo'tan bahan, xchi.

Nuevo Testamento Tzeltal de Amatenango

⁴⁸ Te Jesuse la yalbe te antse: —Kantsil, te tutꞌil jich la achꞌuun ta awoꞌtane, jich kolatix. Junuk awoꞌtan xbaat —xchi.

Bible in Tzeltal de Oxchuc y Tenejapa

⁴⁸ Te Jesús la yalbey te antse: —Me'tic, ta swenta xch'uunjel awo'tan, jich colatix. Jun awo'tan baan —xi'.

San Lucas 8:48 ပူးပေါင်းရင်းမြစ်များ

2 Reyes 5:19

Lamaluc me q'uinal ya xbahat, xchi te Eliseo. C'alal behen bahel j'ohlil lewa te Namaan,

Éxodo 4:18

Hich suht bahel te Moisés ta sna te snihal-mamal Jetro, hich la yalbe: Ac'awon suhtel bahel ta banti ay te quermanotac ta Egipto, yu'un ya jc'an ya quil teme cuxulic to, xchi. Lamaluc me q'uinal yac awa'iy c'alal ya xbahat, xchi te Jetro.

San Mateo 12:20

Ma ba ya slajin swaq'uel te jalal te waq'uelix, ma ba ya stup'be sc'ahc'al te xutunte' yac ta tihlel, ha to teme la yac' c'ohtuc ta pasel te bin stojil ta pasele.

San Mateo 8:13

Ha yu'un te Jesús la yalbe te capitán-soldado: Bahan hiche, hich ya xc'oht ta pasel te bin ut'il ach'uhunej, xchi. Tey nix ta yorahil a lecub te ya'bate.

San Mateo 9:2

Ay tal sq'uechbelic jtuhl winic te chamen schihal yoc sc'ab, metsel ta schahchamte'el. C'alal la yil te Jesús te ay sch'uhunel yo'tanic, hich la yalbe te mach'a chamen schihal yoc sc'ab: Ayuc me smuc'ul awo'tan, jnich'an. Ch'aybilix amul, xchi.

San Mateo 9:22

Pero la sut sba te Jesús, la yil te ants, hich la yal: Ayuc me smuc'ul awo'tan, cantsil-nich'an, lecubatix ta scuenta sch'uhunel awo'tan, xchi. Lecub ta ora te antse.

San Marcos 5:34

Te Jesús la yalbe: Cantsil-nich'an, colatix ta scuenta sch'uhunel awo'tan. Bahan, lamaluc me q'uinal yac awa'iy, colematix ta awocol, xchi sc'oblal.

San Lucas 17:19

Hich la yalbe te winique: Hahchan, bahanix; ta scuenta sch'uhunel awo'tan colematix, xchi.

San Lucas 18:42

La yal te Jesús: Jahmuc asit; ta scuenta sch'uhunel awo'tan colematix, xchi sc'oblal.

San Lucas 7:50

Pero te Jesús la yalbe te antse: Ta scuenta sch'uhunel awo'tan colematix. Jun awo'tan xbahat, xchi.

San Lucas 8:47

C'alal la yil te ants te ma xhu' ta muquel, yac ta nihquel a tal squejan sba ta ye'tal yoc Jesús, la yalbe ta stojol spisilic te bin scuentahiluc la spicbe sc'u' soc bin ut'il lecub ta ora.

Hechos 14:9

La ya'iy te bin yac yalbel te Pablo. Te Pablo la yilbe sit, la yil te ay sch'uhunel yo'tan te ya xlecub,

2 Corintios 6:18

Ho'on Atatonic ya xc'ohon, ha'ex ach'ix queremetic cu'un ya xc'ohex, xchi te Cajwaltic te spisil ya xhu' yu'une.

Hebreos 4:2

Como hich nix halot ca'iytic te lec yach'il c'op, hich te bin ut'il halbot ya'iyique; pero tojol c'oht te la ya'iyic, como ma ba la snuhp'in soc sch'uhunel yo'tanic te bin halbot ya'iyique.

1 Samuel 1:17

La sjac' te Elí: Jun awo'tan xbahat, soc te Dios yu'un Israel ac'a ya'bat te bin la ac'ambe ta stojol, xchi.