San Lucas 8:25 - Bible in Tzeltal Bachajón

²⁵ ¿Banti ay te sch'uhunel awo'tanic? xchi te Jesuse. Xiwic soc xcham yo'tanic yu'un, talel c'axel hahch yalbe sbahic: ¿Mach'a a ini te ya spas ta mandar te ic' soc te ha', soc te ya xch'uhumbot smandar yu'une? xchihic.

Nuevo Testamento Tzeltal de Amatenango

²⁵ Patil la yaltalanbe te jnopojeletike: —¿Tut la apasik sok te xchꞌuunel awoꞌtanike? —xyutalan. Toj cham a yaꞌiyik yuꞌun, sok lijk yajtal yoꞌtanik yuꞌun. Jicha lijk sjojkꞌobe sbaik: —¿Machꞌa wan a to te juꞌ yuꞌun spasel ta mantal te ikꞌe sok te jaꞌe y ya xchꞌuumbot smantal yuꞌun? —xchiik.

Bible in Tzeltal de Oxchuc y Tenejapa

²⁵ Te Jesús la yalbey te jnopojeletique: —¿Bi la apasic te ma'yuc xch'uunjel awo'tanique? —la yut. Toj bael xch'ulelic yu'un soc xiw yo'tanic yu'un. Caj sjojc'obey sbaic: —¿Mach'a junuc a in to te ya xju' yu'un spasel ta mandal te iq'ue soc te mare soc te ya xch'uunbot smandal yu'une? —xiic.

San Lucas 8:25 ပူးပေါင်းရင်းမြစ်များ

Proverbios 30:4

¿Mach'a mohem bahel soc cohem tal ta ch'ulchan? ¿Mach'a la snop' ta sc'ab te iq'ue? ¿Mach'a la spots ta snahtil-c'u' te ha'etic? ¿Mach'a la schahpan spisil sti'il te bahlumilale? ¿Bin sbihil, soc bin sbihil te snich'ane? Halbon ca'iy teme yac ana'e.

Proverbios 8:29

te c'alal la ya'be sti'il te mar scuenta yu'un te ha'etic ma ba ya sc'axuntaybe smandar, soc te c'alal la ya'be yich'o-ip te lumq'uinal,

San Mateo 14:31

Ora la shach sc'ab te Jesús, la stsac te Pedro, hich la yalbe: ¡Winic te mayuc lec sch'uhunel awo'tan! ¿Bin yu'un te xchebet awo'tan? xchi sc'oblal.

San Mateo 17:20

Halbotic yu'un te Jesús: Ta scaj te mayuc lec sch'uhunel awo'tanic. Jamal ya calbeyex te hichuc smuc'ul sch'uhunel awo'tanic te bin ut'il jp'ij sbac' mostaza, ya xhu' yac awalbeyic ha'i wits ini: Jeltaya awawil, lum xbahate, teme yac awute, ya sjeltay yawil. Mayuc bin ma xhu' awu'unic spasel te hichuque, xchi.

San Mateo 6:30

Teme hich a'bot sc'u'in yu'un Dios te ha'mal te junax c'ahc'al cuxul soc ta yan c'ahc'al ya yich'ix chiq'uel a, ¿ma bal c'axuc to xan hich ya spasbeyex a, ha'ex te mayuc lec sch'uhunel awo'tanique?

San Mateo 8:10

C'alal hich la ya'iy te Jesús, bayel yutsil la ya'iy, hich la yalbe te mach'atic t'umbilic yu'un: Jamal ya calbeyex, mayuc jtahoj ta Israel mach'a hich ay sch'uhunel yo'tan te bin ut'il ini.

San Mateo 8:26

Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

San Marcos 4:35

Ha nix ta stibiltayel q'uinal a, halbotic yu'un Jesús te jnopojeletic: Sohlucotic bahel ta jehch mar, xchi.

San Lucas 12:28

Teme Dios hich ya ya'be yutsilal te ha'mal nichimetic te yo'tic ay ta q'uinal soc ta yan c'ahc'al ya yich'ix otsesel ta c'ahc' ta horno, ¿ma bal c'axemuc to xan hich ay bin ya ya'beyex alapic, ha'ex te mayuc lec sch'uhunel awo'tanique?

San Lucas 8:24

Te jnopojeletic baht stijic hahchel te Jesús: ¡Maestro, Maestro, ya xlajotiquix! xchihic. Cux yo'tan te Jesús, la scom te ic' soc te mar te yac ta ixtalanel ta ic'. Hich quehchaj, lamal bahel q'uinal.

San Lucas 8:26

C'ohtic ta loq'uel ta barco ta sq'uinal gadarenohetic, te snuhp'usitayej sba soc te sq'uinal Galilea.

San Juan 11:40

¿Ma bal lajuc calbatix teme yac ach'uhun ya me awilbe yutsilal te Diose? xchi te Jesús.