San Lucas 8:10 - Bible in Tzeltal Bachajón

¹⁰ La yal te Jesús: Te ha'exe, a'bibilex ana'ic te bintic muquen ay sc'oblal te cuentahinel yu'un Dios. Pero te yantique, ya xhalbotic ta scuenta sloc'ombahil c'op scuenta yu'un aunque ya yilic, ma ba ya stahic ta ilel; aunque ya ya'iyic, ma ba ya sna'beyic scuentahil.

Nuevo Testamento Tzeltal de Amatenango

¹⁰ Altalanbot yuꞌun te Jesuse: —Te jaꞌexe Dios ya yaꞌbeyex anaꞌbeyik sluwaril te tutꞌil ay ta ajwalinel te ma xnaꞌbot sluwaril ta primeroe. Yan te yanetike, ya jkꞌopon ta seña-kꞌop, yuꞌun jayebuk ya yilik ta sitik ma snaꞌbeyik sluwaril, sok jayebuk buelta te ya xꞌaltalanbote, ma xkꞌot ta yoꞌtanik.

Bible in Tzeltal de Oxchuc y Tenejapa

¹⁰ Te Jesús la yalbey yaiyic: —Te ja'exe Dios ya yac'beyex ana'ic stojol te bila wocol ta na'el te bit'il ay ta ajwalinel te Diose. Yan te yantique ya jc'opon ta seña-c'op, swenta yu'un manchuc teme ya yilic ta sitique, ma sna'beyic swentail, soc jayebuc buelta te ya x'albot yaiyique, ma xc'ot ta yo'tanic.

San Lucas 8:10 ပူးပေါင်းရင်းမြစ်များ

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Isaías 29:14

Ha yu'un yan xan buelta ya cac' ch'ayuc yo'tanic te pueblo ini ta scuenta jchahp a'teliletic; ya xch'ay te p'ijil-o'tanil yu'un te mach'atic p'ij yo'tanic, ya xtup' bahel te bin sna'oj te mach'atic ay bin ya sna'ic, xchi.

Isaías 44:18

Ma sna'ic q'uinal, ma xc'oht ta yo'tanic; como macal sitic scuenta yu'un ma xyilic q'uinal, soc macal te yo'tanic scuenta yu'un ma sna'beyic scuentahil.

Isaías 6:9

Hich la yal: Bahan, hich me yac awalbe te pueblo ini: Yac awa'iyic ta lec, pero ma xc'oht ta awo'tanic; yac awilic ta lec, pero ma xana'beyic scuentahil, xchihan me.

Jeremías 5:21

A'iya awa'iyic ini, ha'ex pueblohex te sonsohex soc mayuc awo'tanic, te ay asitic, pero ma xawilic q'uinal, te ay achiquinic, pero ma xawa'iyic q'uinal.

Ezequiel 12:2

Snich'anat winic, nahinemat ta yohlil toyba pueblo. Ay sitic pero ma xyilic q'uinal; ay schiquinic, pero ma xya'iyic q'uinal, como ha toyba pueblo.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Mateo 16:17

Hich halbot yu'un te Jesús: Bayel awutsil, Simón snich'anat Jonás, como ma ha'uc la ya'bat ana' te mach'a ch'ich'-baq'uet, ha la ya'bat ana' te Jtat te ay ta ch'ulchan.

San Marcos 4:11

Hich halbotic yu'un te Jesús: Te ha'ex a'bibilex ana'ic te bin muquen ay yu'un te cuentahinel yu'un Dios; yan te mach'atic ayic ta fuera ha nax ta sloc'ombahil c'op ya xhalbot ya'iyic stuquelic,

San Marcos 4:12

scuenta yu'un ya yilic, pero ma xc'oht ta yo'tanic, soc ya ya'iyic, pero ma sna'beyic scuentahil; scuenta yu'un ma ba ya suhtes yo'tanic te hich ya xpasbot perdón yu'un smulic, xchi.

San Juan 12:40

La smacbe sitic soc la stonobtesbe yo'tanic, scuenta yu'un ma xyilic q'uinal ta sitic, soc ma xc'oht ta yo'tanic, soc ma ba ya suhtes yo'tanic, te hich ya jlecubtes te hichuque, xchi.

Romanos 16:25

Te mach'a ya xhu' ya ya'beyex yip awo'tanic ta scuenta te lec yach'il c'op cu'un soc ta scuenta halbeyel sc'oblal te Jesucristo, ta scuenta te ac'bil ta na'el te bin muquen ay c'alal ta sbahtel q'uinal,

1 Corintios 12:11

Pero ta spisil ini ha nix ya spas te Espíritu, ha ya spucticlambe ta tuhlutuhl ha chican bin ya sc'an yo'tan stuquel.

Deuteronomio 29:4

Pero c'alal ora yo'tic te Jehová ma ba ya'beyejex sp'ijil awo'tanic ta sna'el, o asitic ta yilel, o achiquinic ta ya'iyel.

Colosenses 2:2

Tulan ya x'a'tejon scuenta yu'un ya xmuc'ubtesbot q'uinal ya'iyic soc junax ayic ta scuenta sc'uxul yo'tanic, scuenta yu'un ya stahic spisil te sc'uhlejal bintic ay ta na'el, te hich ya xhu' ya sna'ic a te bin muquen ay yu'un Dios, te ha nix sc'oblal te Cristo,

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.