San Lucas 7:46 - Bible in Tzeltal Bachajón

⁴⁶ Ma ba la amalbon aceite ta jol; yan te ants ini la smalbon perfume ta coc stuquel.

Nuevo Testamento Tzeltal de Amatenango

⁴⁶ Ma la amalbon aseite ta jol te jaꞌate. Yan te ants to la smalbonix perfume ta kok stukel.

Bible in Tzeltal de Oxchuc y Tenejapa

⁴⁶ Ma la amalbon aceite ta jol te ja'ate. Yan te antse, la smalbonix perfume ta cacan stuquel.

San Lucas 7:46 ပူးပေါင်းရင်းမြစ်များ

2 Samuel 12:20

Hich te David hahch ta lum, atin, la ya'be sba perfume, la sjeltay sc'u' spac', och bahel ta sna te Jehová soc la sch'uhuntay. Patil baht ta sna, la sc'an swe'el, hich we'.

2 Samuel 14:2

Ha yu'un la sticon ta iq'uel tal jtuhl p'ijil ants ta Tecoa, hich la yalbe: Ya calbat wocol te yacuc ap'is aba te ayat ta mel-o'tan, lapa c'u'ul scuenta mel-o'tan, ma me xawa'be aba perfume, ya sc'an te hich yac awac' aba te bin ut'il ants te ayix bayel c'ahc'al ay ta mel-o'tan ta scuenta te ay mach'a cham yu'une.

Salmos 104:15

soc te vino te ya yac' stse'ejin yo'tan, te aceite te ya yac' te xch'ulet yelaw yu'un, soc te pan te ya xcuxaj ants-winiquetic yu'un.

Salmos 23:5

Yac achahpambon jwe'el ta mesa ta stojol te jcontratac; yac amalbon aceite ta jol, yac ta malel yu'un snojel te copa cu'une.

Eclesiastés 9:8

Spisiluc me ora sac ac'u' apac' yac alap, soc spisiluc me ora ayuc perfume ta ajol.

Daniel 10:3

Ma ba la jwe' lequil we'elil, ma ba la jwe' ti'bal, ma ba la jcuch' vino, soc ma ba la jca'be jba perfume ha to c'alal ts'acay te oxeb semana.

Amós 6:6

yac awuch'ic vino ta muc'ul vasohetic, soc yac amal abahic ta lequil perfumehetic, pero ma ba yac amel awo'tanic yu'un te jinel yu'un José.

Miqueas 6:15

Yac awa'iy ts'umbajel, pero ma ba yac atsobe sit; yac apits' olivahetic, pero ma ba yac atuhumbe te aceite yu'une; yac apits' ta teq'uel te ts'usub, pero ma ba yac awuch'be te ya'lele.

San Mateo 6:17

Yan te ha'ate, te c'alal yac acom awe'el, poca asit soc tesa ajol,

San Lucas 7:47

Ha yu'un ya calbat te pasbotix perdón yu'un bayel smul, como bayel sc'uxul yo'tan. Yan te mach'a mayuc bayel smul ya yich' pasbeyel perdón yu'un, mayuc bayel sc'uxul yo'tan, xchi.

Rut 3:3

Ha yu'un atinan, soc atina perfume, lapa te lec ac'u' apac', bahan ta swuyojibal spat cebada; pero ma me xawac' yilat te winic ha to c'alal lajix yo'tan ta we'el uch'el a.