San Lucas 7:25 - Bible in Tzeltal Bachajón

²⁵ ¿Binti a te loc' tal awilique? ¿Ha bal jtuhl winic te slapoj buen lequil pac'? Ilawil, te mach'atic slapojic t'ujbil pac' soc te ay yutsil scuxlejalic, ayic ta nahetic yu'un ajwaliletic.

Nuevo Testamento Tzeltal de Amatenango

²⁵ Teme ma jaꞌuke, ¿tut a te xkꞌo awilik teꞌae? ¿O jaꞌ xkꞌo awilik te jtul winik te ben tsaꞌam te skꞌuꞌ-spakꞌ slapoje? Anaꞌojik te machꞌatik ben tsaꞌam skꞌuꞌ-spakꞌ ya slape sok te ben lek uts ya xweꞌe, ay ta sna reyetik stukel.

Bible in Tzeltal de Oxchuc y Tenejapa

²⁵ Teme ma ja'uque, ¿bila xc'otuc awilic jiche? ¿O ja' xc'otuc awilic jtul winic te jelawen yutsilal te sc'u'-spac' slapoje? Ya calbeyex, te mach'a jelawen yutsil sc'u'-spac' ya slape soc te uts-lec nax te bila ya stuuntese, ay ta sna muc' ajwalil stuquel.

San Lucas 7:25 ပူးပေါင်းရင်းမြစ်များ

2 Samuel 19:35

Ayix chanwinic (80) ca'bilal. ¿Ya bal xhu' cu'un stsahtayel te bin ay yutsil soc te bin mayuc yutsil? ¿Ya bal ya'iybe sbuhts' te awa'bat te bin ya swe' o ya yuch'? ¿Ya bal ca'iybeyix sc'ayojic te winiquetic soc te antsetic? ¿Bin yu'un ya ya'be xan swocol te ajwalil cu'un te a'bat awu'une?

1 Reyes 10:5

soc te we'elil ay ta mesa yu'un, te snahic te a'batetic yu'un, bin yilel ayic te j'a'teliletic yu'un soc te sc'u' spaq'uic, te jc'asesej-copahetic, soc te scohtol chic'bil mahtaniletic te ya yac' ta sna Jehová, mero xcham yo'tan yu'un.

2 Reyes 1:8

Ha jtuhl winic te sc'u'inej nuhcul te ay stsotsel, soc schucoj sch'uht ta nuhcul, xchihic. Ha te Elías te talem ta Tisbe, xchi yu'un te ajwalile.

Ester 1:11

yu'un ya yiq'uic talel ta stojol te ajwalil te ajwalil-ants Vasti soc te corona yu'un, scuenta yu'un ya yac' ta ilel st'ujbilal ta stojol te ants-winiquetic soc te príncipaletic, como mero t'ujbil.

Ester 1:3

Ta yoxebal ha'bil yochel ta ajwalil a la spasbe q'uin spisil te príncipaletic yu'un soc te mach'atic ay ya'telic; soc tey nix ay a te jtsobaw-soldadohetic yu'un Persia soc Media, te gobernadoretic soc príncipaletic yu'un jujusehp q'uinal,

Ester 4:2

C'oht c'alal ta yochibal sna te ajwalil, pero ma x'ac'ot ochel tey a te mach'a slapoj pac' yu'un mel-o'tan.

Ester 5:1

Ta yoxebal c'ahc'al te Ester la slap te sc'u' scuenta ajwalil-ants, tal stehc'an sba ta yutil yamaq'uil te sna ajwalil, ta stojol te jtsahl yu'un ajwalil. Hucul ta shuctajib a te ajwalil ta stsalul sna ajwalil, ta stojol te yochibal.

Ester 8:15

Te Mardoqueo loc' bahel ta stojol te ajwalil, slapoj yax soc sac sc'u' scuenta ajwalil, soc muc'ul corona pasbil ta oro soc chi'in-yaxal smehyil-pac' pasbil ta lino fino. Te pueblo Susa awonic yu'un yutsil q'uinal;

Isaías 59:17

La slap bin stojil ta pasel hich te bin ut'il smahquil stahn, soc la smac sjol a te ta colele; la slap c'u'ul yu'un ya'beyel spacol soc hich la smuc sba ta xut'et yo'tan te bin ut'il smahquil pac'.

San Mateo 11:8

¿Bin tal awilic, ha bal jtuhl winic te slapoj buen fino pac'? Te mach'atic slapojic buen fino pac', ayic ta sna ajwaliletic stuquelic.

San Mateo 3:4

Te Juan sc'u'inej stsotsel camello, soc nuhcul schucoj sch'uht a; ha swe'el te c'ulub soc chab.

San Mateo 6:29

pero ya calbeyex, spisil te yutsilal te Salomón ma ba la sta hich yutsil sc'u' spac' a te bin ut'il junuc te nichime.

San Lucas 16:19

Ay jtuhl jc'uhlej winic te ya slap chi'in yaxal pac' soc fino-pac', soc jujun c'ahc'al ya spas q'uin.

San Lucas 7:24

C'alal suhtiquix bahel a te mach'a ticonotic tal yu'un te Juan, te Jesús hahch yalbe sc'oblal Juan te ants-winiquetique: ¿Bin loc' tal awilic ta jochol taquin q'uinal? ¿Ha bal tal awilic jalal te yac ta yuq'uilanel ta ic'?

San Lucas 7:26

Ha yu'un ¿binti a te loc' tal awilique? ¿Ha bal jtuhl jalwanej? Ha, soc c'ax hich a te bin ut'il jalwanej.