San Lucas 7:24 - Bible in Tzeltal Bachajón

²⁴ C'alal suhtiquix bahel a te mach'a ticonotic tal yu'un te Juan, te Jesús hahch yalbe sc'oblal Juan te ants-winiquetique: ¿Bin loc' tal awilic ta jochol taquin q'uinal? ¿Ha bal tal awilic jalal te yac ta yuq'uilanel ta ic'?

Nuevo Testamento Tzeltal de Amatenango

²⁴ Kalal sujtikix bael a te machꞌatik stikonej tal te Juane, te Jesuse lijk yaltalanbe te machꞌatik stsobo sbaike te tutꞌil ay te Juane. Jich a yal: —¿Tut a te kꞌo awilik tal ta ba jojchol kꞌinale? ¿Me jaꞌ xkꞌo awilik tal te jalal te xmeylajan yuꞌun te ikꞌe?

Bible in Tzeltal de Oxchuc y Tenejapa

²⁴ C'alal sujt'iquix bael a te mach'atic sticunej tel te Juane, te Jesús caj yalbey yaiyic te mach'atic stsoboj sbaic te bit'il c'oem te Juane. Jich la yal: —¿Bila xc'otuc awilic ta bay jochol q'uinal? ¿Ja' bal xc'o awilic jalal te yac ta tijulayel yu'un te iq'ue?

San Lucas 7:24 ပူးပေါင်းရင်းမြစ်များ

Génesis 49:4

Hichat te bin ut'il tulan yip yacan ha', ma ha'uquix sbahbayalat, como mohat ta swayib te atate, la abohlobtesbe sc'oblal c'alal mohat ta jwayib.

San Lucas 1:80

Muc'ub te alale, la yich' yip yo'tan; ayin ta jochol taquin q'uinal ha to c'alal la sta yorahil te la yac' sba ta ilel ta stojol Israel.

San Lucas 3:2

soc te c'alal ayic ta muc'ul sacerdote a te Anás soc te Caifás, tal sc'op te Dios ta stojol Juan snich'an Zacarías ta jochol taquin q'uinal.

San Lucas 7:23

Ha me bayel yutsil te mach'a ma xpehc'aj yo'tan ta jcuenta, xchi.

San Lucas 7:25

¿Binti a te loc' tal awilique? ¿Ha bal jtuhl winic te slapoj buen lequil pac'? Ilawil, te mach'atic slapojic t'ujbil pac' soc te ay yutsil scuxlejalic, ayic ta nahetic yu'un ajwaliletic.

San Juan 1:23

La sjac' te Juan: Ho'on te sc'op mach'a hich ya x'awon ta jochol taquin q'uinal: Tojobtesbeya sbe te Cajwaltic, hich te bin ut'il la yal te jalwanej Isaías, xchi.

Efesios 4:14

Hich ma ba alalotiquix te xyal xmo te co'tantic, te bayuc ya x'ic'ototic bahel yu'un biluc nohptesel soc te lo'loyel yu'un winiquetic te yac slo'loybelic ta scuenta te lo'loywanej yu'unique;

2 Pedro 2:17

Ha'ic sloq'uib ha'etic te mayuc ya'lel, soc tocaletic te ya xtenotic yu'un tulan ic'; chapal sc'oblalic te ya xc'oht ayinuquic sbahtel q'uinal ta banti c'ax ihc'.

2 Pedro 3:17

Ha yu'un, quermanotac te c'uxex ta co'tan, te bin ut'il hich ana'ojic ta nahilal, canantaya abahic scuenta yu'un ma ba ya snitex bahel te showilc'opic te mach'atic ya spasic biluc ya sc'anic, te hich ya xyahlat cohel ta banti jun awo'tan ach'uhunejique.